منتدى عالم الأسرة والمجتمع - هل انا غلطانة ؟؟ وانت يا اايها الزوج هل ترحمها في مرضها

باسادة ياكرام

يامحترمين

ياقارئين هذا الكتاب

السلام عليكم ورحمة الله وبركاته

ومساكم الله بالخير

مشكلة بسيطة وابغى مشورتكم

زوجي الغالي بعد بكرة راح ينزل عندي بلدي ومثل ماشرتوا علي من قبل انه ادا بغى يجي ماعارضه بالعكس ارحب فيه رغم كل ظرف عندي زواجات ولا نكبات يجي يعني يجي
طيب انا سويت هالشي والحمدلله كان تاثيره فعال بسبب نصايح الاعضاء الكرام

المهم

وزوجي كان معزم يجي من 3 ايام
وكل يوم يتصل خايف انه تنزل علي الدورة يتطمن انها مانزلت

قهرررررني هالمرة

اقول له يعني انت مو جاي علشاني انا وحبا فيني
الا يقول لي لو ماحبك ماشتهيت هالشي معاك واجيك من اخر الدنيا بس صراحة ماقدر اجيك وانتي فيك الدورة ماقدر اخد راحتي واذا جاتك ماراح اجي مادري يمزح او لاء
وكان تنبط جبدي عليه
لو يصير طلعت له من التلفون
:29:
انا عندي هذا مو عذر

كل رجل عنده شهوة وبيجوف مريته عنده مابخليها يحبها عاد لو يكرها
صح ولا لاء؟

مع انه اول مرة يقولها كان يننزل عندي البحرين وتكون احيانا معاي واريحه عادي بس هالمرة استغربت منه
وحاولت التمس له عذر انه مداوم 10 ايام ودوامة 8 ساعات هلكان حده
وله 12 يوم ماجافني ومكالماتنا قليلة مافي وقت دوامه وانا عندي معهد

المهم

انا من امس صادتني انفلونزا وزكام وكحة :24:

اتصل علي وسمع صوتي وخاف علي كثييير وصار يحاتيني خصوصا انا ماحد يفهتم فيني اذا مرضت لا مستشفيات ولا شي الا بالزووور وهذي انفلونزا مالها داعي مستشفى

ويوم سمع صوتي مريضة على باله انه نزلت لاني اصير في حالات شديدة الحمدلله ادا تاتي

سألني بخوف نزلت قلت له لا كان يقول اشوى

قهرني اكثر واكثر

قلت له يعني لو فيني طاعون لو امراض الدنيا كلها عادي بس
الدورة لا

بجد انقهرت منه
بس حاول يفهمني وجهة نظرة وراضاني

طيب

الا يقول انا ادا جيت ابيك تكوني عروسة من جديد قلت له ماقدر اسوي لك مثل كل مرة واكون جاهزة بكل شي

بتجهز وبسوي اشياء ولبس وكشخة بس عادي لاني مريضة واصلن وجهي شاحب شوية وزكام والصوت يخرع وخشمي احمر صار :rolleyes:

الا يقول لالالالا وبشدة

ابيك تكوني جاهزة من كل النواحي

وطلب مني الجماع بصورة مثل قبل

الحين الي مريضة وعندها اجهاد من اساس بتقدر تواصل جماع مع زوجها مثل مايبغي

والله حرام

ويبي اطبخ له اشياء دسمة متعود على طباخي قلت له طيب بجيب من بيت اهلي من طباخ امي قال لا ابيج انتي
انا ماحب الا طباخج انتي

قلت له انت ماعندك احساس

وتضايق من كلمتي

ورجع اتصل علي اليوم الظهر الا يقول ابيك تكوني مثل ماقلت لك قلت له ماقدر انا مجهدة اصلن

وتضايق اكثر يقول لي انا جاي ابي ارتاح عندج من تعبي
طيب انا شنو ذنبي لا صرت مريضة
مع اني حاولت ارتب نفسي واموري واجهز حق زواج بنت عمي ثيابي وكل شي علشان مااتكركب لما يروح

والشقة حالتها حالة وماقدر اعمل كل حاجة خذيت شغالة بيتنا ورتبتها ونظفتها حتى المنتدى اجي يمكم شوي وارجع اتمدد

وطباخ انا الحين قلت موب طابخة ماقدر اوقف على حيلي شلون ابطبخ وانا اصلن حرارتي تطبخ
ويبيني معاه في الفراش مثل كل مرة

يا هل ترى

ياخواتي حصل لكم مثل هالموقف ؟؟ وشولون تصرفتم معاه ؟؟ وبشنو تشورون علي ؟؟

اخواني المزوجين تعاملوا زواجتكم جذيه لو صادف مثل ظرف زوجي بمدة عمله الطويلة وبعده؟؟
ام ترحموها لمرضها وتحاولوا ان تخففوا عنها
؟؟

مع العلم انه لو جاء اكيد بيهتم فيني وبيبارني بس مو عاجبنه اني اكون مريضة ماراح يرتاح وايد مني؟؟

واول مرة يسوي جذيه او يقول هالكلام:confused:

ولكم مني خالص الود والاحترام

اختكم في الله دمعات