|
ميزانية التوفير لكل عائله
[SIZE="5"]السلام عليكم
الصراحه كثر بها الزمن الكلام عن التوفير وعلى كثر مالأنسان قاعد يوفر الى الحين محنا قادرين نوفر لأنفسنا واطفالنا بيوت ملك المهم مع بحثي بالمنتديات اعجبني هذا الموضوع عن التوفير وعلى طول نقلته لكم انا طريقتي بالتوفير غير باكتبها يمكن انها تساعد احد فيكم وفي البداية محتاجة لشوية وقت وتنفع للعائلات الكبيرة مستلزمات البيت من ادوات التنظيف( ديتول وفيري وتايد وغيره ) القصدير واكياس الزبالة بمقاساتها واكياس حفظ الاطعمة واسفنج الغسيل والمعجون وجميع انواع المناديل ( اي شئ غير الاكل ) حتى شامبو الشعر والشور جل ا لها وقت انتهاء عشان كذا اشتريها بالكراتين والدرزن( 12او24 حبة يعني سنتين حبة في الشهر) مرة بالسنة واحيانا يبقى اشياء منها للسنة الثانية يمكن يكلف الموضوع مرة بالسنة من 4000 الى ثلاثة الاف حسب الماركات المشتراة وكميتها واحطها بغرفة المخزن او دولاب واقفل عليهم وما احد يدخل المخزن او يفتح الدولاب غيري لاشغالة ولا احد لاتتفاجئ من المعروف انك اذا اشتريتي مثلا الفيري الكبير من السوبرماركت ب 8 او 9 ريال واذا اشتريته من محل الجملة بالدرزن بيكون الحبة تقريبا ب 7 ريال او ارخص لكن اذا اشتريتها بالكرتون من المورد او مكتب التوزيع او مندوب المبيعات او المصنع نفسه بيكون سعر الحبة ارخص لانك تشتريه بسعر المصنع مثل تجار المفرق ((انا اشتري صابون التايد كيس مثل كيس الارز 25 كليو ب 88 ريال وكل شهر اعبي سطل صغير يزن 2 كيلو مع كوب قياس واحطه بغرفة الغسيل كل شهر يكفيني الكيس لمدة سنة وحدة انت عارف انه كيس التايد على ما اعتقد 2 كيلو ب 14 ريال بالسوبرماركت ( شفت الفرق بالسعر ) وعليك القياس على باقي المواد )) عشان كذا اول خطوة انك تشوف فين مواقع مخازن او مكتب توزيع البضاعة للمصانع ( بالنسبة للي في جدة تلاقيهم في باب شريف او الحلقة ) في مدينتك طيب كيف تلاقيها اقرء الملصق على المنتج وتلاقي عنوان ورقم المورد او المصنع واتصل وخذ العناوين احيانا يحطوا ارقام مجانية للاستفسار استخدمها واسأل لا تنحرج خليك جريئ واذا احرجك الرجل قول له انك بتفتح سوبرماركت صغيرة وحاب أتعرف كيف أوفر البضايع ممكن اذا لقيت شاحنة التوزيع والموزع ( او المندوب) انك تسأله اذا ييبع لك الكرتون بنفس سعر التجار وبتلاقيه يوافق لانه ياخذ نسبة عمولة على التوزيع يمكن تشوف طريقتي صعبة او مكلفة لكن صدقوني والله مريحة وموفرة بشكل رهيب انا اشتريت كراتين من جميع انواع اكياس البلاستيكات والمناديل لها سنتين عندي وماخلصت بالنسبة للاستخدام كل شهر اطلع من المخزن على حبة من كل نوع منظف حتى لو مخلص القديم واحطها بكرتونة واسلمها الشغالة طبعا انا مفهمتها لو تخلص مافي غيرها عشان تنتبه لكمية الاستخدام ( قبل مايكون عندي شغالة كنت احطها بدولاب المنظفات في الطبخ ) واكياس زبالة واكياس حفظ اطعمة وقصدير على قدر حاجتي للشهر هذي الطريقة راح تغنيك من شراء المنظفات كل شهر ولمدة طويلة اشتري كرتون الفيري فية 24 حبة يعني يكفي لمدة سنتين كل شهر حبة وبكذا الميزانية الشهرية تخف المواد الغذائيه انا اشتريت ثلاجة او برادة مثل حقت المحلات واللي تعرض فيها المشروبات او الاجبان بباب زجاج مقاس لكن بعد كذا راح تدفع فقط كل شهر اشتراك هاتف 120 ريال + بطاقة 200 ريال = 320 ريال اتصال نت مفتوح 24 ساعة بدون توقف [/SIZE] |
يتبع للمستوصفات والمستشفيات
اول شئ انصح عن تجربة اذا عندك اطفال خاصة من الولادة عليك بالمستوصفات الحكومية التطعيمات مجانية وكل شهر تروحي ياخذوا فحص للبيبي من طول ووزن وغيره او اذا حالة المريض مو خطرة راجعهم مثل مرض سكر او ضغط صرف الادوية مجاني اذا شاكة بموضوع مرض اطلبي تحويل على المستشفى وهم على طول يحولكم لا تقول لي مواعيدهم طويلة ووو غيره من الاعذار البايخة والله اذا شك الدكتور ان الحالة محتاجة لمتابعة على طول يخلي المواعيد قريبة يعني اللي راح تتحمل المواعيد بتوفر مبالغ طائلة خاصة اللي عندهم اطفال ومحتاجين تقاويم اسنان او علاجات ثانية اما اللي ماله خلق على الحكومي اذا رحت الحكوميي واهلهم واعطيهم مسمى الوظيفة او مكان العمل مو خسرانة شئ اغلب المستشفيات تعمل خصومات او اذا المستشفى تصرف بطاقة تامين صحي خاصة فيها شوفي مميزاتها والخصومات عليها واستفيد (( حتى الفنادق تعمل خصم للموظفين الحكوميين ( اذا ماكنت غلطانة الموظف بوزارة الزراعة له خصم بفندق الشيراتون 15 % ) وعليك القياس )) وبعض المحلات التجارية الكبيرة او الشركات ايضا تعمل خصومات للموظفين الحكوميين كلها مكالمة تليفون واسال في حاجة مهمة اغلب الناس تهملها وهي بطاقات العضوية و الخصومات لبعض المحلات لاتقولي مالها فايدة او تعمل حسم قليل لا كل شئ فية توفير حتى لو ان شاءالله 40 ريال حسم على مشترواتك يعتبر انتي الكسبانة (( كل اللي عليك انك تجمعي الفواتير اذا وصلت مبلغ معين قدمها واحصل على العضوية مجانا)) من المحلات اللي مشتركة فيها السواني , مكتبة جرير , سيتي بلازا , المخازن الكبرى , ايكيا (( ياليت اللي تعرف غيرها من المحلات اللي تقدم عضويات تبلغني عشان اشترك )) انا عندي جوال خاص ( فقط لاستخدامات العمل والمحلات والبوتيكات والمطاعم اواذا كنت بتفق على طلبية وطلبوا رقم للتواصل) اذا رحت لمحل اسألهم اذا عندهم خدمة تبليغ برسايل الجوال وقت التخفيضات واذا كان عندهم اعطيهم الرقم ( يعني ماعندي خوف ان رقمي ينتشر او تجيني ازعاجات لانه خاص فقط لهذا النوع من المكالمات) وبكذا اكون على اطلاع على العروض والتخفيضات اول ما تبدأ الترفيه بالنسبة للخروج والنزهة سبق وقلت ماعندي اطفال لكن اللي مستغربة منه ليش الواحد ما يخرج اطفاله الا ايام الخميس ليش مو وسط الاسبوع بعطيكم كم اقتراح في بعض مراكز ترفيه تقدم عروض وخصومات وسط الاسبوع عادة من السبت الى الثلاثاء على الالعاب واسعار التذاكر او اوقات معينة ( اتصل واسأل ) فيها توفير اهم شئ انكم تعودوا الطفل انه له ميزانية محددة لللعب او عدد مرات محددة مثلا له 25 ريال للعب يحب يلعبها ورا بعض او يلعب شوي ويجلس يتفرج ويكمل الباقي ولايطلب غيرها مهما كانت الالعاب مغرية ولا تتنازلوا وتعطوهم اكثر حتى لو بكيوا واترجوكم مع الوقت بيتعودوا على اللعب بمبلغ محدد ولايطلبوا غيره بالنسبة لوجبات العشا لاتشتريها من المركز قبل ما تخرجوا اطبخي وجبة العشا وخليها وجبات سريعة وتعشوا بالبيت وبالمركز اشتروا للاطفال ايسكريم او اي شئ ثاني ادوات المدرسه ومستلزماتها من دفاتر وغيره ماعندي اطفال لكن ممكن افيدكم روحي للمكتبات الجملة اسألي عنها او تلاقيها بدليل الهاتف بالنسبة لجدة تلاقونها على امتداد شارع السبعين قبل تقاطع شارع فلسطين جميع المكتبات بالجملة حتى ادوات ومستلزمات الهدايا اشياء روعة . نجي للسفر وخساير السفر اذا انتم عائلة فيها طلاب مدارس او كلية وحابين تسافروا داخل المملكة اطلبوا تخفيض الخطوط السعودية للدرجة السياحي من المدرسة او الكلية يعني تطلع عليكم التذكرة للطفل او الشخص الواحد ذهاب وعودة بنص السعر ( كتبتها عشان اللي ماعندها خلفية عنها او ماتعرف عنها يجيها العلم) اما اللي ما عندها طلاب مدارس او عندها اطفال تحت سن المدرسة وسفرها كثير لاهلها او زوجها سفره كثير حتى خارج المملكة في حل حلو لهم اتوقع كثير مايعرفه عضوية الفرسان من الخطوط السعودية ( على فكرة تنفع للسعوديين والمقيمين داخل السعودية) انا مشتركة بعضوية الفرسان ( ( لان سفراتي انا وزوجي كثيرة ونستخدم المكافات اللي نحصلها من العضوية عشان نحصل على ترفيع درجة السفر يعني اكون دافعة قيمة تذكرة درجة سياحية ثم اطلب ترفيع التذكرة على درجة رجال اعمال او اولى يعني اسافر على الدرجة الاولى بنفس سعر السياحي بدون ماادفع ريال زيادة وممكن انك تخلينها تذاكر سفر مجانية او خصومات لبرامج العطلات ( راجعي موقع الخطوط الجوية السعودية لمزيد من المعلومات واشتركي مجانا عن طريق النت ) ) بتكلم عن خطوط طيران دولية يمكن ماعندكم خلفية عنها وهي العربية للطيران اسعارها رخصية جربتها مرة من الشارقة للدمام لاني مالقيت حجوزات على ما اذكر كلفتني الرحلة 300 ريال وانتي تشري وجبات الاكل على حسابك لانهم مايقدموا لك الا الماء فقط ( صحيح ما اعجبتني حسيت نفسي بباص لكن هي حلوة للعائلة الكبيرة او اللي ميزانيتهم قليلة وحابين يسافروا للخارج ) وهي تروح لكذا دولة وسعرها على حسب الحجز اذا من بدري او لأ ( لمزيد من المعلومات زوروا الموقع الخاص بها ) والجديد من خطوط الطيران الرخصية الجديدة في المملكة طيران ناس وخطوط سما ( زوروا المواقع على النت للمزيد من المعلومات) نجي للمكياج والعطور الكل يحب الزين وكلنا نحب اننا نتجمل وتكون ريحتنا حلوة ومميزة لكن بعيد عن خسارة الفلوس انا دايما اقول انه المكياج واحد وتصنيعه واحد اللهم اسم الماركة هو اللي يحدد السعر عشان كذا اهم شئ كريم الاساس والبودرة والكونسلر وكحل العين يكونوا من ماركة غالية والمكياج الدائم او الالوان الاساسية اللي تستخدميها باستمرار مثل الوردي ودرجات البيج او البني اللي تنفع لكل المواسم ممكن غالية لكن الوان الموسم لا والف لا لأنك راح تستخديمها فترة ثم تنتهي موضتها وترميها او تستخدميها للبيت ومستحيل انك تخزنيها على امل ان موضتها ترجع الموسم الجاي لانه من المعروف ان حتى الكياج له تاريخ انتهاء فا ليش اشتريها غالية واخسر عليها مبالغ يمكن استخدمها كم مرة بعد كذا مصيرها الدرج او الزبالة في ماركات رخصية وحلوة ومعترف فيها من قبل اخصائي مكياج عالميين مثل برجوا ومايبليين وغيرها اختاري اللي يناسك اما بالنسبة للعطور اذا رحتي تشتري عطرك المفضل او اللي متعودة انك تستخدميه اطلبي من البايع عيانات للعطور الجديدة او حابة انك تشتري عطر جديد وجربتيه بالمحل واحترتي لاتشتريه على طول اطلبي عينة مجانية منه واستخدميها برواقة وشوفي يناسبك او لأ احيانا حتى المكياج بعض الماركات تنزل عيانات مجانية للمستحضرات الجديدة اطلبي واسألي عنها خلي عندك قاعدة عطر واحد غالي ومميز مع كمالياته للسهرة والخروج افضل الف مرة من عطور كثيرة ورخيصة وغير مميزة بالنسبة لعطور البيت خليها حلوة ورخصية مو اكثر من اثنين اذا حابة التغيير وكل مرة غيري الانواع بكذا تكوني مميزة كل مرة بالنسبه للهدايا اذا كنت كريمة وما تحبي تكوني مثلهم اتبعي اسلوبي في نوع الهدايا حلو وغير مكلف وينفع لكل مناسبة سواء ولادة نجاح زواج ( اذا ما كانت تقرب لك او ماعمرها اهدتك شئ) او زيارة اول مرة لبيت وحدة ( اذا قلنا الميزانية 100 او 150ريال للهدية) اشتري سلة حلوة من محلات ابو عشرة يكون حجمها مناسب وورد مجفف واشتري كم قطعة من محل ذا بدي شوب او نكتار او زهور الريف وخليه ينسقها لك بالسلة او اشتري مجموعة شموع وزيوت عطرية وفواحات من لايف ستايل او ممكن براويز صور او البوم صور فخم او اي شئ غريب وحلو و بنفس الوقت غير مكلف اذا ولادة اشتري من محلات التعليم المبكر لعبة مناسبة لسن كبير شوي عشان تستفيد منها مستقبلا او اذا كنت ماهرة بنوع غريب من حلى قهوة او حلى عشا او اي طبق اعمليه وقدميه بشكل حلو اخر شئ بتكلم عن تجربة صديقة وزوجها موظفين عارفين ايش عملوا حولوا الراتب ينزل لنفس البنك وفتحوا حسابات ايداع لاطفالهم الاربعة وكل شهر ينقطع من رواتبهم على 400 ريال وينزل بحسابات اطفالهم يعني كل طفل ينزله بالشهر 200 ريال طبعا الاطفال ما راح يستفيدوا منها الا بعد 25 سنة او اكثر اذا كبروا وتخرجوا من الجامعة ان شاء الله ( 200 ريال * 12 شهر = 2400 ريال / 2400 ريال بالسنة * 25 سنة = 60000 ريال ) وعليها قيسوا لو تعملوا ايداع شهري ثابت ينقطع من الراتب يستخدم وقت الحاجة او للمستقبل |
موضوع مفيد حقاً
جزاك الله خيراً |
ماشاء الله عليك
الله يحفظك حطيتي افكار مررررررررررررررررررررررررررررررررررررة مفيدة اكيد برجع اقرأ بتاني واسجل المهم |
ما شاء الله لا قوة الا بالله
|
ما شاء الله ابداع
|
كله كويس الا نقطه وحده..
وهي اني اخلي ولدي يبكي ونفسه يلعب لعبه وما اخليه الا يتفرج على الاطفال اللي بيلعبوا ومبسوطين عشاني بخلانه اعطيه 3 ريال للفيشه حقت اللعبه بحجة اعلمه التوفير او الالتزام بالمصروف... حسيت انها قويه وفيها اذى نفسي للطفل وهي انه يصير الطفل دائما عينه في اللي مع الناس ويحس انه محروم.. انا مستعده اقعد اليوم كله ما اكل ولا وجبه واوفر قيمة اكلي للعب ولدي بس عشان اشوف الابتسامه والسعاده بوجهه.. انا ماعندي اولاد ولكن احس هذا شعوري تجاه الطفل وانتي بكره لما يجيك اولاد ان شاء الله رح تفهمي قصدي ومارح ترضي تكسري بخاطر ولدك عشان خاطر توفري كم ريال.. شكرا لك. |
ماشاء الله تبارك الرحمن
والله هكذا النساء ولا بلاش فتحتي عيوني على اشياء بس ترى طيران العربية حرمت طلوعها والله تخوف مرة صحيح رخيص بس خبيص كنت اشعر بالجناح بدة يطير لوحدة ههههه الحمد لله على السلامة بالنسبة لإنة الواحد يشتري بالدرزن كلام جداً مفيد وأنا جربت ورجعت بطلت بس برجع اعيد لإنك حمستيني شكراً لكي اختي ام جمون |
hazem007
**تعبت من البعد** al reem غدير الأبرار حنين1 اشكركم على مروركم الرائع اما بالنسبه ياختي(Crestalla ) انا عندي اطفال لكن الي كتبت الموضوع ماعندها اطفال بالنسبه لتحديد المصروف انا جربته مع بناتي ممتاز لأنهم يبتلون يبون اشياء وممكن لما تحددي المصروف توزعيها على الوقت يعني اول مايجي يلعب لعبتين طبعا العبه بخمسه ريال ثم يرتاح وتشترين له أكل ثم تكملين تلعيبه مثلاًلعبتين ثم تشترين حاجه يشربها ثم لعبه او لعبتين يعني حددتي لعبه 30 ريال تقريبا والأكل 10ريال كذا سوي |
http://abeermahmoud.jeeran.com/page%205/352-Thanks.gif عاد أنا أحب يكون كل شيء بحياتي مخطط له ((( قولوا ماشاء الله ))) ومنه التوفير ... عادي أضغط على نفسي شوي طول السنه ولا أسرف في سبيل إني أستانس بالعطله والاقي معنا شيء يستاهل نقدر نسافر و نسوي اللي نبيه... أما بالنسبة للأخت Crestalla أحسن شيء إنك تعودي أولادك على التوفير وأحترام المصروف إنتي ماراح تحرمينه من اللعب لا؟؟؟ خليه يلعب لكن حددي لأن الأطفال كلنا نعرفهم والله مايملون وعشان تحسسينهم بقيمة الفلوس..... وشكرا |
| الساعة الآن 08:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©