ابي حل ارجوكم ؟؟
 

صباح الخير جميعا ...
عندي مشكلة صغيرة بس بصراحة ماني قادرة اتحمل اكثر . انه حامل و زوجي و الحمد الله يحبني و مستانس وايد انه ان شاء الله بيكون له ولد و اهوا من طبعه يحب الاطفال , مشكلتي مع ولد اخته صحيح انه اول حفيد لهم و علاقته فيه واايد قوية طبعا الطفل تقريبا 3-4 سنوات بالعكس انه ما ابيه يكرهه بس في فرق بين قبل الزواج و الحين المفروض يحس فيها كم مره بنطلع نتمشي يكون معانا و اكون حدي مضايقة ابي اخذ راحتي مع زوجي و هذا من حقي طبعا ؟؟ و امه طبعا ما تدري عنه تبي بس احد ياخذه علشان ترتاح و ليش انحط بهالموقف انه ما ادري؟؟ و للعلم الطفل من زواجنا 4 اشهر طول ما يشوفني يبكي و يجن حركات بهلوانية و صراخ مادري ليش مع اني حاولت اني اتقرب منه بس ماكو فايدة ,و الحين المشكلة الكبيرة من عرفوا اني حامل صار لازم كل يوم زوجي يطلعه غير الاتصال بوقت غير مناسب من امه علشان بس يبي يسمع صوت خاله صار لاصق فيه بدرجه مو طبيعية يحاولون بكذا طريقة الي بصراحة انه مضايقة من الوضع الحالي بصوره كبيرة لانه صج مالي ذنب ابي حياة مستقرة و هادية مع زوجي ؟؟ ابي حل ارجوكم ؟؟

فهمي زوجك بأن الطفل تحبينه وتحبين يجي معاكم ولكن هناك خصوصيه بين الزوج وزوجته
لازم هالطفل ما يشوف هالخصوصيه مثل حركات الحب التي تكون بين الزوجين اذا كانوا بروحهم
أنا عندى أطفالي ولكن مو كل الوقت معاي في الطلعه
مره نطلعهم معانا
ومره الثانيه أنا أطلع مع زوجي بروحي لأني أحب أن يكون لي خصوصيه مع زوجي بدون أطفالي
تعالي لزوجج بالهدوء والاقناع ..
أعانك الله

اختي في الله .. إن كانت علاقتك مع اخته ممتازة فهذا جيد بأن تطلبي منها أن تكف قليلاً من ارسال الطفل لكم وتختلق الاعذار لزوجك حتى تساعدك في وضع وقت خاص بكم .. هذا من ناحية أما من ناحية أن العلاقة ليس جيدة أو شبه رسمية فأقترح أن تبيني لزوجك وبطريقة (أن كيدكن عظيم :) ) مناسبة بأنك تغارين منه - اي ولد اخته - كثيراً وإن شاء الله يتفهم لذلك ويعطيك حقك في المصاحبة والجلوس لوحدكم ..

وإن لم ينفع ذلك فعليك الصبر حتى ولادة طفلكم بإذن الله وثقي ثقة دائمة بأن زوجك راح يتغير كثيراً مجرد مشاهدته لطفله ..


والله يرزقكم الذرية الصالحة ويهون عليك الولادة ويسعدكم دنيا وآخرة



تحياتي

كلام سليم 100%100 وهذا هو المفروض يفهمه زوجك:22:

الاخوان ماقصرو كفو وفو
الله ييسر ولادتك ان شاء الله :)

قولي لريلج وفكي نفسج

واذا ماارضى ريلج قولي له عيل مو طالعه معاك

صدقيني بهالطريقه بيتخلص من الولد

وانتي حاولي اطنشين ريلج طول فتره انه يخلي الولد معاكم

اتمنى لج كل توفيق