وصلني الخبر الحزين !!!
 

السلام عليكم

طبعا عشان تعرفون سالفتي هذا رابط الموضوع القديم

http://www.66n.com/forums/showthread.php?t=133671

انا قلت بكلم اختي عشان تجيس نبضها و قتلكم قالت ما تصلح لي طبعا من غير اسباب :(

انا رحت و كلمتها " بنت خالي " و قتلها اني ابيج و من هالكلام " طبعا الحجي كان بالمسنجر "

اهي على طول اطلعت من المستحى ، رحت و دزيت لها مسج قتلها ترى انا افكر اني اخطبج و ما قلت لاحد عشان ما نسوي مشاكل بالعايله ، اهي قالت لي فاجأتني و من هالكلام و ابي افكر عطني جم يوم ، بعد هالجم يوم شفتها بالمسنجر قتلها ها شنو قرارج ، اقعدت و تسألني عن المستقبل و شنو افكر فيه و اشياء عنها و من هالكلام طبعا انا قلت يعني :22: " طبعا في قلبي " . و بعدين قالت لي بفكر بالسالفه

و كانت مرتاحه من اجاباتي و كل شي تمام ، و مره قتلها ها شقلتي قالت لي و الله يا فلان انت الكل يتمناك لكن انا ما اصلح لك :11: ، قتلها طيب في سبب ، قالت و الله ماكو شي فيك ابد بالعكس اصلا انا الخسرانه لكن انا الي ما اصلح لك ، طبعا انا الحين محتار لاني جد جد احبها و ابيها بس مادري شسوي ؟

خلها اتقولك شو الاسباب.. ؟! يعني حاول معها

اختك قالت ماتصلح لك .. والحين .. هي اتقول ماتصلح لك ..

اذا ماتقدر تسالها لانك تستحي اسال اختك.. يمكن هي اتعرف شي..

حاول لحد ماتعرف..

اختك تقول ماتصلح لك!!
وهي تقول أنها ماتصلح لك!!
أكيد فيه سبب!!
يمكن أكبر منك,, أو أحد مكلم اهل البنت قبلك,,
لازم فيه سبب؟؟ حاول تعرفه من اختك يمكن تقتنع ..

طيب اخي الكريم ما ذكرت اسباب ليش ما تصلح لك ؟؟ حاول تسالها شنو المانع لازم في سبب مقنع و الزواج مو غصب يعني اخوي ... شوف شنو تقولك ..
اختك بني

خطها طاف



والمراه اذا تعففت وتدلعت مالها الا الدفرات


واذا كانت بكل صراحه اختك تقول ما تصلحلك واهي تقول انها اهي الخسرانه اكيد تحب غيرك وحاولت انها تمشي معاك ماقدرت فابتعدت او انها ما تستلطفك او انا تعتبرك مثل اخوها



عطها طاف وفكر بغيرها والله يوفقك

لا يروح بالكم بعيد مو اسباب الي بالكم

لان ما اتوقع فيها شي ابدا و انا اعرفها عدل

لكن السبب الي اتوقعه لانها متهاوشه مع اختي الثانيه فمن جذي ما تحبها يعني السالفه من طرف اختي سالفة بنات ! يعني اختي انسوا كلامها لان انا اعرفها عدل

يمكن لانك من الاهل

ولد عمتي من صغري كان يبيني
بس لانه من اهلي مع اني ماشوف فيه شي يعيبه ملتزم ووسيم واخلاق
بس لانه من اهلي ونا ماحب زواج الاهل ابدااااااااا لاني اخاف من الامراض الوراثية صارت بعايلتنا اللي تزوجو من الاهل
وغير وايد ناس اعرفهم
واحس ان هالشخص من زماااان اعرفه كأنه اخوي


بس سالفة انها ما تصلح لك الله يعلم شو قصدو هي واختك
يمكن مثل ما قلت مضاربين ,,,لان تصير فعلا وصارت مع وحدة من صديقاتي
كان اخوها يبي ربيعة اخته ولما تضاربو قالت له انساها احسن لك ما تصلح لك وما تستاهلك