خايفه من اهلي
 

اكيد مستغربين من العنوان بس من جد خايفه مره مشكلتي كانت هناك مشاكل قديمه بيني وبين زوجي صغيرة مع تدخولات الاهل انفصلت عنه 3شهور تعذبت كثير بعدين ناس اصلحو بينا وبين اهلي المشكله اهلي واهله مايحبو بعض وانا وزوجي متمسكين ببعض اهلي مايبوني اسكن مع اهله وانا سكنت مع اهله وااهلي ماعرفو لي اسبوع مع ان اهلي محذريني اني ماارجع اسكن عند اهله بس انا واهو متفاهمين لان ضروفه الماديه مره صعبه علاقته مع اهلي حلوه وانا خايفه اذا عرفو تصير مصيبه ماابي يعرفو من الناس لاكن الناس اكيد بيعرفو كيف ابلغ اهلي زوجي يقول اذا عرفو واحبسوك عندهم اهربي معي اناخايف اهله يعرفو انا اهلي مايدررون ويقولون لزوجي لا احد يتدخل بينكم انقذوني

ملاحظه زوجي مره مدلعني حتى اهلي يعرفو وهو يقول ماراح يتخلى عني وماعندنا اطفال

ام جلمبو :d اسمك غريب

قيل قديما ما للمرأة إلا زوجها

الجأي إلى الله , ونحن الآن في انتظار اخر ساعة من يوم الجمعة ساعة لا يرد فيها سائل

ولا تنسينا من صالح دعائك

مشكور بس قولولي كيف اتصرف احس انها مو حلوه يعرفو من الناس وانا خايفه من المواجهه ارسل رساله لهم او ارسل شخص يقولهم ويصلح الموضوع

يا اختي ام جلبمو

أهلك؟ ما اعجبهم أثاث بيت أهل زوجك !؟

أم ان المكيفات ما تبرد عليهم ؟

أختي أهلك مع احترامي الشديد طبعا لوالدتك - أهلك وش بيضرهم إذا سكنتي في بيت زوجك

وأنتي مثل ما تقولين مرتاحه؟

الحق لا يخاف صاحبه , واجهي اهلك بالحقيقة

نعم انا راضيه بزوجي وراح اسكن وين ما يسكنني , ولو سكنا في عشه,

وانا ادرى منكم بأمور زوجي المادية ولا ابي اضيق عليه.

خذي الموضوع ببرودة اعصاب , وريحي بالك ,والحق معك

أنتي الآن مرتاحه مع زوجك (صح) طيب أهلك يبون شيء اكثر من راحتك مع زوجك؟

في انتظار ردك

عزيزتي حاولي تهدين وضع اهلك بحيث ماتخسرينهم ومن رايي تدخلين طرف ثالث من عايلتكم انتم يبين لأهلك الوضع وماله داعي تبينين لأهل زوجك عدم رغبة أهلك بعدم سكنك معاهم إذا هم ماعرفوا كذلك بيني لأهلك أن وضعك مؤقت لحد مايتحسن وضع زوجك وأنك تتحملين قرارك هذا وأنه لو حصل شي أنتي تتحمليه بس هم يريحوا بالهم وحاولوا تقاربون بين عائلتك وعائلة زوجك لأنكم أصبحتوا أهل بالتوفيق .

شوفي حد عاقل وحكيم من عايلتكم وله قدر وكلمته وحده
وخليه هو يروح ويقنعهم
وان ما اقتنعوا قوليلهم انه زوجج امرج بالبقاء عنده وطاعة الزوج واجبه

تمسكي بزوجك وما عليك من اهلك .............وان شاء الله يطلع ولد حلال وماينسي وقفتك معاه

موفقه ان شاء الله

غربين اهلك <<< مع احترامي لك ...

يا هلا ..

اختي ليه اهلك زوجوك اذا كان راح يتحكموا في حياتك بهذه الدرجه ...

وين زوجك ؟؟ ليه ما يوقف في وجه اهلك وقفة رجال ...

يقول لهم اذا ما يعجبكم حال بنتكم يا انكم تاخذونها في حضنكم و انا اشوف لي زوجه ثانيه ترضى بوضعي او اني راح احرمكم من شوفة بنتكم اللي هي صارت زوجتي و طلعت من عهدتكم .. والشرع في صفك و في صف زوجك دام انه يحبك مو مقصر معك في شي ..

خليك قويه و قولي لاهلك انا ما رااح اخرب بيتي و اخطف عيوني باصبعي .. انا قابله اني اعيش مع زوجي و اهله.. ليه خايفه واجهي اهلك انت و زوجك و لا تعطوهم فرصه يتحكموا في حياتكم .. قوي قلبك يا اختي ومع ذلك ما يحتاج اوصيك ببر والديك .. لكن رضى زوجك اهم يا اختي ..

وربي يسعدك و خبرينا عن اخر تتطورات وضعك ..

اختك اميرات