|
هل تصرفي صحيح....؟
السلام عليكم ما ادري من وين ابتدي ولكن بحاول اختصر مشكلتي انا صار لي مخطوبة شهرين ونص مشكلتي هي احس اني اخر اهتمامات خطيبي مو بالمعنى بس اذا بيجيني لازم يكون عنده عدة التزامات وبكذا يتاخر بموعد جيته لي انا احاول اقدر وضعه وظروفه مع انه في التزامات مش ضرورية ومع ذلك يسويها اغلب زياراته تكون 10 ونص الليل وطالع نادرا اذا جى قبل 10 انا احب خطيبي ومرتاحة معاه بس هذا الشي الوحيد اللي يضايقني فيه انه مستحيل يوم يقولي انه بيزورني من غير ما يطلع له التزامات ومشاوير يخلصها قبل ما يجي اخر مرة اللي هي امس كنت متفقة اني بروح مع اختي السوق كنت محتاجه غرض معين وكنت بروح العصر لما دق علي وقلت له اني محتاجه شغله من السوق قالي انه كان حاط في باله انه نطلع نتمشى اليوم وقالي خليها اذا طلعنا بالليل نمر السوق دقت على اختي وقلت لها خلاص ناجل طلعت السوق بس وعده لي تاخر انشغل بمشاوير وتاخر علي ما جى لي الا 10 ونص بعد ما سكرت الاسواق وطلعنا اقل من ساعه ورجعنا انا تضايقت انه انا دايما اخليه في مقدمة اي شي والبي كل طلباته وبالمقابل اشوف التقصير منه بعد ما طلع حسيت اني متضايقة منه مع اني كبت غضبي طول الوقت لو كان قالي انه مشغول وناجل الطلعه ليوم ثاني كنت عادي ما بزعل او اتضايق بس انا جلت مشاويري عشانه وبالاخير يتاخر علي ولا استفيد شي ما قدرت اواجهه بالكلام مباشرة ورسلت له رساله على جواله بينت له انه نفسي يوم احس انه مو مشغول بشي وانه يقضيه معاي بدون التزامات ثانيه بس مع ذلك انا احاول اقدر ظروفه وما اتضايق منها ورسلي رساله اعترف فيها بتقصيره معاي وانه ما زعل من رسالتي وارتاح لصراحتي معاه فما ادري هل تصرفي صحيح ما ودي اكبر الموضوع ونزعل منه ولا ودي احمل بقلبي وكل مرة اسكت وتكبر المشاكل تم تغيير حجم الخط |
أختي الفاضله /
تصرفك صحيح وما أجمل الصراحه بين الزوجين ويكفيك أنه قال لك أنه ما زعل وأرتاح لرسالتك .. مبروك مقدماً أسال الله أن يجمعكما على طاعته وأن يرزقكما الذريه الصالحه .. |
الحمدلله
الله يتمم عليكم احسن من انك تجمعين في قلبك خلي العلاقه من اولها تصفيه بس من رايي انك تحاولين تاخذين حقك بفعل مودب مثل يوم قالك بجي العصر كان قلتي انك على موعد ليش تظغطين على نفسك |
لا ادري لماذا يقرن اغلبية الناس ( الحوار والنقاش بالزعل ) يعني إذا تصارحنا لازم نزعل ( لا طبعا )
النقاش يعني ان المشكلة في طريقها للحل ولا مجال لغير ذلك تمنياتي للجميع بالتوفيق |
لا عزيزتي ما غلطتي بالعكس اللي سويتيه عين الصواب ....
صدقيني . كل ما سكتي على مشكلة او موضوع كان يضايق بخطيبك كل ما زاد وكبر الموضوع لدرجة ممكن تأخذينها ببالك وزوجك المسكين مو عارف شي بالموضوع . حبيبتي , ما فيها شئ ابد انك تصارحين زوجك بمشاعرك بس اهم شئ تتقني وتعرفي تختاري الطريقة والاسلوب اللي تكلمينه او توصليله فيها مشاعرك ... اسعدك ربي وطمن قلبك . |
مشكورين جميعا على المرور الحمدلله خطيبي اخذ الموضوع بصدر رحب واعترف بتقصيره معاي وارتاح لاني فضفضت باللي بقلبي مضايقني واتفقنا انه اذا تضايقت من شي او موقف وما قدرت اقول الكلام مباشرة ارسله رساله |
| الساعة الآن 08:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©