|
مارأيكم أهلي يسألون عن طليقة اي خاطب يتقدم لي؟؟
السلام عليكم ورحمة الله كيفكم يا أعضاء المنتدى :) عندي تساؤل وأتمنى تفيدوني بأراءكم ومقترحاتكم إذا ممكن بنت سبق لها الزواج وما حصل نصيب، بعد طلاقها صاروا أهلها حريصين جدا في السؤال عن أي أحد يخطبها لحد الآن الأمور تمام من شدة حرصهم صاروا يسألون الزوجة السابقة "إذا كان الرجل مطلق" أو أهلها عنه، وطبعا دائما يكون الرد سلبي وعلى هالأساس ينتهي الموضوع والخطبه.. وسبق صارت هالسالفه من 4-8 مرات، والبنت الآن عمرها 28، مو صغيرة.. السؤال الذي يطرح نفسه أيش رأيكم بأسلوب السؤال عن الخاطب من زوجته السابقة أو أهلها؟ أتمنى الجميع يفيدني برأيه بالذات الرجال مشكورين مقدماً وربي يوفق الجميع :) أختكم نوف الاشراف: تم تعديل العنوان ليناسب النص. |
والله ياختي بقولك عن تجربه شخصيه صارت معاي
انا كنت مطلق ومتزوج حاليا لما خطبت زوجتي بعد طلاقي قالوا وش سبب الطلاق قلت لهم الاسباب كلها وراحوا واتصلوا على اهل البنت ومافي شي ماقالوه عني وكلها اشياء مو موجوده فيني وذكروا اشياء استحي ان اكتبها لك مع العلم والله يشهد بانه ماصار شي من اللي قالوا والحمد لله تم الزواج واذا الله كاتب شي ماراح يمنعه احد ولكن هذا ما يقلل من اهميه السؤال في الصغيره والكبيره وبالتوفيق |
مشكور أخوي Mohammed S على ردك
وفعلا اللي ببالي أنو بحالة زي كذا أكيد راح يكون الرد سلبي، ويمكن سلبي جدا أهلي لمن سألوا الناس كثير مدحوه، بس لمن سألوا أهل زوجته كانت الردود السلبيه، سلبيه جدا بحق الرجل... الفكره أن أهلي صاروا يتخوفون أكثر مني وبشكل أحس زايد عن اللزوم، لدرجة أنهم يلمحون أنه تضلين عندنا بدون زواج أفضل، وأكيد أنا ما أبي كذا وأبي أستقر بحياتي.....! أنتظر أراء البقية بخصوص طريقة السؤال، وبرأيكم أيش الحل بأهلي؟؟ نوف :) |
بخصوص السؤال عند الزوجه السابقه او اهلها شئ اكيد بيطلع الجواب سلبي مو 100% بيطلع سلبي 10000000%
وبيقول اشياء كثيره مو موجوده في شخصية الزوج وانا انصحك ان تتفاهمي مع اهلك الان كثره الرفض تبعد الخير !!!!!! وعلى كلامك المساله تكررت 4-8 مرات يعني مو كل مرة بتسلم الجره مو تحطيم فيك بس الاسلوب له دور يعني الناس ادا عرفة انكم ترفضو مره ومرتين شنو بيقولو ادا جاك اليوم واحد بكره مابجيك احد من هدا الاسلوب واسمحي لي على هدا الاسلوب وشكراً اثير الاحلام |
اثير الاحلام
شكككككرا على ردك، وبالعكس ردك زي العسل ويزيدني إصرار لأن هذا الشي اللي ببالي أساساً :D في انتظار أراء ومقترحات بقية الأعضاء وربي لا يخليني منكم :) |
اعتبر من الخطأ سوال أحد الزوجين عن الاخر بعد الطلاق
|
الهدف من السؤال الدقه، لأن الانسانه اللي كانت عايشه معاه مو مثل الناس الثانية..
يمكن فيها نوع من الغلط، ولكن كان ممكن تكون صحيحه لو فيه "ذمه وصدق وخوف من الله" بالجواب.. مشكور اخوي يتيم على الرد :) |
مو غلط اذا سألوا و لكن المفروض يسألوا الطرفين
أكيد كل طلاق ناتج عن تخاصم و بالحكمة و بالعقل لما يجوكي 2 متخاصمين مو معقول تسمع طرف واحد و تترك الطرف التاني و ما تسمعه لذلك اما بسأل الطرفين أو ما بسأل أبداً |
أختي ماريا 13
أول شي أحب اشكرك لردك، وصدقوني ردودكم تهمني كثير لأني مطلعه من زمان على هذا المنتدى اللي أقل ما يقال عنه أنه أكثر من رائع، وأثق كثير بردودكم.. بالنسبه لسؤال الطرفين، فأكيد الرجل لمن تقدم أول شي سألنا عنه "سبب الطلاق" وفعلا شرح أشياء، وبالعكس حتى طريقته كان يحاول فيها أنه يبتعد عن "ذم" زوجته السابقه، وكان مجرد يحاول يوضح سبب الخلاف والطلاق.. :) المشكله أني أهلي صايرين بأسلوبهم يبون يدورون أقل سبب يخليهم يقولون ما ينفع المفروض أنا اللي اتعقد من الطلاق، لكن العقده جت بأهلي :d بانتظار البقية وربي يسهل ويوفق الجميع يااااارب |
طبعا ما ينفع انكم تسألون الزوجة السابقة ولا اهلها
يعني المسألة منطقية واحد طلق بنت... وش راح تقول عنه مثلا ( ما في احسن منه في الكون ) هههههههه ولا حتى الأهل نفس الموقف. الحيادية صعبة في مثل هالمواقف. تمنياتي للجميع بالتوفيق |
| الساعة الآن 02:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©