ارجوكم طلبتكم ............لاتردونى؟
 

هذا اول موضوع انزله واهم موضوع مخرب حياتي متزوجة واحب زوجي ويحبني بس لاجيب سيرة المصروف والسوق ينقلب حاله ويعصب ويحدد لي 5 الى 10 دقايق اتسوق فيها بعد الاقناع والبكاء ماخليت اسلوب ماسويته معه طيب وحنية لاني والله احبه حاولت اتفاهم معاه مافيه فايدة المشكلة يتكلم علي قدام الاولاد احس انه مايحترمني ولايقدرني الا لاحتاج للرومانسية تخيلوا الرز والسكر والحليب وادوات التنظيف واحتياجات الاطفال الضرورية مايجيبها الا بعد متتعب اعصابي وانا اطلبه ويتاثر جدا باراء اصحابه والله صادق ابو فلان الحرمة ماتنعطي وجه وصادق علان الحرمة هات وجيب طيب اذا ماطلبتك اطلب مين والله العظيم اشياء كثير مهمة لي تنازلت عنها لخاطر اولادي ويتكلم باهلي ويسب اخواني مافيهم خير ليه مايودوكي ؟مع انهم يحبوه ويحترموه وانا خايفة من اصحابه لانه يقولي احمدي ربك مااطلع واكلم حريم زيهم معيشني بقلق مع اني دائما اذكره في وبناته خايفه كله يهون الا الخيانة وله فترة يشك في يفتش جوالي ويعصب اذا مسكت جواله مع ان اول عادي ملاحظة مايقصر على نفسة بشي كل سنة سيارة اخر موديل بذمتكم انصحوني مالي بعد الله غيركم .


الاشراف / تم تعديل العنوان ليكون بالفصحى

الله يعينك..

ان شاء الله الاعضاء مايقصرون من اللي عنده خبره

حاولي نعاه بالتفاهم وفهمي إنو هذا واجبوا يهتم فيك وفي عيالك
بس إنتي ادعي كثير إنشالله ربي يستجيبلك ويهدي زوجك
الله يوفقك ويفرج همك ويهدي زوجك
اميييييييييييييييييين

اختي في البداية عليك بالتحلي بالصبر وعدم التسرع ومعالجة المشكلة الحكمة والدهاء

قالوا في المثل "اخبرني من تجالس اخبرك من تكون" عليك اولاً محاولت سحب زوجك من رفقاه رويداً رويداً وإشغاله في امور اخرى مثل زيارات .. طلعات خاصة "ليس شرطاً أن تكون في مكان يستنزف اموالاً" كالطرقات التي تقع خارج المدن أو المتنزهات العامة .. أو حتى وضع مسابقات في المنزل بسيطة وتطلبين منه الحضور باللحاح .. وممكن بعد تسوي له مقلب بسيط يغلب على طابعة المرح.. وبهذا ترغبينه في المنزل بدلاً من حضور جلسات الاصدقاء - في اعتقادي غير صالحين خاصة وأن نصائحم غير جيدة - وكذلك حضور جلسات اخوانك إن كانت لهم جلسة عائلة في منزل الاب وتحرصينه عليها وامور كثيرة تستطعين ان تلهينه عنهم وتبيينين مساوؤهم بدون ما يحس.

حضور محاضرات عن حقوق الزوجين لكليكما وتبدين رغبتك في حضورها ورغبتك بأن يحضرها أو قراءت كتب عن ذلك أو مشاهدة المحاضرات . وتذكري قول الله تعالى "انك لا تهدي من احببت ولكن الله يهدي من يشاء وهو اعلم بالمهتدين" فالمحاولة والصبر في تغير مجرى حياة زوجك هو هدفك والسعي له يعتمد على قوة عزيمتك.

هذا من وجهة نضري الخاصة وافضل أن تستمعي للأراء المختصين الذين امل ان يفيدوك اكثر


امل اني اسهمت ولو بشي بسيط في حل مشكلتك
تحياتي