|
الزوجة والشغااالة
السلام عليكم ورحمة الله وبركاتة بصراحة امس وانا مع زملائي في استراحة تطرقنا لموضوع الشغالات في البيوت ... وبصراحة الي تكلموو عن الموضوع المتزوجين ... ومن الاشياء التي لفتت انتباهي ان الشغالة في البيت صارت الكل في الكل يذكر لي احد الاصدقاء انه عنده خادمة اذا بيجون اصدقائة عنده للبيت يمر يسالها وش تبغين اغراض علشان تسوين العشاء لربعي ( اصدقائي) ههههههههه قلت له وين زوجتك قال مالها خلق على المطبخ ولو بقول وش اجيب طلبات بيجون ربعي وبيرحون وهي ماقالت لي ...... المهم واحده اشد واقووو يقول بصراحة الشغالة عندي شي لا يوصف اذا جيت ابليت حصلتها مجهزة الغدا الي احبة واشتهية والعشاء كذالك صرت احس انها تهتم فيني بعكس زوجتي الي بس تتذمر من كل شي ... واحدهم يقول لي انا بصراحة ارتحت مع الشغالة ما اشيل هم ملابسي اتفتح الدولاب وكل شي مرتب وجاهز سؤالي لأخواتي المتزوجات التي عندهم خادمات .... الان اذا عند كل وحدة شغالة وهي الكل بالكل وش فايدك انتي بصراحة شي يحير ........... انا كنت ناوي اتزوج افكر اتزوج بس قلت يا ولد ياسامي تزوج شغالة اوفر لك ههههههه المفروض حتى لو الشغالة طبخت المفروض انتي يا الزوجة تقومين تنكبين ( تحطين ) الأكل في الصحون في المطبخ وتقدمينة على السفرة انتي خليه يجي ويحصلك في المطبخ خلية يحس بنفسك بالطبخ مو الشغالة الشغالة . وثاني شي وهو الأهم دايم احرصي على الأشياء الي هو يحبها ودايم اسالية وهو جايع وش تشتهي غداك واذا حسيتي انه طفشاان اجل الموضوع شوي او اتصلي علية بالمكتب وقولي وش تبي تتغدى عندنا كذا وكذا وكذا وش مشتهي انت نسوية لك من جد ترى لها دور في نفسية الزوج ملاحظة انا نقلت لكم من الي دار بيننا وحبيت انقل لكم وش يبون ازواجكم ونتناقش بالموضوع . اسف على الأطالة |
وعليكم السلام ورحمة الله وبركاته بالنسبة لي شخصيا فأنا عندي شغالة ولكن أقوم بالطباخ بنفسي وهي عليها النظافة من غسل وكي والزي منه وبعدين أصدقائك ليسو كل المجتمع على شان تعمم والله يعطيك العافية إنك طرحت الموضوع عشان نرد وتدري إن الناس مو زي بعض وبالنسبه لزوجة المستقبل خل الوالدة تتكفل بهالموضوع يعني تدورلك على بنية سنعه وراعية بيت إذا تفضلها ربة بيت .... والله يوفقك أخوي |
اي والله ياخوي معظم البيوت الحين صارت فيها الخادمه اساس البيت
الله يهدي الزوجات اللي مهملين ... |
انا نفس الا خت عندى شغاله للتنظيف وغسل الملابس والكوى لكن أمور الطبخ أنا أطبخ بنفسي
وليس لها دخل في ترتيب دولاب زوجي أو أي شىء من أغراضه فهذه مهمتي ولا تتعقد يا أخي من النساء فليس كل النساء سواء وكذلك الرجال فهناك الصالح والطالح ونصيحتي أختار زوجه المستقبل بحيث تكون أمها هي التي تقوم بأمور المنزل من طبخ وخلافه فالبنت على أمها والله يوفقك ببنت الحلال التي تسرك وترضى عنها |
ايه والله نفسي اجيب شغاله وافتك من الغسيل والكوي:d |
بالنسبه لي ( عزابي ) وانا الوحيد من تبقى من اخوتي بدون زواج لحد الان.. لكننا لا نستغني عن الخادمات في بيتنا ( بيت أهلي )، ولظروف اني اجلس بالبيت بالرياض لحالي بالشهور بسبب عملي، وأهلي يذهبون لبيتنا في مدينة جدة باستمرار ويمكثون هناك فترات طويلة، فتأخذ الوالدة الله يحفظها احدى الخادمات معها وتبقى الاخرى عندي لتلبية طلباتي. فالخادمة هي من يصحيني من النوم للعمل.. وتجهز فطوري عند راسي.. وتكوي وتغسل ملابسي.. وتجهز جميع أغراضي.. واذا رجعت من الدوام أجد الغداء جاهز (طبعاً بيتنا يعتمد على طبخ الشغالة حتى بوجود الاهل).. وهي من أعتمد عليها بايقاضي اذا لدي مواعيد هامة.. وهي من يجهز لي العشاء حتى وان كان عندي اصحابي..باختصار الشغالة هي الكل في الكل في بيتنا وهي من اعتمد عليها حتى بوجود أهلي. |
عني أنا عندي شغالة تقوم بالكواي والغسيل والتنظيف بس مرات أنا اطبخ ومرات أهي
بس انا أقوللها شنو تطبخ وأنا إلي أسأل زوجي شنو يبي ياكل وأنا إلي اشتري الأغراض معاه وأنا إلي اقدم الأكل له ومرات يشوفني أطبخ أو حتى أقوم بترتيب الأكل أصلا ما يشوف الخدامة بس يلقى أغراضه كلها جاهزة |
اقتباس:
بصراحة إلي تسويه غلط لازم تجيب رجل يخدمك مش إمره وغير كذا تصحيك من النوم!!!!! وين أحنا هاي مش خادمة هذي زوجه ما تخاف من الشيطان؟ |
و الله انا عندي سؤال للي عندهم شغالات بيطبخولهم
المعروف انه الشغالات بكونوا من دول أجنبية يعني مو من البلد نفسها بستغرب لما اسمع انه الشغالات بطبخوا لأهل البيت طيب هم من وين تعلموا الطبخ المحلي ؟ و لا هم بطبخوا من أكلهم (اندونيسي و سرلكني و و و ) ؟؟ انا ما عندي شغالة و العادة هذه - وجود الشغالة - غير واردة في بلدي بصراحة . نادراً جدا ما تجد منزل عندهم شغالة ساكنة معهم |
اخي العزيز سامي كلامك كللللللللللللللله صح ويا ريت الزوجات يتعضن
اما بالنسبة لي انا ما عندي خادمة بالعلم اني موظفة(مهندسة معمارية) يعني دااااااايما مزحومة:23: وعندي ولد:15: لكن كل مهمات البيت علي ابروحي زوجي الله يخليه بعد ما يقصر اساعدني واحنا متفقين على كل امور البيت, ومع كل هالتعب أنا مرتاحة ومستانسة :22:لاني اسوي كلللللللللشي بدون حاجة من خادمة. والله يساعدني على تحمل هالمسؤلية. اخي سامي اصابعك مو سوى يعني تقدر اتحصل بنت 100% قد المسؤلية:14: |
| الساعة الآن 03:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©