|
أهل زوجي
راح ادخل بالموضوع على طول تربيت على الهدوء<أحب الهدوء>...النظام.....الاحترام.........الاعتماد على النفس<ماأحب الخدم> في بيت أهل زوجي متعودين على الخدم ..... مافي هدوء ببيتهم مافي احترام مافي نظام الاخوان والأخوات المقيمين بنفس المنظقة متعودين كل يوم يجتمعون عند والدتهم ....هم و اولادهم ويوم الجمعة الكل يجتمع ......القريب والبعيد في شهر نوفمبر العام الماضي قرروا يهدمون بيت أهل زوجي لقدمه واعادة بناءه <حتى يومنا هذا لم يهدم> فما كان من خالتي <أم زوجي> الا الانتقال الي بيت ولدها <زوجي العزيز> بعد دعوتنا لها بالمكوث في بيتنا ومعها خادمتها<ياناس ماأحب الخدم> المشكلة ليست بالخادمة .....المشكلة في أهل زوجي اللي قرروا أن يكون الاجتماع الاسبوعي عندي لمحت لزوجي عدم ارتياحي لقرارهم .......قال اذا رفضتي تستقبلينهم ببيتك يعني ترفضين تستقبلين أمي قلت لا خلاص اسحب كلامي وأمك على راسي فتم الانتقال الفعلي من شهرين و أول جمعة كانت كارثة<وكلمة كارثة قليلة> والجمع التي تليها نفس الشئ 20 طفل أكبرهم 14سنة أصغرهم سنتين والبالغين 15 شخص بين رجال ونساء المجموع 35نفر لكم ان تتخيلوا هذا العدد من الأطفال......غير متعودين على الاحترام ولا النظام يعني لو تقول لأي طفل منهم اسكن ماراح يسمع الكلام.......تصورا 20 طفل بهذه النوعية غير الصراخ و الصياح ياالله حصيلة أول جمعة من الخسائر المادية وقس عليها بقية الجمع تكسير بعض الأصايص الموجودة بحديقة المنزل وبعض المعلق منها كسر دراجتين لأبنائي كسر بعض الأكسسوارات الموجودة داخل المنزل كسر ستارة المجلس كسر حنفية براد الماء كسر بعض الأواني <صحون - كاسات> والخسائر الجسدية تكون من نصيبي.... صداع نصفي لمدة يومين.....غير الآلام بجميع اجزاء جسمي بعد مغادرتهم..........يكون البيت كأنه ساحة حرب بقايا الأكل....قشور الفواكة.........كاسات الماء....الفناجين.....أكياس الشبس.....قشور بذور عباد الشمس ماء مسكوب ........علكة......حلاوة......في كل مكان من البيت وتبدء عملية التنظيف بمساعدة خادمة أم زوجي.......ولكن بعد مغادرة الخادمة الى ديارها أصبح تنظيف ساحة الحرب من نصيبي لوحدي من يرى موضوعي فضفضة فليواسيني ومن يراه مشكلة فليعطيني حل وجزاكم الله خيرا احترامي |
يا ساااااااااااااااااااااااااااااااااااااااااتر
هذه معركة عين جالوت الأسبوعية أسأل الله لك النصر .... لكن في ساحة معركة غير بيتك بصراحة : وصف خيال كأني جالس وسطهم بس تصدقي هذا الاجتماع عندنا ( في بيت الوالد ) يوميا في إجازة الصيف .... بس رائع جدا لكن أبنائنا غيييييييييييييييييييييير ..... شقاوة بس بأدب الله يعينك أختي |
الله يساعدج
|
ياربي ذكرتيني بطفولتي ومنظر أمي وهي ترتب بيتنا بعد جمعه اهل ابوي واطفالهم وخدمهم
كانت امي تعاني مثلك ولا عندها لا خادمه ولا اي شي وفوقهم ابوي كان مايعترف بمطاعم امي تطبخ وتصلح القهوة والشاهي والحلويات والمعجنات وتنظف البيت وتكرم ضيوفها وياويلها وياسواد ليلها اذا حصل نسيان او سهو عن اي شي فوق كل هذا حريم عماني وعماتي يصفون يديهم ولا يقدمون المساعده بالعكس يجمعون اطفالهم بدون مايجيبون خادماتهم حتى على الأقل ينتبهون لأطفالهم لما يطلعون تجلس امي يومين او ثلاثه ترتب البيت بعد حوستهم وكانت على هالوضع الى ان ...............سكنا في بيت بعيد عنهم وابوي قرب يصير مفلس من كثر عزايمه صار يقتصد ولا يسوي هالاجتماع الا مرة بالسنه... ما اقول الا الله يعينك ويصبرك ويثبتك على وضعك اللي انتي فيه... |
والله صدق واعرف اللي تمرين به
مثل ماتعودتي انا بعدمثلك جي احب الهدوءمااحب الضوضاء انا لمااروح بيت زوجي كأنج تحكين نفس اللي عندج عندنا الزحمه والاطفال عدم الاهتمام فوضويين ماشالله مثل ماقلتي يكونون اكثرمن 30نفرالله يزيدهم هههه كل واحد بعياله ودنيته وحالته مااقول غيرالله يعيينج دام هالشي وصل بيتج الواحد بدون شي يروح هناك بيت زوجه ومع الزحمه ويالله يترقع شلون لعندج بالبيت مااقول غيرالله يكون بعوونج ويصبررج ماتقدرين تقوليين ماتبيهم ولاشي مالج غيرتصبرين والله العالم لمتى بتصبري والله الموفق اختج/ام عزيز |
الله يعينك
الله يعينك زي حالتي
قعدت عشر سنين على هذه الحاله وخالتي وبناتها وأولادها وأولادهم تقريبا يوم بعد يوم واللي مسافره تجي تقضي الأجازه عندي والنفاس عندي والله زي ماأقول إلى إن جاء اليوم الموعود والحمد لله أمي تهاوشت مع خالتي وقالت حرام أرحموا بنتي ماتصير هذه العيشه وبعد فتره زوجي حس على دمه وأشترى لأمه المتسلطه شقه وأفتكيت وأرتحت لي سنه الآن والحمد لله عقبالك |
اقتباس:
اي والله معركة ...... المشكلة الخاسر فيها أنا الاجتماع يكون فعلا رائع اذا كان فيه احترام و فيه تعاون للأسف اجتماع أهل زوجي مافيه ذرة من التعاون وأبنائهم ماشاء الله عليهم شقاوة بقلة أدب يالله الصبر شاكرة ردك احترامي |
اقتباس:
ويساعد الجميع اللهم يارب يا سميع يا مجيب يا قادر يسر امور زواج أختي ام الحسين وعمر عاجلا غير اجل شاكرة مشاركتك احترامي |
هلين أختي
أسأل الله أن يلهمك الصبر عندي أقتراح تخلون الإجتماع في إستراحه وكل جمعه يتكفل فيها واحد من إخوانه من ناحية العشاء وأما الشاي والقهوه وملحقاتها كل وحده من الحريم تجيب معها ولا يكون كل شي على راسك والله الناس هالأيام ما تنعطى وجهه |
احتسبي الاجر واصبري فغيرك يمر بازمه اكبر والحياة لابد فيها من تعب لكن يحليه الصبر والله اذا انت احتسبت الاجر عند الله ماراح يخيبك وبيجي اليوم اللي تنعمين فيه بالراحه وتقولين الحمدلله اني صبرت على الايام الخوالي احمدي ربك يوم في الاسبوع ولاكل يوم يوم الجمعه الاجر فيه مضاعف يمكن خيره لك من الله
|
| الساعة الآن 09:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©