|
اكره الزواج لهذا السبب ..
السلام عليكم جميعا .. أنا مملكه من ثلاث سنوات .. والزواج باقى عليه عشرة اشهر .. انا عندي مشكله لكني دايما اتهرب من مناقشتها او البحث عن حل جذري لها .. ومشكلتي باختصار اني خجوله .. واكره ان حد يقرب مني او يلمسني ولو حتى بالخطأ .. وتكون لي ردة فعل عنيفه مع هالموضوع .. تدرون انا بعيده عن اهلي بسبب دراستي .. واصعب شئ عندي هي لحظات الوصول من السفر او المغادره والسبب ان ابوي وامي يحضنوني ساعتها .. وانا من الخجل اتكرمش واتكور على نفسي عشان تقل الاجزاء المتلامسه من اجسادنا لاقصى حد .. حتى اخواني الشباب ما اسلم عليهم غير بالنظر .. كل اهلي يدرون عن مشكلتي .. امي واخواتي او حتى صديقاتي المقربات لما يتقصدوا يلمسوني اصارخ عليهم .. واجلس حاقده عليهم فتره من الزمن .. واخس اخس شئ عندي هو زيارة الطبيب عشان الكشف الطبي .. ومافي مره رحت فيها المستشفى إلا لأني غايبه عن الوعي من شدة المرض .. لأني لو صاحيه مابروح ابدا .. اذكر مره و انا في سنه ثالثه جامعه طلعت فيني حبوب في رجولي .. واهلي غصبوني اروح لدكتور جلد .. ووقت الكشف الدكتور قرب مني بسماعته .. وانا ساعتها معرف وش اللي صابني .. قمت اصارخ وابكي مثل المجنوووووووونه .. ودفيته بايديني في كرشه بكل ما اتاني الله من قوووووه .. لدرجة ان المسكين طاااااح على الارض وهو مصدوم مرررررره من ردة فعلي .. وخرجت من العياده اجري لعند سيارة ابوي وانا اصيح وابكي .. وامي تجري وراي .. وصار فيلم هندي يومها .. وكانت هذه اخر تجربه لي مع الدكاتره .. بسبب المشكله هذه .. علاقتي بخطيبي ظلت سطحيه مرررره .. وماتطورت رغم مرور ثلاث سنوات علينا .. يعني لا كلاااام حب ولا كلااام عن علاقه خاصه ولا عن شهر عسل ولا عن امورنا المستقبليه .. كله كلام عن شغله ودراستي واهلنا .. وهو كان يراعيني ويحاسب على مشاعري .. ومايفتح معاي اي مواضيع تضايقني .. وانا مع الوقت اطمئنيت له وحسيت انه ماهو مثل باقي الشباب .. المشكله الحين انه امس خطيبي اتصل عليّ المساء وظلينا نتكلم كلام عادي مثل كل مره .. لكن وقبل ماينهي المكالمه ارسل لي قبله في الهواء وسكر الخط بعدها على طوووول .. انا ظليت بعدها سهرااانه ومهمومه من اللي صاااار .. تصرفه ذكرني بليلة الدخله والعلاقه الزوجيه وكل هذه الامور .. وظليت احس بغثيااان وقررررف طوال الليل .. وبكيت لين غفت عيوني .. والحين مالي نفس اكلمه ابدا .. المكالمه اللي قبلها ظل يحايلني عشان اناديه بكلمة زوجي وماقدرت اقولها .. احب خطيبي مرررررره .. لكني احس اني من داخلي مو مستعده لمتطلبات الزواج .. واكره شئ اسمه تقارب جسدي .. تكفووووون وش الحل ??? واعذرووووني على الإطاله .. |
الله يعينك بس صراحه مااتوقع فيه احدمثلك
الزم تدوريلك على حل ممومعقوله تصرفك هذا فيه ناس يكرهون احد يلمسهم في مناطق معينه بس مو كلش مثلك الله يعينــــــــــــــــــــــــــــــــــــــــــــــ ك زوجك مارح يستحملك على كذا |
اولا الف مبروووك
واتمنى لك حياه سعيد ثانيا اختي اسوا شي ممكن تسوينه بنفسك انك تخافي من علاقه طبيعية بين كل زوجين انا حاسه فيك وحاسه بالمك وخوفك بس كذا رح تخربي عن نفسك انا بقولك شي انا الحين استحي موت اني احضن حد من خواني حتى ابوي بس زوجك شي ثاني زوجك تحسين انه الحضن الوحيد اللي تقدري تتخبي فيه لا تخافي حبيبتي واستمتعي بحايتك صدقيني وخوفك هذا ممكن يسبب لك مشاكل كبيره اهدي واستمتعي بخطوبتك وحاول تدخلوا انتي وزوجك في مواضيع حياتكم الخاصه لانكم متزوجين ملك عليك خلاص الله يهدي سرك ويوفقك |
الحل عند الطبيبه النفسيه
اختي هذي عقد نفسيه وترسبات من زمان احسن علاج تروحين لطبيبه نفسيه وتسمع منك كل شي وتعطيك افضل الحلول والعلاجات النفسيه بالتدريج ليمن تتغلبي على هالمشكله والله يوفقك |
غاليتي ،، بصراحة،، هل تعرضتٍ لتحرش جنسي في طفولتك ؟؟
|
موضوع غريب فعلا .. أعانك الله غاليتي
انتي اقعدي مع نفسج .. واسألي نفسج اسأله.. * ليش ما أريده يلمسني!! يعني اريد أخسر زواجي عشان خيالات مالها أصل؟؟ * ليش تضايقت من بوسته **وهي طاااااااااايرة**!! يعني أحبه وماريده يحبني؟؟؟ ما أريده يبادلني مشاعره؟؟ يعني ما أريده يعبر ؟؟؟ * ليش أكره حد يلمسني!! يعني هو بياكلني ؟؟ هو بيجرحني؟؟ هو بيسبب لي ألم؟؟ كل هذي الاسئلة أجوبتها لازم تكون ... بلى ... أو لا و هذي مجرد أوهام لو طلعت من عقلج وايد بترتاحين وبتريحين زوجج خاصة وانتي مقبله على عرس وطبعا انتي ما تريدين أي مشاكل معاه عشان تحبيه .. صح ولا لأ؟؟ يعني حاولي تاخذين الموضوع بشفافيه أكبر .. وشلي التعقيدات .. وقولي ف نفسج .. هذا زوجي حبيبي كيف ما أرضيه..؟؟ كيف أمنعه من قبله (طااااااااااااااااااااااااااااااايرة) !!! وكيف أزعل من شي ما يستاهل!! صدق ما يستاهل إنج ما ترضينه دام تحمل ها الطبع فيج ....!!! وهو ما تحمل وصبر إلا عشان ينتظر النتيجة... وأكيد إذا شافج ما سويتي شي ولا تحركتي ولا حاولتي تغيري من هالطبع ... أكيد بيقل حبه لج .. وصدقيني آدم ما يتحمل يشوف ف حواء ها الطبع !! لأنه وايد صعب ولا تقولين ما قدر ...!!! كثري من الدعاء وقيام الليل .. وإدعي ربج إنه يشيل عنج هالشعور ... وحاولي.. لأنج ت ح ب ي ن ه و الله يوفقج ويسهل عليج .. ويجمع بينكم قريييييييييييييييب ويرزقكم بالذرية الصالحة.. اللهم آمين |
أنصحك بمراجعة أخصائية نفسية أو طبيبة نفسية فمشكلتك نفسية
نصيحة ياأختي راجعي طبيبا نفسيا وسترتاحين راحة عظيمة بإذن الله وأنصحك بدخول موقع الدكتور عبدالله السبيعي وإسمه بر الأمان وإطرحي مشكلتك هناك وصدقيني سوف يساعدونك على التخلص من هذه المشكلة أنا لاأستبعد بأنك تتمنين لو أنك لاتتضايقي من ملامسة الناس لك وتتمنين لو أنك لا تخجلين كل هذا الخجل لذلك لاترددي والله يعينك |
اقتباس:
مشكوره على مرورك الطيب .. |
حياتي مايصير ساكتة على عمرك ومايصير أهلك ساكتين عليك كذا
لازم تروحين لدكتور نفسي حتى يفك العقدة الي فيك هذا شئ مو طبيعي انا ماودي أخوفك بس لازم تحلي المشكلة قبل زواجك اذا كلام تخجلي منه من زوجك فماذا عن الحركات والعلاقة الخاصه ووو..الخ لازم تتعالجي من هذي المشكلة باسرع وقت ربنا يشفيك ويعينك |
اقتباس:
اختي كلامك ريحني .. يعني انتي مثلي تخافين وتستحين من حضن ابوك واخوانك ?? طيب انتي متزوجه الحين ?? |
| الساعة الآن 02:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©