|
ذابحني الشك
مساء الخير على الجميع انا بدخل في الموضوع على طول انا متزوجه من اربع سنوات كشفت زوجي في عده علاقات واخر مره عاهدني انه مايكررها بس تقريبا من اسبوعين يجيه اتصالات على الجوال ومايرد عليه بحجه انه تعبان من العمل ومايبي يرد المهم من خمسه ايام يطلع من البيت يقول انه رايح مع الشباب واكتشفت انه براء عند السياره ويجلس بالساعات مره يكلم بالجوال واحيانا جالس كذا بس انا ماحسسته اني عارفه انه جالس براء ساعدوني كيف اتصرف معاه
|
اختي لممممو
الحال من بعضه !بس بقولك شئ لاتخلي الشك يدمر حالك ونفسيتك اهتمي بنفسك وغيري من حياتك حاولي تعملي له جو رومنسي واتقربي له اكثر حاولي تكوني الزوجه والصديقه والحبيبه 00صدقيني من تجربه وراح ارجع لموضوعك بعد ردود اخواتي واقولك تجربتي الله يهدي بالك |
الف شكر ياالحبيبه بس دائما اهتم في شكلي ولبسي وانا على قدر كبير من الجمال وعلى كذا اذا سالته عن شي يقول شي مايخصك عمره مارسل لي مسج وانا على طول ارسل له في المناسبات اجيب هدايا عمره ماهدا ليه الى 3 مرات نفسي يفضفض معايه يصارحني يظهر مشاعره ليه مايخبي عني شي يهتم فيني زي اي زوجين
|
انتبهي اختي تعترفين له ...
لعبي على اعصابه لا تجيبين له هدايا ... ولا ترسلين له مسجات ... لاتعطين من لا يعطيك لا تقصري في الواجبات ...لكن لا تعطيه اكثر مما يعطيك اهتمي بنفسك وهواياتك اكثر عيشي حياتك ... لا تجعليه محور حياتك وان شاء الله ازمة وتعدي |
الله يكون بعونك ...
ادعي ربك ولا تبيني له , دايم امتدحيه وحسسيه بحبك , وكرامتك اهم شئ واذا بيوم هادي ورايق قولي له عندي لك قصه من صحباتي وابي اخذ رايك فيها , " بس اهم شئ ما يحس انك تقصدين شئ " قولي له وحده تعرف صديقتي كانت مره طيبه ومن عائلة وحلوة والكل تمناها لكن هي ما وافقت الا على زوجها بس بعد فتره كشفته مع وحده وبعد فتره تحكيني 2صديقتي تقول لي صارت تلعب هي عليه وتكلم فلان وتخرج مع فلان ولما نصحناها قالت انا حاولت احفظ عرضه واحفظها وهو ما يستأهل وكما تدين تدان وعلى طول غيري السالفة بشي ولا تخلينه يعلق على اي شئ واذا علق قولي الله يهدي الجميع الحياة ما عادت تطمن بس ربي يحفظنا من كل شر .وان شاء الله يهديه ربي . |
يااختي ادعي ربنا يهديه وحافضي على بيتك وزوجك ولا تحاولي تبحثي وراه خليه مصيره يرجع الايام راح تقسي قلبك بس انت طنشي ولا كنك شايفته هذا انا احسه زى الادمان يسري في دم بعض الشباب بس مدام محترم مشاعرك وما سوي شي قدامك لاتبيني انك عرفتي وحاولي تشغليه وتغيري من حياتك ودلعك معاه وصدقيني هو عارف انه غلط والبنت ماتسوي وانت كل حياته لكن اش تسوي هذي مصائب اغلب البيوت وحسبي الله على البنات المفلوتات ترى هم الي يجرفوا الشباب انا والله سمعت محادثه وانا في الانتضار في مكان عام كانت البنت تقول طيب انا عارفه اني اتصلت غلطانه وانك مو فلان وانك متزوج بس اش فيها لما تكلمني بس علاقه بريئه وتكون معرفه سطحيه يعني تخيلي تحاول فيه وهو يبغي يبعدها
الله يستر يابنت الحلال بس اقولك هدي اعصااااابك على الاخر وراااح يرجع لك بس نزوه وتعدي لاتحرقي دمك الله يخليه لك ويخليك له الوحده اذا تزوجت مالها غير بيتها وزوجها ولا لا |
[COLOR="Olive"]أختي الكريمه:
اعطي زوجك اكثر من عذر عشان تبتعدي عن الشك.... لأن الشك دماااار للحياة الزوجيه... يمكن زوجك من النوع اللي يحب يجلس مع نفسه فترات طويله .... واتم داخل البيت ماتعطوه مجال.... واذا كان زوجك مدخن ... يمكن مايحب يدخن داخل البيت كثير.. . وللمعلوميه الرجل مخلوق من تراااب عشان كذا يحب يطلع برا...[/COLOR] |
اختي الله يعينك ويهدي لك زوجك لكن لاتخلي اشك يذبحك صارحه واساله عن الاسباب الي تخليه يسوي كذا وقولي له الله يجعل اخر ايامك اسواها عند الله ولايسامحك اذ خنتني صدقيني يخاف ولا يخونك
اذا يطلع مع البنات الفسقات ويمارس المعاشره الغير شرعيه حذريه من الامرض وانك مراح تسامحينه وتدعين عليه اذ نقلك المرض لاتسكتين وخليك قويه |
| الساعة الآن 11:59 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©