|
طفشانه من خطوبتي
السلااام عليييكم يا أحلى منتدى
بصراحه عندي مشكله وهي اني مخطوبه من 5 شهور وباقي على الزواج 3 شهور واحس اني طفشااااانه حتى خطيبي مااحب اشوفه ملييت هو اصلن مايعزمني على اي مكان بره البيت يزورني في بيت اهلي كل اسبوعين وكم مره لمحتله نطلع نتمشى او نروح اي مكان ولكن يتحجج اهلي ماعندهم مانع لانه زوجي اذا قلت لاحد اخاف انه بخيل ومايبي يعزمني يقولونلي لا بس هو مبسوط في البيت لانه ياخذ راحته والله مليت وحنا تونا ماتزوجنا ابي احس اني مخطوبه امشي مع خطيبي براحتي نغير جو ماقد سوالي مفاجأه او جا زارني بدون موعد احسه رسمي بزياااده والله مليييييييييت ياعاالم |
تبين نصيحتي
حسب ما أشوف أنكم رسميين شوي مع بعض حاولي تفكون هذه الرسميات ما بينكم وأنتي أفتحي معاه الموضوع وخبرية بكل ما تحبي لأنو بصراحة حرام عليكي تظيعي أجمل مرحلة بحياتك هي مرحلة الخطوبة والحياة تبي صبر أصبري لا تملي تكلمو بحياتكم وتكلمو بكل ما تحبو حتي الأمور الحياة الزوجية الخاصة فرصتك الوحيدة تعبرين بكل ما في داخلك ولاتفقدي الأمل أكيد هو رجل طيب بس يحتاج منك أن تتكلمي ويمكن هو ينتظر منك تطلبين أنكم تطلعو خارج البيت وخبرية أنك تحبين المفاجأت خلية يفكر كل زيارة شلون يبي يفاجئك وحاولي تفهمين بعد وش يحب هو أنك تعملية شلون يحب الحياة معك شلون يحب تتكلمون أفهمي كل شي وجربي أن التكون حياتكم واضحة من البداية الوظوح سر لإستمرار الحياة بين أي شخصي وأتمني تكون الحياة سعيدة بينكم |
شكرا لك على ردك ولكن انا عمري 23 وهو عمره 27 ومتفاهمين الحمدلله ومابيننا رسميات بس
في موضوع الطلعه والمفاجأت يصير شي ثاني ماقدرت اعرف السبب :( |
إعزميه إنت ليستحي ع حاله وياخدك مشوار
هذا زوجك لازم تكلميه بحب قلي له ابغى أتمشى معك خدني للمكان الفلاني أهلي راحو هنيك وإشتهيتك معنا وهيك حكي هونيها خيتو ولا تكوني رسمية كثير بكرا طقي بعد الزواج من الملل:25: :25: إفرحي هلا وخلي السعادة تدخل قلبك والله يسعدك ويهنيك أم وليد |
عادي قولي له شرايك نطلع برا البيت!
انت جددي من طريقة التقديم اعملي حركات شوي00 وغيري المكان اللي بالعادة تجلسون فيه وراح تلاقينكم مبسوطين موفقة |
http://www.l22l.com/l22l-up-1/0ca272a33f.gif وعليكم السلام ورحمة الله وبركاتهـ .. مرحبا يا احلى عروسهـ ,, حبيبتي بوضح لكـ نقطة انهـ مايقدر يجي فجأة ,, لأنكـ ببيت أهلكـ وصعب يجي على فجأة ولو عملهـا اهلكـ راح يتضايقو .. وانتي راح تتضايقي لأنهـا على فجأة ,, أما على الخروج ليش تلمحي قولي لهـ نفسي أروح المكان الفلاني ,, ما اتوقع بخل وممكن تلاقيهـ يرتاح عندكـ بالبيت اكثر من برهـ مثل ماقالو لكـ ,, بصراحة مدري ايش اقول لكـ مليتي منهـ عشان ماتخرجي تتمشي !! صارحيهـ وكلميهـ مدري ايش مشكلتكـ بالضبط معاهـ ,, لكن لو على الخروج قولي لهـ صراحة ابغاكـ اليوم تجي تاخذني للمكان الفلاني ,, وحاولي معاهـ والله يسخركـ لهـ ويسخرهـ لكـ ِ ويؤلف بين قلوبكـم ويحببكم لبعض يارب ,, والله يوفقكـ ويسعدكـ دنيا وآخرهـ ويسكنكـ الفردوس الاعلى انتي ومن تحبي ,, http://www.l22l.com/l22l-up-1/0ca272a33f.gif |
انتي ليش مكبره الموضوع
انا ايام الملكه كنت استنى زوجي يعزمني وجلسنا فتره ولا تكلم قلت له بنفسي انا عازمتك اليوم على المطعم الفلاني ... شرايك ؟؟ بالبدايه قال لا ما يصير انتي اللي تعزميني ... انا اللي بعزمك وبعدها طاحت الميانه وصرنا نطلع كل اسبوعين |
أختي أعتقد تعزميه انتي عشان يستحي ويفهم القصد ،،،
أو انك تقولي اليوم نطلع بره نغير جو أو تتحايلين عليه وتطلعين بره ،،، طالما انتوا متفاهمين لا تكبري موضوع الطلعات ،،، بكره تطلعي وتنبسطي ،، |
اللللله يعطيييييكم الف عاااااااافيه ماقصرتوا بسويها واعلمكم النتائج
|
| الساعة الآن 08:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©