أنا ..زوجي..والفندق
 

السلام عليكم ......
هلا وغلا بالأعضا الكرام.......(طبعا الهمزه عندي مفتاحها خربان الله يصلح عيالي مخربينه:29: ).....ا
المهم........
من زمان عن المنتدى ما كتبت فيه.......اشتقتله كثير ....ما دخلته من ثلاث سنيين يوم دخلته وقلت ابقرأ بعض المواضيع وتصفحت ملفي الشخصي....تفاجأت..يوم شفت مواضيعي قلت مو معقوله أنا كاتبتهم ما صدقت نفسي ....
أكيد النسيان عندي ما يحتاج بعد الحمل والولاده وشقاوة الاطفال الله يصلحهم......
وبعد كل هذا جيت استشيركم وابي رايكم .....الله لا يحرمني منكم .....
تجيكم السالفه....
انا وزوجي سافرنا وطبعا العيال عند جدانهم:22: يعني رحنا شهر عسل قصدي يوم عسل....:14:
المهم هي السفره كلها يومين.....
يوم جيت ابجهز شناطنا قالي زوجي يا ويلك تحطين فوط حمام ولا شراشف سرير والله اذا حطيتي......... ثاني مره ما اسكنك فندق خمس نجوم اسكنك في ابو ولا نجمه.....
عاد قلتله ما اقدر.......كل شئ الا الفوطه......هذا شئ خاص ما احب استخدم غير حقي.....
ادري فنادق خمس نجوم كل يوم يغيرون الفوط والشراشف بس ما اقدر أوسوس احس انه ينقل امراض...الله يعافينا
آخر شئ رضخت للأمر الواقع:( وتحملت وقلت الشكوى لله....
هاه وش أنا الصح ولا زوجي؟؟
وشكرا مقدما......

الصح ... انتما جميعا ..... واختلاف الرأي لا يفسد للود قضيه

المنتدى منور برجوعك000بعدين من حقك إنك ترفضين تستخدمين حق

غيرك لأن المناشف هذي ياما وياما ناس يستخدمونها وإنتي ما تعرفين

كيف ينظفونها 000إنتي حاولي تقنعين زوجك وإذا رفض الشكوى لله

000

بصراحه انتي صح 1000000% انا ما احب استخدم الا الشي المضمون تماما حتى اذا كان 10 نجوم

انت صح

بس بما ان زوجك مصر

الشكوى لله خلاص امشي على كلامه وبس

لاتكبرين السالفة

انا كمان مااحب استخدم ادوات غيري

بس تنازلي علشان ماتخرب السفريه

الفندق:d

كلامك صحيح أختي ،،

أنا أيضا لا أحتمل شراشف السرير ،، أحس بقرف ،، بس الفوط ممكن استخدمهم أحيانا ،، وأحيانا لا ،، يعتمد على الفوطه ،،

لكن طالما زوجك ما يبغاك تجيبي فوط ولا شراشف ،، توكلي على رب العالمين ،، قل لن يصيبنا إلا ما كتب الله لنا

لو شفتي كيف تنقي فنادق الخمس نجوم المناشف والاغطيه لرفظتي اخذ مناشفك الخاصه لو اصر زوجك على اخذها

وهذا لان الفنادق الخمس نجوم تستخدم طرق تجعل المناشف ربما انقى من الجديده

ولاكن لا بد تكون خمس نجوم فعلا مو مثل عندنا خمس نجوم وهي ولا تستاهل ثلاث نجوم في دول اخرى

انا اشوف انك تحاولي تتركي الوسواس
صدقيني انظف من الجديد وانا شفت طرق التنقيه بنفسي