|
بيتي صار خرابة عزاب وش الحل ؟؟؟
مرحبا خواتي العزيزات
اليكم القصه بلأختصار المفيد انا حامل وعشان الدكتوره مانعتني من المجهود الزايد رحت عند اهلي من الشهر الثالث وانا الان بالسابع يعني غبت عن الشقه تقريبا 5 شهور وجيت قبل أمس وما تتخيلون كيف صايره شي يقرف غبار على بهدله وفوضى بكل مكان أنا عصبت تعرفون الرجال لما يصير مدلع من زوجته مايهمه شي المهم انا ما اقدر اسوي شي يدوب كبيت الفلاش كله بدورة المياه ( الله يعزكم ) وغيرت مفرش السرير بسسسسسسسسس وما قدرت انا الا ساعه او ساعتين قررت ارجع بيت اهلي وقلت لأبو الشباب الوضع كذا صعب لا زم الاقي حل قال لي شوفي الحل وقولي لي شرايكم أستأجر شغاله ؟؟ ولا اشوف شركات التنظيف احد جربهم ؟؟ مو عارفه وش اسوي مع العلم ان الشقه كبيره المجلس وغرفة النوم والمطبخ كبر بعض 4 في 6 تقريبا غير الصاله وغرفة بنتي والحمامين ( اله يعزكم )حتى الكمبيوتر يدوب نظفته عشان اقدر استعمله دلوني نوروني وش اسوي ؟؟؟؟؟؟؟؟ |
الله يعينك حاسه بمعاناتك لاني مجربه كسل الزوج
اللي عندي كسووووووووووول شويه عليه انا اشوف لو تستأجرين شغاله تجيك كل يوم نص دوام يعني تجي من العصر لي الساعه تسعه بالليل تنظف وتكنس وتغسل لانك حامل مو زين لك الشغل هذا رايي والله يكون بعونك |
:27: الله يعينك و ان شاء الله تقومي بالسلامة0000000000بالنسبة لوضع زوجك0000انااشوف تشوفيلك شغالة تجي للبيت يوميا 0000000او يوم وراى يوم000000000الرجال بصراحة لما يقعدون في البيت يحوسون الدنيا كلها(::25: : احسن لك شغالة تكون وراة على طول 000000000بس لازم تكوني واثقة فيها 00000او تحاولي لما تجي تكوني معه0000000و ان شاء الله تقومي بالسلامة وترتاحين من هم الشغالات
ان شاء الله تكتب على هذا النحو |
هلا وغلا بالغاليات نورتو والله
مشكلة الشغاله احس انها ما راح تسوي كل شي يعني تنزل الشبابيك وتغسلها وترجعها وتنضف السقف ما ادري وبعدين ابي أجلس يوم اجيب اختي وتنظف معاي غرفت النوم لان ما ابي احد غريب يدخلها وثاني يوم اجيب احد ينظف باقي البيت لأني بعد بخلي بنتي عند اهلي عشان الغبار والحوسه شرايكم بشركة التنظيف احد جربهم ؟ |
وينكم حبيباتي ؟؟؟؟؟
كلمت شركة التنظيف وقالو ينظفون الارضيات وينفضون الغبار يعني مو ل شي يسوونه واكيد رجال ما راح اقدر اوقف على روسهم سوو لي كذا وحطو لي كذا وغير كذا غاليين قالي بـ 800 ريال الشغاله احسن لقيت شغاله بالأيجار كل 4 ساعات 15 ريال يعني لو اخذها 12 ساعه بدفع تقريبا 180 ريال شرايكم ؟؟ |
اقتباس:
الله يقومك بالسلامة كنت بقولك الشركه رجال يعني ماتقدرين توقفين معهم انا من رايي لا تجيبي شغاله 12 ساعه لأنها بعد 6 أو 8 ساعات بالكثير بتكون تعبت وماراح تنظف زين و هذا شي طبيعي أي وحده تنظف هالمده الطويله بتتعب.. عشان كذا اقترح تأجرين شغالتين 6 أو 8 ساعات ( بـ 60 ريال ) و انتي وجهيهم أول ما يدخلون و راقبيهم و انتي جالسه.. و طبعاً لأنهم ثنتين يقدرون يتساعدون و يسحبون لك الكراسي و يمسحون تحتها و يفكون الشبابيك و ينزلونها.. و المبلغ أقل من لو جبتي وحده.. لكن نصيحه قبل يوصلون تكونين مجهزه كل شي.. الفوط و سطل المويه و المكانس و كل ادوات التنظيف عشان ما يضيع وقت ما استفدتي منه :d |
4 ساعات ب 15 ريال ......... معقولة
عزيزتي ممكن اعرف انتي بأي مدينة ساكنة؟؟؟ لأني دورت شغالة تجيني للبيت وكلهم يقولون بخمسين والي تقول بسبعين ريال!!!! انتظر ردك.. |
ياقلبي عليك يالولو والله جبتيا وانتي بنت ابوك
غابت عن بالي هالفكره الله ينور عليك يا الغاليه عموما انا لقيت الحين وحده متعوده تشتغل من 12 الظهر الى 10 بالليل وصديقة اختي تتعامل معاها وشغلها ماعليه كلام وتاخذ 150 ريال بقول لا اذا عندها شغالتين تمام التمام يسلمو يا قلبي اختي قطرة مطر أنا بالدمام وبالوسيله فيه شغالات با لايجار وهذا واحد منهم قالي لو تاخذينها 4 ساعات تصير الساعه 15 يعني 4 ساعات بـ60 ريال وعليك الحساب شكرا لحضورك عزيزتي |
اهااااااااااااااااا انا توقعت اربع ساعات ب 15 ريال قلت والله مررررررررررة رخيصة!!!
مشكورة عزيزتي على الرد |
| الساعة الآن 08:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©