تقدم لي صديق والدي، مارأيكم؟
 

السلام عليكم

انابدخل بي موضوع على طووووول ويليت تلقون لي حل تكفووووووون والله تعبت




المهم

انا عمري 25 وتقدملي صديق ابوي وعمره بي الاربيعينات ومتزوج ثنتين
واهلي مصرين الا اوافق عليه وانا ماني مصدقه ومستحيل اتزوج شخص كبير وبعد عنده حرمتين
صعبه صعبه:( :(

لكن تعبت من امي ماتفهم اقولها صعبه اتزوج انسان مرتبط وكبير
قالت لي انتي عمرك كبير :( :( تحطيم
ومحد تقدملك ولازم توافقين
افهمها واقولها ياامي الرجال كبير ومتزوج حرمتين وانا توني بنت وحابه ابني مستقبلي مع انسان يكون لي لحالي مابيه يكون مشغول مع احد ثاني
تقول مو مقربين لك وبتكونين لبيت لحالك ومعليك منهم
:29: :29: ياناااااس شلون افهمها

انا كل اللي ابيه بس شلون اقنعها
انا ادري هي خايفه علي وتبي مصلحتتي ماقلت شي
بس انا بنت توني ووراي مشوار طويل وعندي امل كبير انشالله
لاني بطبعي مااحب ابني مستقبلي بي انسان يكون متزوج
لاني انسانه غيوره واحب ييكون الرجال ملكي اناااا :22:
وتحيااااتي
ابي رايكم تكفوووووون

الإشراف :
تم تعديل العنوان ليناسب النص

نصيحه لا تاخذينه

2 + انتي = 3

24 ساعه باليوم / 3 حريم = 8 ساعات

8 ساعات - 8 ساعات نوم باليوم الواحد = صفر


* الوقت المتبقي = 0

السلام عليكم

كل شىء بالخناق الا الزواج بالاتفاق

قرارك بيدك و يحق لك الرفض طالما غير مقتنعه

واياك و الزواج من رجل غير راضية عليه مهما كان فمن ستتزوج انتي و ليس والدتك و من ستتعذب بعد ذلك هى انتي ووالدتك عندما ترى انها ظلمتك بتعسفها و رغبتها المضادة لرغبتك ..

و حسبة الاخ قزم بس عصبي منطقية جداً ..

تحياتي ..

قزم مشكور على ردك
مع اني مافهمت :)

بنت النيل مشكوووره قلبي
انا قلت كذا مستححيل اخذ شخص وانا مومقتنعه فيه ابدا

السلام عليكم

الله يعينك علي مشكلتك وحاولي مرار وتكرار اقناع امك ولازم تفهم هذا شي

لانه مارح احد بيعيش ضروفك اذا قبلته وخذيها نصيحه لا تسوين شي الا وانتي مقتنعه فيه هذي حياتك ومستقبلك مع الوقت امك راح تفهم وتتفهم موقفك

قولي لها طيب واذا وافقت وتزوجته ولا ارتحت ويها وبعدها طلبت طلاق وتطلقت ورجعت لك برجع وانا مطلقه وكبيره علي قولتهامن بيجيني بعدها لا شايب مثله

خليني اكون بنت وكبيره وفاهمه الحياه واسنتي نصيبي احسن الف مره من اني اغامر بحياتي واجلس طول عمري اندب حظي

الدعاء ثم الدعاء ثم الدعاء واتمني اني افتدك برائي وطمنيني عنك

خطير تحليللك ياقزم
وانت اقنعيها بانك مو مرتاحه وانك راح تستخيري الله واذا ماحسيتي براحه توعدك انها ماتضغط عليك يعني من باب انك فكرتي في الموضوع

انين الروح مشكووووووووووره او مشكوره ماادري
حنين جده
مشكوره
وربي تسلمووووووون كلكم
ان شاءالله بقنعها
واكيد الراي بي النهايه لي
لكن كنت ابي اعرف كيف اقنعها اكثر
وردودكم كانت جدن رائعه وراح اسمع كلامكم
شكرا

لا حبيبتي
 

مو مشكله العمر ليش معقده حالش عادي 25لسى صغيره
يعني مو علشان الى الان ما انخطبتي تروحين تاخذين واحد دبل عمرتش :(
صدقيني ما راح ترتاحين
حبيبتي حاولي تقنعين مامه بهذا الفكره قلي لها يرضيتش ان ما اكون سعيده ومتكدره على طول
والله انا اعرف وحده عمرها 18 اخذت واحد متزوج وعنده 5عيال وحالته الماديه مو ذاك الزود
وامها كل ما شافتنا وسألنا عنها اللي هي البنت تعرفين كيف حالها وايش مسويه
تقول الحمد لله تزوجة بنتي تعرفون ما اقدر اخليها الين تعدي العشرين وتعجز تقصدنا احنا علشان عمري 24واختي 22 وما تزوجنا
اقولها صحيح واطنش الله يوفقها
عموما استخيري وزي ما قلت لتش ناقش مامه في هذا الموضوع لا تستسلمين هذا حياتش انت بتعيشينها مو احد ثاني
الله يوفقتش يارب:17: :18: :14: :17: :18: :14:

قال الثالثة قال
الحين انا لحالي وما اقدر عليه كيف لو معي ثنتين بعد
قولي لامك ان اللي متزوج ثلاث ممكن يتزوج الرابعة عليكي
وماراح تكوني سعيدة لانه مو فاضي لك
لو كانت زوجة وحدة نمشيها بس ثنتين وانتي الثالثة قوية بصراحة

مادامك الثالثه اكيد راح تيجي بعدك الرابعه