قلبي تعب مين يرشدني
 

انا بصراحه مدري كيف ابدا معكم سالفتي بس بصراحه انا مليت تعبت قلبي انجرح كرهت كل شي بحياتي صرت احب اجلس بالبيت ولا احب اروح عند احد ولا احد يجيني ومعكذا انا صابره واحاول امشي حياتي مشكلتي هي مع زوجي القاسي اللي ماشفت منه غير الجراح والقهر رغم اني وربي طيبه معه احاول اسعده واقدم له المستحيل ولكن هو غريب يقتلني بصمته معي ودايم يقول طفشان لا حديقول انا السبب بالعكس وربي اني اسوي حركات واسوي ولكن مافي فايده حتى التعليق منه مافيه وان اضفت شي بالبيت اوسويت حركه حلوه عادي عنده دايم يهددني ويعصب علي لاتفه الامور ويقول انه راح يوديني بيت اهلي حتى لو انا مو غلطانه لازم اعترف اني انا غلطانه وهو لا عمره ماجاب لي شي كهديه ولا فكر اصلا احس انه مستهتر معي رغم انه انسان طيب ولكن هو مهمل نفسه ومهملني معها احيانا انهار وابكي قدامه مافي شتم ماقد قالها لي وووو رغم كذا ماقد شكيت لاحد ثم نتصالح ونشعل النار مرررره وش اسوي والله اني دايم ان كان مزنوق ماليا انا اساعده مع اني مو موظفه تركت وظيفتي بسببه وبسب كلامه القاسي لي ...على عكس اهله يعاملهم معامله غيرر ودايم يتصلوا عليه ويقولوله يالله تعال ولازم نروح عندهم ان قالوهامع اننا في مدينه ثانيه واهلي بنفس مدينة اهله وحتى وحنا هناك مايبونياهله اروح عند اهلي ولا يروح معي مع اننا نروح ربوع وخموس ونرد الجمعه ودايم يسافرون عندي ويحاولن يشوفون وش شريت وبكم ووو ويخربون بيتي ولايهتمون ويبونا دايم برى نتمشى ونصرف عليهم وزرجي المصون لازم يقدم لهم ماهو اغلى واحسن رغم انه يقولي لازم نقتصد عشان نجمع لنا كم من فلس ومع كذا دايم كم من مره قد سلفته بس انه مايقدر ما يحترمني ما ادري القاه منه او من اهله رغم كذا انا صابره ولا اشكي بس طفح الكيل مليت واللحين توه مسوي سالفه مع اني ماسويت شي وهددني وقال بكره يعني الاربعاء بوديك عند اهلك واجلس لحالي ما ابي اشوفك فانا مارديت عليه وجيت لكم ابي شوركم ونصحيتكم والله ثم والله اني احبه واموت فيه وعارفه لو اسمع كلامه واجهز اغراضي واروح عند اهلي اني راح اندم مو عشاني رحت عند اهلي لا بالعكس اهلي مره طيبين وامي بعد وودي اجلس معهم بس بشتاقه واللي متزوجه بتعرف انه صعب تفارق الانسان اللي تحبه هل اكتم على قلبي وارتب ملابسي واخليه او اش اسوي ارجوكم ساعدوني مع العلم انه مرعلى زواجي تسع شهور فقط صرت احبه واكره في نفس الوقت واتمنى انه يموت
ارجوكم ادعوا لي والله حالتي النفسيه سيئه دعواتكم لي

السلام حضري شنطتك وروحي عند اهلك وارتحي على الاقل اسبوع اما هو طنشيه ولا تكلمينه صدقيني راح يندم وهو يجيك لازم تصبرين عشان يتادب معك لانه رايح يعرف وقت الحاجه قيمتك وماحد ينفعه غيرك

السلام حضري شنطتك وروحي عند اهلك وارتحي على الاقل اسبوع اما هو طنشيه ولا تكلمينه صدقيني راح يندم وهو يجيك لازم تصبرين عشان يتادب معك لانه رايح يعرف وقت الحاجه قيمتك وماحد ينفعه غيرك


حتي لو تحبية مووووووووووووووووووت لازم تتباعدوا شوي
عشان يعرف قيمتك

مو انتي الي دايما تتنازلي

ممكن تحكين بالتفصيل ليش هو قالك حضري شنطتك بوديك بيت اهلك

يمكن نقدر نساعدك اذا عرفنا السبب

ينتقل لعالم الثقافة والتوجيهات



بوركتم

السلام عليكم ... انتي سمعي كلامه وروحي عند اهلج .. غيري جو .. فترة بس.. ولا تتصلين .. ولا ترسلين مسج .. .. ورتبي امورج .. وادعي ربج ..

وفكري بالاشياء الزينه الي فيه والشينه .. ووازني الامور.. وشوفي هل تقدرين تتحملين اتكملين معاه .. ولا حياتج بتكون جحيم ؟؟ وصلي استخارة ان كان فيه خير لج بتكملون مع بعض وان كان فيه شر ربي بيبعده عنح ... والحين انتي توج في بداية الزواج ومابينكم اطفال... فكري بعقلج مو بقلبج ..

وكرري هالدعاء ..

يارب جملني في عين زوجي وجمل زوجي في عيني..
حببني فيه وحببه فيني...

اشكر كل من رد على موضوعي قسم بالله اني استانست وحسيت ان في احد معي لدرجة اني بكيت من الفرحه رغم القهر اللي بقلبي شاكره لكم اما سبب زعله مني اليوم فهو مافي سبب بس قال انه طفشان مع اني كنت جالسه واحاول اشيل طفشه الدايم وقلت له خل نطلع قال خلاص فطلعنا ولا حتى عشر ورجعنا البيت مع انه زعل نفسه بنفسه وعلى فكره انا قررت ارتب ملابسي وارح وارتاح اشوي احسن لي وان كان يبيني يجلي هو ولاراح اعتذر منه ابد لاني ما اخطيت وراح اجهزله غداه بكره وكل شي واتجهز انا لروحتي

ما عندي خبره مو متزوجه
بس ادعي الله بهذا الدعاء
اللهم سخر لي زوجي كما سخرت البحر لموسى
اللهم اجعل بيننا الموده والحمه
كوني له حبيبه بالفراش وصديقه وغيري من اللوك طيعيه بكل شي
انت اشتري له هديه ولا تنتظري منه شكر
مع الوقت باذن الله بيصير احن عليك
يارب