يجس نبضي لخطبتي،، ماذا ارد عليه؟؟
 

مرحبا يا شباب ويا صبايا مساء الخير ازا كان مسا وصباح الخير ازا كان صبح

انا من زمان بقرا بها المنتدى بس يعني ما بحب اجاوب وقلت لحالي بس يصير عندي شي اناقشه في معاكم بخص المقبلين على الزواج او شي من هيك بدخل وبناقش...وبصراحه انا بقتنع بارائكم وبحس كل واحد بجاوب بصراحه وهاد اكتر شي عجبني بها المنتدى

انا فتاه عمري 24 سنه تقريبا ..على قدر كبير من الجمال الحمد الله ..وكمان الجمال الاخلاقي مو بس الجمال الداخلي..
دخلت عالشغل اللي كان فيه بنات من صحباتي قبل وكان بالشغل في واحد بدور على عروس والبنات المنتزوجات اللي بالشغل دلوه عليي وقاله اني رح اجي قبل اسبوع ..
طبعا من اول ما دخلت عالشغل كان مبين الاهتماام والاعجاب وكان واضح يعني بيتحجج عشان اي شي عاشن يجي مكتبي .......بسلم كل يوم ...بحاول يجر كلام وانته عارفني الحركات

هلق اللي حيرني بالموضوع انه قبل اسبوعين طلب مني بل اترجاني اني اقعد بمكتبه شوي عشان يقلي شي ولما اجيت قال شو بقلي .انا بدور على عروس ..انتي مخطوبه ولا لأ؟ من اي عيله ومن اي جنسيه ؟ وهالاسئله اللي عارفينها


وامبارح : كمان طلبني بموضوع وقال شي مهم ....وبعد ما قعدت مع العلم اني يا دوب 10 دقايق بس ..
قال شو بقلي انا بدور على عروس ..فيكي تدوريلي ..بدي مواصفاتها هيك وهيك وقريبه من مواصفاتي :25:
المهم رحت دليته على كم بنت معانا بالشغل قام قلي : لااااااااا ...عرضت عليه بنات من جنسيه قريبه من جينسيتا يعني من بلاد الشام : قال لااااااااااااا انا بدي فلسطينيه : يعني زي جنيسيتي
ولف ودار ولف ودار ................ وبعدين حكالي دوريلي ..واهلي شايفين كم وحده وبدي انزل على بلدي اخطب وارجع

طيب سؤالي ..شو المطلوب يعني ليش حكى هالحكي ازا هو حاطط عينه علي وعيون كلها اعجاب ليش ما خلص وحكي وقال بدي ادخل من الباب "معلومه : مش من الشباب اللي بدهم يلعبوا"
يعني ليش لف ودار يا ترى قصده جس نبض ...وانا شو لازم اعمل بها الحاله

شو احكي ؟ شو اقول ازا طلبني مثلا ؟ كيف اتصرف تجاهه؟ اسلم ما اسلم اقعد معاه ولا لأ ما اعطيه فرصه
محتاره كتير وخاصه اني عمره ما وقعت بهيك موقف وجه لوجه لانه بالعاده انتو عارفين بيجي الخطيب عالبيت عن طريق االاهل وعلطول على بيتنا ما في بالعاده حدا يطلبني من حالي ..احرااااااااااج

عنجد مو عارف شو اتصرف ..ممكن تساعدوني وخاصه الشباب وطبعا البنات مالي غنا عنهم

هي اول مره اسالكم ما تردوني خايبه ..:29:

الإشراف:
تم تعديل العنوان ليناسب النص

12 واحد دخل ولا حدا رد
ما توقعت منكم ...:(

غريبة ؟؟؟

الله يعينك ويكتب لك الي فيه الخير ,, بيني له ثقلك ولا تتجرأي معه ابداً ,,
يمكن قاعد يختبرك بيشوف انت بتتكلمي مع رجال غريب ولا لأ ؟؟
والله يوفقك ويكتب لك مافيه الخير ,,,

يمكن فهمتيني غلط ..........هو من نفس جنسيتي فلسطيني متللي :d

شكرا حبيتبي ...حاضر رح اسمع كلامك رح اتقل بس كيف؟
ما اسلم ..ما اقعد معاه ..:11:

يعني انتي رايك انه كان بلمح علي..انا موافقه عالفكره من حيث المبدا بس حاسه اني بدي اعرفه اكتر وخايفه اعمل اي شي يخليه ياخد فكره غلط..

حبيبتي والله ما ادري وش قصده من هالحركه بس اعتقد انه احتمال كبير بو يشوفك ازا كل مره بتلبي طلبه وبتجي المكتبه يعني بختصار هل انت ثقيله او خفيفه وبدو يشوف كيف مبدأك وكيف كلامك اعتقد اذا قالك تعالي على مكتبي قولي له انا عطيتك اسماء بنات وخلص الموضوع شو بدك؟؟؟
انا ما بقدر ضل رايحه جايه لعندك
وما تخلي له مجال للحديث معك اكثر من كذا
بعدين اعتقد ازا بدو اياكي رح يتمسك فيكي اكتر بس تعملي هيك لانه الرجال بحب الفتاه الثقيله والفتاه الخفيفه يشك فيها عشرين مره علشان كذا مثل ما قلت لك قولي له لو سمحت انا ما اقدر اجي لمكتبك ومافي شي بخليني اجي على مكتبك وانا اعطيتك اسماء البنات وارقامهم وخلص
يعني انتهى الموضوع
واذا بدو اياكي رح يخطبك وفقك الله واستخير قبل كل شي
في امان الله

الله يخليكي شكرا عالاجابه الشافيه ...
شكرا كتير