|
زوجة الطياار تطلب المسااعده
بسم الله الرحمن الرحيم
حبايب قلبي بحكيلكم مشكلتي واملي اني القى حل عندكم فبليززززززززز ساعدوني اول شي بتكلم عن نفسي انا متزوجه من تقريبا 4سنوات عندي الحمد لله بنت والان ربي لسه رازقني ببنت ثااانيه انا من منطقه وزوجي من منطقه ثانيه لما دخلت الشهر التاسع وقربت ولادتي رحت عند اهلي انتظر ولادتي المهم قبل لاروح عند اهلي اكتشفت ان زوجي مشترك في موقع للزواج عن طريق النت المهم بصدفه عرفت النك نيم والباسوورد تبعه ودخلت على الموقع واكتشفة الصدمه اكتشفة ان حبيبي وزوجي الغالي قاعد يتعرف على بناااات ويتواصل معهم على الماااااااااااسنجر (تخيلوا موقفي)قعدت ذاك اليوم ابكي غصب عني طبعا من باب اللقافه وحب الاستطلاع وممكن يكون هذا غلط مني دخلت نفس الموقع وكتبت مواصفاتي نفس اللي هو طالبها عشان اتواصل معه واعرف وش اللي يبيه واذا فيني اي شي ما قاله لي اعدله بنفسي طبعا هو ما يعرف انه انا زوجته اللي تكلمه تخيلوووووووو علطول اعطاني ايميله طبعا غير البنات الكثر اللي كان يعطيهم ايميله انا طبعا صرت اتكلم معه على الماسنجر وكااااااااااااااان مره معجب فيني وبخفت دمي واخلاقي طبعا زوجي في هذي الفتره مشغول بالنت فكان لا يتصل علي جوااااال ولا يسال الا ناااادر يعني موفاضي مشغول تخيلو من يرجع من الدوام الا الفجر وهو على النت واذا سالته ليه دايم مشغول ودايم على النت يكذب ويقول ادور على بحوث انه يذاكر على النت والمشكله اني كافشته طبعا ملاحظه ترى زوجي ملتزم يانااااااااس والزوجه تعرف اذا كان زوجها متغير عليها لما كلمته ليه متغير يقول انتي فاضيه 24 ساعه تبين اكلمك واسولف معك وهو ما يدري اني حبيبته اللي على النت اللي يسولف معها الا الفجر وما يمل كنت اساله زوجتك وش فيها عشان تبي تتزوج عليها ما يبقى عيب الا ويطلعه فيني وانا اقرا وتحسب عليه المشكله اني احبه بشكل خيالي واحس ان هذا الحب ذالني طبعا مايعرف الرومنسيه وانا رومنسيه واحب الاجواء الهادئه اذا كلمته في موضوع الرومنسيه وش تتوقعون رده (الناس وصلوا للمريخ وانت توك لا تقعدين تفتحين لنا محاضره) وصارت الرومنسيه محاضره والله دنيا المهم اكمل السالفه اكتشفة شي ثاني انه يتكلم في الماسنجر بالمايك والكاميرا يعني كل اللي يكلمهم يشوفونه ويسمعون صوته وانا بخل على حتى بطلته علي طبعا ويعطيهم رقمه ويكلمهم بالجوال طبعا عرف اني انا اللي اكلمه على الماسنجر وانصدم وحس انه طاح من عيني بس طبيعة الرجال ما يعترف بغلطه وادعى انه كان عارفني من زمان وانه كان يمشي الموضوع علي طبعا وطلعني انا الغلطانه وعيشني بنفسيه ما تتخيلونها وبسببه وبسبب النفسيه السيئه جتني ولادة سريعه والبيبي تعبة وجلست بالمستشفى اسبوع بسبب نقص الاكسجين:15: :11: طبعا جاء وزارني بالمستشفى بس والله حبيبي متغير في احد ما خذ عقله هو عندي وكل شوي يطلع يكلم حبايبه بالجوال طبعا غير الرسايل الرومنسيه ادري طولت عليكم بس ابي تسااااااااااعدوني ماادري اذا طلعت من النفاس ورحت عنده وهو على هذا الوضع وش اسوي ابي مساعده منك وحل بليزززززززززززززززززززز ابي حلول من اشخاص عندهم خبره ويساعدوني على حل المشكله ولا ابي ردود ممكن انها تكرهني فيه لاني ابيه ومابي اتركه واضيع عائلتي وبيتي انا ابي اعدل الوضع ساااااااااااااااااااااااااااااااااعدوني:11::30: |
أختي
قبل ما أجاوب, أنتي ذكرتي إنه "انا من منطقه وزوجي من منطقه ثانيه" يعني كيف إنتوا مو عايشين مع بعض؟ الشيء الثاني, وين يشتغل زوجك, يعني إيش وظيفته؟ |
اختي ...تبغين نصيحتي
لا تسوين ولا شي ...حطي اعصابك في ثلاجة ...لانك كل ما ضغطي عليه راح يعاااند اكثر اتركية حتى يطحن الحب اللي في راسة و راح يرجع لك لكن طولي بالك .. ولا تبينين له انك مهتمة في هذه السالفة ابدا وكان الله في عونك |
حبيبتيfafi
شكله هذى اللي راح يصير مالي الا الدعاء له بالهدايه واحط اعصابي بالثلاجه توهقت احنا عايشين مع بعض بس اهلي في منطقه وانا وياه عايشين منطقه ثانيه |
الجئي لله وقولي اللهم اكفيني شر كل من ارادت زوجي اوارادها في معصيه ان تكفيهم بماشئت وانت السميع العليم بعدين راجعي حساباتك ربما تكونين قد قصرت عليه في شي واكثري من مدحه والثناء عليه وخذي لك شريحة جوال بدون اسم وراسليه رسائل دينيه وعظيه تخوفه بالله ولاتوضحين من انت اكثري من الدعاء له اخر الليل وبين الاذان ولاقامه انه يرده لك رداجميلا ولا تكثرين عليه الكلام والنصائح عشان مايملك
|
الله يخليك يالامير المهذب
يعطيك العافيه على الرد يارب ترده لي وتبعد عنه الحرام لاني والله خايفه عليه |
اقتباس:
أيضا إذا تعرفين أحد ممكن يأثر عليه ... ربعه .. أخوانه .. أبوه .. أمه ... بطريقة غير مباشرة ... مكن تجدين حل الله يعينك |
والله ادعيله من قلبي ان الله يبعده عن اللي هو فيه
خوفا على وعلى بناته ان اللي يسويه يصير لي والا احد بناته او اخواته الله بس يهديه ويسخره لي ويرجع عصفوري وحبيبي لعشه الدافي بس انا ما ودي احد من اهله او اهلي يدري بالخبر لانه تاج راسي وابو عيالي ولا ودي يطيح من عين احد خصوصا قدام اهلي لانه له مكانه كبيره عندهم ويحبونه ويستشيرونه ابيه يبقى مرفوع الراس وافخر فيه قدام الناس |
لا حولة ولا قوة الا بالله
عليك بالدعاء اليه بالهداية وابتعدي عن مسجر حتى لا تزيد تدمرك بزوجك وحتى لا تؤدي نفسك وممكن ينعكس سلبا على علقتكما مع بعض صلي وصومي ولا تنسى الدعاء اخر الليل وان شاء الله ربنا يهديه |
اقتباس:
انا مع الاخ الامير المهذب.. الله يرد لج حبيبج نفس ماتبينه وان شاء الله ماتفترقون ... تحياتي أم وداد |
| الساعة الآن 02:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©