|
برنامج كامل بالصور.. مع كلينك وشوبارد :)
السلام عليكم.. مساء الورد للورد
قررت أدلع بشرتي .. واحط لي نظام معين أمشي عليه.. وقبل ماأشتري حبيت آخذ لفة بالنت على ماركة اثق فيها جدا اللي هي CLINIQUE واستفدت كثير.. بعدها رحت للسوق وانا عندي فكرة كاملة عن المنتجات (عشان مااحد يستغلني ويلعب علي):d واشتريت طبعا بمساعدة الموظفة الله يجزاها خير وبعد شهر شفت نتيجة مررررررة حلوة الحمدالله.. تعطي للبشرة نضارة واشراق قلت لازم افيد حبيبات قلبي بنات الزوجية.. تفضلو معاي مجموعه الــ 3 Steps عباره عن:1- غسول للوجه طبعا فيه 3 انواع حسب البشرة دهنية - مختلطة - عادية يستخدم مرتين في اليوم.. في الصباح وقبل النوم http://www.9m.com/upload/27-03-2007/...7011749974.jpg 2- تونيك امسح بقطنة على البشرة والرقبة بعد الغسول.. يستخدم بعد الغسول http://www.9m.com/upload/27-03-2007/0.761174997592.jpg 3-كريم مرطب.. بعد ماتستخدمينه تحسين بانتعاااااااش.. يستخدم بعد التونيك http://www.9m.com/upload/27-03-2007/...1174997377.jpg كريم للعين يخفف الهالات السوداء والخطوط.. بعد المرطب http://www.9m.com/upload/27-03-2007/07601174996983.jpg هذا سكراب او مقشر للبشرة.. في البداية يستخدم مرة في الاسبوع بعد فترة مرتين وبعدها 3 الى ان يكون كل يوم.. يخفف الافرازات الدهنية ويخلي البشرة ناااااعمة http://www.9m.com/upload/27-03-2007/...8011749978.jpg ماسك للبشرة لتغذيتها والعناية فيها.. تحسين بعد ماتستخدمينها ان بشرتك تتنفس وموردة http://www.9m.com/upload/27-03-2007/...1174998227.jpg هذا سكراب مقشر للجسم مرتين اسبوعيا.. انتعاش بشكل ماتتخيلونه ونعومة ونظافة البنات في النت يقولون يوحد لون الجسم.. http://www.9m.com/upload/27-03-2007/0.865011749929.jpg هذا مرطب الجسم بعد السكراب او بعد كل حمام بالزبدة يعطي طراوة وليونه خيااااااالي http://www.9m.com/upload/27-03-2007/...8011749981.jpg أتمنى استفدتو من الموضوع.. تراني تعببببببببت عليه بس كله لعيونكم:28: وإن شاءالله أعجبكم الموضوع.. واللي تجرب كلينك ويعجبها تدعي لي واذا مااعجبها لاتدعي علي انا طرحت تجربتي وكانت ولله الحمد ناجحة.. لدرجة أقول ويني عن كلينك من سنوات.. |
طبعا استفدنا من الموضوع ..
راح أجرب المنتج بإذن الله .. يعطيك العافية .. |
أنا مثلك أثق بماركة كلينك و أحرص إن المكياج اللي استخدمه يوميا في دوامي يكون من كلينك علشان مايضرني الإستخدام اليومي بس سؤال يا شوبارد أحس هالمجموعه كثيره وصعب إني استخدمها واواظب عليها كلهم أنتي بالضبط وش استخدمتي من هالمجموعه وخاصة الوجه والهالات السوداء ؟ <<<< ذبحنا السهر وشوه بشراتنا ويعطيك العافيه على هالمجهود الحلو والفوائد المهمه |
السلام عليكم ورحمة الله وبركاته
ياهلا بالغاليه أم الوليد<<<<عنيده وراسي يابس:) بصراحه مجهود تشكري عليه انا اختي تستعمل منتجات كلينك ومره مرتاحه لها اما انا احب اكون على طبيعتي واحب الخُزعبلات<<<<((((يعني الإختراعات) بس تطفش الخزعبلات بس بصراحه شجعتيني اجرب بس ياحلوه يبغـــــــــــــــــــــــــــــــــا لها تحويشه معتبره:) يالله اخليهــا على الشهر الجاي وربي ييسر انا تسخت موضوعك عشان لم اشتري اكون عارفه واختار صح ربي يسعدك ياشّبوره :) ونفرح فيك يارب عقبال ماتجهز جهازك قريب يارب ربي يسعدك ويفرج همك وينولك مرادك ويريح بالك ويسخرلك ويرزقك الزوج الصالح اللي يخاف الله فيك يارب حصنتك بلا اله الاالله |
شكرا لك بس ماعندك خبره للكحل هل هو حلوووووو والا لا
|
عليكم السلام ورحمة الله وبركاته
وش هالزيــن ياشوبارد ماشاءالله عليك أنا للأسف أكسل إنسانه على وجه الأرض أتحمس وأشتـــــري واستخدمها كم يوم واتعيجز أمي تهاوشني على هالحركات تسريحتي مليااانه أشياء نسيت ليش كنت شاريتها بالضبط :d كلينك ماقد سمعت أي بنت إلا وتمدحهاااا إن شاءالله أصير حرمه سنعة وأصمل عليهـا وأطلع حلوه مثلك :d الله يجزاك خير شوبارد ويرزقك كل خير |
شو هالموضوع الحلو! ما شاء الله عليك حبيبتي بدعتي
انا دايما استخدم ماركة كلينيك وأنصح كل اللي بشرتهم حساسه يجربونها لأنها الصراحه نفعتني وايد... |
هلا شوبارد الله يعطيك العافية
بس ياليت تقولين لنا بكم اشتريتيهم ؟؟؟ وأي واحد بالضبط اللي استخدمتيه ؟؟؟ لأنه احسها مرررره كثيرة صعبة كلها نستخدمها ويعطيك ألف عافية على هالإفادة |
بحرينية
هلا وغلا وتسلمين حبيبتي همة عالية انا استخدم كل هاذولي.. وفيه مرطب معاه واقي شمس بس مالقيت صورته تراني اول مهملة صابون ومرطب وكثر الله خيري:d وبديت احس بشرتي كنها شاحبة قلت لابد اني امشي على نظام معين يناسب نوع بشرتي وصدقيني كل واحد يكمل الثاني مهمين مرة.. انا ماحطيتهم الا بعد ماجربتهم واعجبوني روح الغالي لاتقولييييييييييين ام الوليد ماظنتي اصير امه بس يارب اصير امه:d صح عليك يبغى لك مبلغ.. بس والله يستاهل تسلمين ام سعود يله شدي حيلك واهتمي لحد مايجي ابو سعود asd1234 العفو.. انا فاهمة بس بمنتجات العناية.. لكن مكياجهم ماعندي فكرة وتبغين كحل حلو جربي جيفنشي سواده رائع ومايسيح بسرعة |
غالية
أنا كنت مثلك واكسل.. بس الحين تمام التمام يله اصملي بس وتوكلي على الله :28: الهم الله يحلي ايامك ويفرج همومك يارب الحائرة انا اول ماشفتهم قلت ياربي شلون استخدمهم شغلانة! يوم شفت اهميتهم شريتهم كلهم وضبطت نفسي بالمواعيد وشفت نتيجة مرضية جدا ويمكن بعد شهر اروح اخذ منتجات ثانية كلفت علي تقريبا 1100 ريال <<< اول مرة ادفع للعناية ببشرتي هالمبلغ بالعادة صابونة نتيروجينا ومرطب لوريال وكثر الله خيري:d اهم شي 3 ستيب للوجه غسول وتونيك ومرطب مهماااااات مرة وعطوني هدية كرتون فيه عينة عطر وعلبة فيها 4 ارواج ومسكرتين وعينة لمزيل مكياج العيون وقلوس يوم بغيت ادفع قلت عطوني هدية ثانية اكسبوني زبونة وعطوني كرتون ثاني فيه نفس الكرتون الاول وناسة :23: |
| الساعة الآن 12:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©