|
رائحة فم زوجتي تزعجني مالحل؟
السلام عليكم ورحمة الله وبركاته
اسمحولي علي الجراءه هاذي :) اخواني واخواتي........ خطيبتي - زوجتي ريحة حلقها مزعجه بشكل لايطااااااااق مادري بصراحه عندها مشكله باللثة او الاسنان الله اعلم بس هي دايما تراجع طبيب الاسنان المهم ابي ابين لها اني متضايق من هالريحه شلون ؟؟ صدقوني ولله صعبه اقولها الموضوع مباشره او ابين لها اني متضايق حيل حيل صعبه وفيها احراااااااااج لها واتوقع تقعد شهر كامل ماتكلمني لو اقولها ان ريحت حلقك مو حلوه هههههههههههه المهم اخواني ابي ابين لها هالنقطه شلون ! |
انتبه تقولها والله وانا اقرا الموضوع غمضت عيوني بقووة:30:
اخوي مع السوالف انت وياها عن العطورات مثلا قل لها في الصيدليات فيه شرايح بالنعناع مررة ممتازة وتخلي ريحة الفم طيبة وعطرة هذي تنفع لنا كل يوم نستخدمها لازم كل واحد يتعطر للثاني وحلويات مص بنكهات ولبان هذا مانستغني عنه ابدااا واكيد هي بتفهم بطريقة غير مباشرة أو تكلم عن مواعيدك مع طبيب الاسنان وان الدكتور يقول لازم الشخص كل 6 شهور يعمل تنظيف لاسنانه لأنها هي اللي تجيب الريحة المزعجة.. ولازم يقضي على التسوس لأنه يجيب ريحة موحلوة وان شاءالله ماتشم منها الا كل رائحة طيبة |
انا اقصد وقت اني اكون قريب من فمها حيل وقت ........... و الرومانسيه
|
عادي قل لها هذا الكلام في التلفون مثلا
والكلام اللي سبق وكتبته بردي الاول كله مفيد لرائحة الفم |
فيه بخاخ بالصيدليه مخصص للرائحه هذي بنكهة النعناع
ليش ماتشتري 2 واحد لك وواحد لها واستخدم بخاخك عندها وهي بهالطريقه راح تستخدم بخاخها ولا راح تحس باي احراج |
مشكلتك صعبه جدا
حاول تتحشى القرب من وجهها او تتحشى ان تشم اذا قربت وهذا بشكل مؤقت اسألها دائما عسى ما تشمي مني رائح كريهه ربما تفهم وتفتح الموضوع معك لكي تتناقشان في الموضوع وتوجودون الحلول فربما تكون الرائحه من المعده او اللوزتين او الاسنان او اللثة او غيرها الله يوفقك يا اخي |
الأخ الفاضل ابراهيموه
حقيقة موضوع جدا صعب ومحرج جدا وبصراحة ممكن نفسيتها تتأثر.. برأيي قولها إنك تحب الفم لما يكون ريحته فراولة أو حلاوة مثل إستخدام كذا وكذا.. وقولها إن هالشي يثيرك.. أو أكتب لها الأشياء إلي تثيرك مثلا ومنها لما يكون ريحة الفم كذا وكذا نعناع وفروالة وغيره.. وإنك ما تميل للفم لما تكون ريحة طبيعية كثير وتفضل أكثر لما يكون ريحة مثل الحلاوة.. يعني كأنك تعرض عليها الأشياء إلي تشدك أكثر من غير تنقيص برائحته الآن أتمنى يكون حل مساعد لك كل التقدير تحياتي |
عندي لك طريقة رومانسية جدا ... اذا شفتها طلع من جيبك لبان علكة بنكهة النعناع (خد نوعية جيدة واحسنها هي ماركة Wrigley's Extra ) ... وحطها على طرف شفتك وخليها تاخذها بشفتها وتمضغها .. ونفس الحركة تطلبه منها تحط حبة علكة على طرف شفتها وتتناوله منها بشفايفك .. وبكدا مرة على مرة تعودها وهي تفهمها وهي طايرة .. اما اذا هي من النوع إلي مايتقبل الحركات الرومانسية الله يعييينك .. على الصراحة الي تجرح الاحساس :) ,,
بس من جد شي ينفرر واذا هي ماستوعبت الشي من نفسها .. كيف راح تكملوا حياتكم الزوجية بعدها ... لانه نفس الشي ينطبق على الرجل :) ... لو ريحة نفسه كريهة صعبه جدا ولازم يتطيب بأجمل الروائح اذا شاف زوجته او خطيبته |
عادي قولها أو اسالها ليش انت اتراجعين طبيب الاسنان من شنو تشتكين وبعدين يمكن المعده عندها تعبانة وطلع ريحة من الفم ...
|
انا عندي الحل:
وقت اللي بتزورها مر على دكان او محطه خذ لك لبان انواع ...وخاصة النعناع.....ويوم توصل بيتهم ومع السوالف طلع اللبان قولها اتفضلي انتي اول...بتقول : لا مشكور...قولها: افاااااا يعني ترديني بتقول: اوكي خلاص ولايهمك...عقب انت بعد خذ لك حبه وعلجوا ويا بعض..... وانتهى الموضوع ...فكره صح؟ :22: |
| الساعة الآن 03:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©