|
خطيبتي تريد التقليل من المكالمات
اخواني اسعد الله مساءكم جميعا
حقيقة عندي مشكلة واريد مساعدتكم وارائكم فيها في البداية انا تمت خطبتي منذ سبعة اشهر تقريبا على احدى قريباتي وكل شي في البداية تمام الناس شاريني وانا شاريهم حاولت خلال هذة المدة اني ما اقصر معها كلام حلو وهدايا ما كانت تحلم فيها واهتمام وحب حتى انها قالت بصراحة احسد نفسي عليك طبعا حلو الكلام الى هنا المشكلة يوم الخميس الماضي كنت في استراحة وتاخرت ما دقيت عليها طبعا ارسلت رسالة وقالت ابغا انام ارسلت لها نوم العوافي وهذة اساس المشكلة تقول ليش الرسالة جافة وما فيها حب ولازم نخفف من المكالمات مع انا لنا سبعة اشهر نكلم بعض يوميا اربع خمس ساعات بصراحة تحطيم لي بشكل ما تتصورون مافيه مشكلة تستاهل الزعل الى هالدرجة للمعلومية ما عمرها قالت لي كلام حب وغزل دائما تقول ما اقدر وانا متنازل عنها في هذه الفترة تكفون ساعدوني ايش الحل اخفف المكالمات مرة في الاسبوع حسب طلبها مع اني متاكد انها ماراح تقدر تصبر او اقطع المكلمات لانها بصراحة هذه الفكرة اللي تراودني اتمنى ما تبخلون عليه بارائكم تحياتي |
\\
\ دلع بنات 00 لا تشغل بالك 00 \\ \ |
بالعكس مو دلع بنات
انا لو مكانها بقوول اللي هي قالته لان فكره انكم اتكلمون بعض قبل الزواج قد تكوون مرفوضه عند بعض الناس بسبت الجفا بالتعامل واللملللل فهي عندها خووف من هالشي ولما شافتك ارسلت لها رساله بدون كلام حلو حست ان كلام الناس صحييح وانك بديت اتمل منها فهمها الللي صار وخلها اتغلى اشوي واتدلع ترا مو عيب !!! |
دلع لتعرف غلاها
|
انا من رأيي تخففها ...
وكان المفروض تخففها من البدايه .. يوميا اربع ساعات ؟؟؟؟؟؟؟؟؟؟؟ ايش تقولون فيهاااا؟؟؟؟؟؟؟؟ راح تملون من بعض وما تلاقون كلام تفولونه.... وممكن تزعلون وتملون وتطفشوون من بعض .. والكلام بالتلفون له عيوبه .. ما تقدر تعرف الشخص الي قدامك حتى لو حسيت انك فاهمه ..التلفون وسيلة اتصال مو وسيلة بناء علاقة حب بين مخطوبين .. العلاقه الصح لازم يتوفر فيها كل جوانب الا حساس وتشارك فيها كل الحواس الخمس مو حاسة وحده بس ... قلل من مكالماتك لها ... وعجل بالملكة او الزواج .. وقابلها شخصياااااااا.. وابعد عن التكرار اليومي .. |
بصراحه انا أييد كلام اختي الاميره توفي لاني مريت بنفس التجربه وبعدين ياخوي البنت بطبيعتها حساسه وخاصه في فترة الخطوبه يعني تلاقيها خايفه من كل شي ومتوتره من كثر القصص اللي تسمعها وبعدين لازم انت تكون حليم وماتزعل بسرعه والله يوفقكم والف مبروك .
|
يعطيكم الف عافية على الردود
والله اني صبرت وانا طبعي عصبي لكن لاني احبها صبرت بصراحة ملينا من المكلمات وبعض الاحيان مافية سوالف بس ايش الحل ارفض طلبها والااوافق على تقليل المكالمات تحياتي |
http://www.up07.com/upload-45/wh_24443899.gif تدري ايش المشكلة ؟! انها كانت تنتظر ولما ارسلت الرسالهـ كانت منتظرهـ انكـ تدق عليها .. ماترسل الرسالهـ .. وانا ابصم بالعشرهـ هذا قصدها .. ولما ما دقيت وارسلت الرسالهـ قامت زعلت ( دلع ) .. وهذي المشكلة .. لكن صدقني هي بقرارهـ نفسها كانت منتظرهـ الاتصال وودها تتكلمون اكثر .. راح تشوف بعد كم يوم بيرجع الوضع طبيعي .. وهي اللى بتدق هي قالت هذا الكلام عشان توريكـ ان حتى هيا تقدر ماتكلمكـ .. لا تخفف من المكالمات هذي الفترة احلى فترهـ .. ومبروكـ والله يسعدكمـ ويوفقكمـ دنيا وآخرهـ يارب .. http://www.up07.com/upload-45/wh_24443899.gif |
السلام عليكم
مبارك عليك ياعريس والله جنناكم احنا البنات ومن دلعنا ومن حساسيتنا اخوي الوضع طبيعي جدا 1_خفف مكالمات بس موتقطعها يعني ليش تخلي المكالمات 4-5 ساعات كلمها الصباح (صباح الخير حبيبتي كيف صحتك وووو هيا توصي شي حبيبتي حبيت اسلم عليك) الظهر(كيف الحال والأحوال والحل والترحال و و وحبيت اسلم عليك) المغرب (ايش الأخبار ايش عملتي اليوم وين رايحين ....) قبل ماتنام (كم كلمه حلوه مع اشتياق وموده ودلع ) كل هذي المكالمات كل واحد ماتاخذ منك 5-7 دقائق الين نهاية الأسبوع خلي مكالمه وحده في الأسبوع طويله شوي حسب المواضيع طبعا اكيد بتلاقوا حكي لأن شي طبيعي خلال الأسبوع ماتكلمتوا غير سلامات وتحياتي وبعدين لازم تتفاهموا هذي الأمور عاديه وبسيطه وتحصل بس لاتخلي الأمور تكبر عليها يعني على طول راضيها بكم كلمه حلوه وبعدين خلي رسائلك رقيقه اقولك شي لاتنسى شيء مهم وهو الحاله النفسيه اللي تمر فيها المرأه(الدوره الشهريه) تراها تغير المزااااااااااااااااااااااج وتزعل وتبكي من الهوا اللي خرب شعرها تزعل من الورده اذا مالقت فيها رائحه حلوه اسألها قولها متى تجيك الدوره ؟قربت ؟ كم باقي لها وتأكد ياان فيها او باقي لها كم يوم وتجيها تبغى نصيحه اول ماتشوف خطيبتك او اختك معصبه وتزعل من شيء تافه على طول اعرف ان فيها شي غصب عنها ولاتلومها تروى اخوي حاول تمتص غضبها لأن بطبيعة البنت تحب الأهتمام والرعايه يعني لنفرض هذا اليوم اللي قالت فيه لك ابغا انام على طول اذا قدرت تكلمها كلمها وسلم عليها واعطيها كم كلمه حلوه ودلع وسكر ماياخذ الموضوع 5 دقائق واذا موقادر ارسل لها رساله وقولها حبيبتي انتظري شوي ابغا اقولك سر بس اعطيني وقت ربع ساعه <<<<طبعا حسب المده اللي تقدر عليها وكلمها والسر قولها كلمه حلوه وقولها احبك وحركات يعني واذا ماتقدر ارسل لها بطريقه حلوه وقوله حبيبتي والله ودي اكلمك بس مره مشغول والشباب جنبي معليش سامحيني حبيبتي لكن اوعدك ان شاء الله بكره الصباح اول مااصحى اكلمك احبك ياحبيبتي واموت فيك غطي نفسك وانت نايمه وووو) تصدق والله انها بترتاح وبتنام وهي مبسوطه ومطمئنه على فكره المرأه تحتاج للشعور بالأمان وتحتاج الإهتمام والرعايه والحنيه وربي يسعدكم ويألف بين قلوبكم ولاتنسى الدعاء والإستغفار وربي يشرح صدركم |
الله يعطيكم العافية
ما خيبتوا ظني فيكم للمعلومية اول مرة ارسلها رسالة جافة بدون كلام حلو على شان كذا زعلت فوق كذا كانت تعبانة شوي بس المشكلة طلبها مو وقته تقول نخفف من المكالمات روح الغالي يخليك يارب اسلوبك جميل راح اسويه وانتظر الرد تحياتي للغالين |
| الساعة الآن 11:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©