أخت زوجة أخي !!!
 

السلام عليكم
شلونكم شخباركم ؟

بصراحه بقولكم سالفتي و أبي رايكم فيها :22:

بصراحه أهلي ذبحوني من كل حدب و ندب <<<< من وين يايب هالكلام الخطير :25:

كل ما يبنا طاري الزواج قالوا لي أخذ فلانه إلي أهي أخت زوجة أخوي ، و بصراحه كل ما قلت حق شخص عنها قالي لا تطوفك أخلاق و عايلة محترمه ما شفنا منهم شي من 5 سنين .
و بصراحه ينطبق عليها حديث الرسول - صلى الله عليه و سلم - ذات دين و لله الحمد متغطيه و ذات جمال مقبول و ذات حسب و نسب .

لكن !!!! <<<<< هذي المشكله :29:

بصراحه أنا رافض رفض قطعي و الأسباب :
1- خايف ما أقدر الي طلباتها و أخوي أيجيب لزوجته أشياء و انا ما أقدر أجيب لها و ينكسر خاطرها .
2- انا أجيب لها شي أخوي ما يقدر يجيبه لزوجته فيتوهق أخوي .
3- أخاف تصير بينا مشاكل و يسبب لا سمح الله الطلاق مما يجعل العلاقه متوتره بينا وبينهم .

بصراحه هذي أهم ثلاث اسباب . شرايكم أنتم ؟

نبي نصيحتكم . " غير الإستخاره لان هذا شي أساسي " :)

الله يجزيج الخير على الإجابة السريعه ...

لكن المشكله الثالثه مالها حل !؟؟

ما عندي الا التكرار ولاكن لتاكيد
اولا الاستخاره ثم الاستخاره
ثانيا جميع الاسباب التي ذكرت ليست جوهريه
اما الاول والثاني فهذا الشي موجود في جميع الحريم اذا كانوا يغارون وليس بين الاخوات والامراه المتفهمه لا تلتفت الى هذه الاشياء بل على العكس قد تقول لزوجها لا تصرف كثير لكي توفر لنا ولاولادنا
اما السبب الثالث فانا اعرف حالات مشابهه ولا صار الا كل خير
واذا الواحد خاف من المشاكل مع العائله واثرها على الاخرين فلن يتزوج من الاقارب ولا الاصدقاء ولا الجيران ولا ولا
اسأل الله لك التوفيق وتوكل على الله

(فاظفر بذات الدين تربت يداك)

اذا كانت ذات اخلاق عاليه اعتقد انها ستجمعكم اكثر كعائله

فاذا كانت كما قلت فأعتقد انها مناسبه لك

فستخر ثم توكل على الله

المشكلة الثالثة هي صحيح مشكلة وسبق وإن حصلت وتم طلاق واحدة والأخرى معلقة وهكذا ..
ولكن مدام غنك قلت إنهم من عائلة حسب ونسب وطيب وأخلاق ..
إن شاء الله الله يقدم اللي فيه الخير لك ولها ..

وتوكل على الله .. مدام البنت ماتتعوض ..

وليش تصير بينكم مشاكل ؟؟ فيه بوادر للمشاكل من الحين ؟

اختها وعائلتها شفتوا منهم شيء ؟؟


اذاً ماله داعي هالخوف كله ,, انت توكل على الله وربي بيسهل امرك لا تطير الحرمة
من بين يديك بعدين تندم الله يكتب لك الخير ,, واذا الله كتب وصار بينكم نصيب ,,

من البداية اتفقوا ان اي شيء تشوفه عند احد ماتطلب مثله وتقارن بينك وبين غيرك
او تقول زوج فلانة سوا وسوا وانت نفس الشيء اوعدها ماتقارن بينها وبين زوجات
اخوانك او اصحابك ,, وقول لها انا مستعد اسعدك لأخر العمر ومارح اقصر عليك بشيء

وبهالطريقة رح تكسبها وتكونون اسرة رائعة مبنية على التفاهم ,,
ولا تنسى الاستخارة فهي اهم شيء

اخي بو خالد انا واختي متزوجان اخوان والحمد لله لم يحدث بيننا اي شي مما قلت .
ممكن يعتمد على الفتاه اذا كانت من النوع اللي يغار
صدقني اختي كانت اول من فرح عندما اشترى لي زوجي سياره وكن السياره لها
وكنت اول من فرح عندما اشتريت بيت
توكل على الله.....
والمشكله سوف تكون اذا تزوجت امراه غير اختها

اتصير بينكم مشاكل مثل شنو ؟ ومن الاساس ليش اتصير اذا بتكون مرتاح معاها وفاهمين بعض .. خل الوسواس بعيد عنك وتوكل ع الله اذا فيها الخير ..
الله يعطيك من خيرها ويكفيك شرها ......