قالب الدجاج بالتوست والكريمة
 

دجاج بالتوست والكريمة

المقادير :

1. عدد واحد دجاجة مسلوقة بالبهارات ومنتفة .
2. عدد 1 فلفل اخضر بارد مقطع شرايح ضعيفة
3. عدد 1 راس بصل مقطع شرايح ضعيفة
4. عدد 1 قوطي مشروم شرايح
5. عدد واحد بطاطة متوسطة الحجم مقطعة شرايح مدورة ومقلية بزيت غزير
6. عدد 1 كريما حمرا الحين صارت زرقا :)
7. قلاص صغير جبن مراعي او اي جبن قلاصات انتو تحبونه
8.بهارات كاري + فلفل بودر احمر بارد (بابريكا) + شوية ملح

الطريقة :

- يحمس البصل الى ان يشقر ثم يضاف المشروم والفلفل الخضر وتحمسينهم جيدا بعدين تضيفين الدجاج المنتف وتحمسين عدل وتحطين بهاراتج (رقم8) وتحمسين لحد ما يتحمر الدجاج
- بعدين ياحبيبتي تضيفين علبة الكريما ونص قلاص الجبن والبطاط المقلي وتخلطينهم مع بعض وتخلينهم على نار واطية لحد ما تنشف الصلصة.
- خلال هالوقت تييبين جيس توست احمر وتقصين اطراف التوست يعني يصير التوست مربعات وتجيبين البايركس تحطين طبقة توست وتدهنين الطبقة من الداخل بهالخلطة ( 1/2 جبن قلاصات + قفشتين كبار مايونيز + فلفل اسوج + ملح + 1/2 كوب جبنة موزوريلا) استعملي نص كمية هالخلطة
- بعدين حطي خلطة الدجاج اللي سويتيها ، وصفي فوقها طبقة توست مدهونة بعد من الداخل بالخلطة.

على وجه التوست من بره ، حطي جبنة موزوريلا بحيث تغطي التوست ورشي بقسماط و 6 شرايح زبدة خفيييفة بس علشان يتحمر الويه .

اكلي وادعيلي وادعي حق امي الله يشافيها.

رووووووووووووووووووووعه



يعطيك العاااااافيه

نم نم نم نمممممممممممممممممممم

مشكورة اختيييي

سلمت يداك

ما شاء الله روووووووووووووووووووووعه

سؤال بسيط
الخلطة الثانية تبع البطاط وين حطيتيها؟؟؟

شكرا ماقصرتي

شكلها رهيييييييييييييب

يسلموا إيديك

الله يشفي الوالدة و ما تشوفي فيها شر

الله يعطيك العافيه ....

الله ياااااااااااربي يشاااااافي امـــــــــــــــــك

روعه يسلمو والله يعافيلج امك ويخليها لك