كشك الماظ .... شجعونى لكن لا تجاملونى
 

- كشك ألماظ

المقادير

2 كوب مرقة ( افضل مرق اللحم )
2 ملاعق ارز مغسول و منقوع
1 كو ب لبن أو زبادى
4 ملاعق دقيق
ملح / فلفل
بصلة مقطعة صغير و محمرة فى قليل من السمن

الطريقة :

نسلق الارز فى كمية الشوربه المتبلة بالملح و الفلفل حتى ينضج
ثم نرفعه من على النار و نضيف اللبن الدافىء و نقلب
ثم نضيف الدقيق ونقلب ونضعهم على النار مع التقليب المستمر حتى يصير الخليط
متماسك نوعا ما مثل المهلبية ( عملية ضبط سمك بالنسبة لى تأتى بالنظر فممكن احتاج اخفف بشوية شوربه او لبن او ممكن احتاج لزيادة السمك بكميه بسيطة اخرى من الدقيق تذاب فى قليل من الماء ثم تضاف للخليط و يرفع على النار ثانيا مع التقليب ) لمدة ثلاث دقائق

ثم نسكب الكشك فى أطباق
ويجمل الوجه بالبصل المحمر يقدم بارد أو ساخن حسب الرغبة مع الدمعة[/FONT]



طريقة عمل الدمعة

يحمر 2 فص ثوم فى ملعقة سمن و يوضع فوقها كوب عصير طماطم و ملح و فلفل و تترك تغلى حتى تتسبك و ترفع من فوق النار وتقدم مع الكشك وممكن مع الأرز الأبيض و الملوخية الخضراء أو أى شىء حسب الرغبة

و بالهنا و الشفا

يا رب تعجبكم اولى مشاركاتى المتواضعه

هلا حبيبتي منورة المنتدى

اول مرة اسمع بهالاكلة ان شاء الله اجربها شكلها لذيذة

جزاكي الله خيرا

يا سلام على الاكلات المصريه .. مممممم أن شاء الله بنجربها أحس انها لذيذه ...

لا تلومين البنات اغلب العضوات مسوين رجيم في قسم الازياء :d

كثريلنا من هالاكلات .. أختي ام من شبرا

اتمنى تحطين لنا أذا كنتي مصريه طريقة الكشري الاصلي المصري .. الي يقولون كشري بالشطه ..

بسم الله الرحمن الرحيم


تسلم الايادي الجميلة ... من اجمل و اسهل الوصفات الكشك انا بضيف علية قطع صغيرة من الفراخ المسلوقة


وصفة رائعة .. باين عليكي مصرية

نورتي المنتدي و في انتظار وصفاتك الجديدة

تحياتي

مشكورة على الوصفة الحلوة و الجديدة


الله يسلم دياتك

و

إلى الأمام

أكلة جديدة علي

و انا احب كل ما هو جديد

شكرا اختي العزيزة

ايوه كده هو ده التشجيع و الا بلاش
فتحتوا نفسى و شكرا لمرورك حبيباتى
ريمه و ربنا يشفيلك ابنك و يبارك لك فيه و يقر عينك به اللهم امين
و لى لى و مستكه و عشق عبادى و موون لايت
اعذرونى على عدم ردى امس و لكن كان فى مشكلة عندى فى النت و ما أشتغلش الا النهارده الظهر
لكن ما ان دخلت على الموضوع و لاقيت ردودكم ما تتصوروش فرحتى اد ايه ........

اما وصفة الكشرى المصرى بالنسبه لطلب الحبيبه لى لى فطريقتى هى كالتالى

المقادير :

3 كوب ارز ( و يفضل الارز المصرى ) مغسول و منقوع لمدة نصف ساعه ثم يصفى من الماء
2 كوب عدس اسود مسلوق نصف سليق و مصفى جيدا ( نسميه عندنا عدس بجبه) و يفضل البلدى لا المستورد و لاكن ان كان و لابد فلا بأس
حوالى ثلث كوب شعريه مكسرة صغير
نصف كوب حمص شام مسلوق
2 بصله متوسطة الحجم مقطعه دوائر رفيعه
نوعين من المكرونه المسلوقه فى ماء مملح : اسباجتى و مرمريه ( اصغر حجم فى المكرونه ) بمقدار كوب و نصف لهما معا

مقادير الصلصه المشطشطه هى :
نصف كيلو عصير طماطم - بصله صغيرة - 5 فصوص ثوم صغيرة - ملح - كمون - شطه - 2 ملعقة طعام خل ابيض

يلا بينا نبدأ الطبخ :

اولا : نحمر البصل فى مقدار مناسب من الزيت

ثانيا : بعد انت يذبل البصل و قبل ان يتغير لونه ( يعنى بعد حوالى دقيقه و نصف ) نضيف الشعريه الى البصل لتتحمر معه فيصلان فى نفس الوقت معا الى اللون المطلوب ( و لاكن احرصى الا يحترقا فى الزيت )

ثالثا : نضيف العدس و الارز المصفيان و الملح و نقلب باستمرار لمدة دقيقه حتى يتشوح الجميع معا فى الزيت ثم نضيف مقدار مناسب من الماء بحيث لا يزيد ارتفاعه عن سطح الخليط عن مقدرا 2 سم و نغطى الحله و نتركه حتى يغلى و قبل ان يتشرب الماء تماما نهدىء النار عليه تماما و نتركه لمدة ثلث ساعه
تقريبا ثم نختبر سواه بعد هذه المده ( انا عن نفسى بقلب الكشرى فى منتصف هذه مده التسويه حتى اضمن سواه من الداخل كما الوجه و اتركه لباقى المدة ليكتمل سواه على النار .

نيجى بقى للصلصه : نبدا فيها اثناء سوا الكشرى
نحمر البصل فى كميه مناسبه من الزيت
و قبل ان يحمر لونه نضيف الثوم المدقوق لمدة ثوانى قليله مع التقليب بأستمرار حتى لا يحترقوا و بعدما يصير لونهم وردى نضيف الخل و نغطى لمدة 3 ثوانى ثم نضيف عصير الطماطم و الملح و الكمون و الشطه بالمقدار الذى يناسبك منها ( و لكن اتنصحكى الا تكثر ى منها خصوصا لو كانت شطة سودانى ) علشان ما تدعيش عليا و نتركهم حت يتسبكوا جميعا و يصلوا للقوام المضبوط ثم نطفى عليه

بعد تمام سوا الجميع نغرف الكشرى فى اطباق ثم نزين الوجه بالحمص و المكرونه المسلوقين و رش ملاعق مناسبة من الصلصه فوق الوجه

كما يمكنك عمل بعض الاضافات المشهيه لاضافتها فوق وش وجه الطبق بعد الغرف

1- 3 فصوص ثوم مدقوقه جيدا يضاف لها رشة كمون + ثلث كوب خل ابيض ( دقة ثوم )
2- شرئح بصل محمرة فى الزيت و مصفاه جيدا .

تصدقى كتبت الوصفه فى وقت كان ممكن اعمل فيه الكشرى و اوصله لك جاهز ... اصل النت تقيل اوى ماشى زى السلحفاه ... مش عارفه فيه ايه

ارجو الا اكون قد طولت عليكى و لكن هدفى ان تصل كل التفاصيل بالضبط ، و اتمنى ان ينال اعجابك و تدعيلى و بالف هنا و صحه على قلبك ...

و اى طلب لوصفه مصراوى احنا فى الخدمه يا جميل ..

بارك الله فيكن جميعا