بسم الله

اول شي انا اتكلم عن اهلي اللي هم اهل زوجي

الله يهديهم يحبون الحكي الكثير والكلام الفاضي ويخلون من الحبة قبة ودايم كلامهم صراخ ومافيه احترام بينهم وألفاظهم ما احبها والله احيانا اصحى من النوم مفزوعه من اصواتهم
وانا انسانه احب الهدوء وجاية من بيت هادئ
وما اتدخل في احد وما ابي احد يتدخل فيني
المهم كل ما تكلموا في احد اقول لهم ياناس خلوا الخلق للخالق كل واحد حر في حياتة يقولون لي:يوه جتنا المطوعه بس انا ابي لهم الخير في النهاية صرت اسكت واخليها يتكلمون براحتهم تعبت معهم

بعد كم يوم وصلني حكي من وحدة من جماعتهم انهم يتكلمون علي وحلفت لي بالله ان اخته قالت هذا الحكي فيني وانا ما استغربت لانهم دايما ما يعجبهم شي انا قلت لزوجي وقال لهم ليش تقولون كذا وصارت مشكلة
المهم هم ما همهم ان الكلام وصلني بقد ماهمهم يعرفون من اللي وصل لي الكلام وانا ما قلت لهم وزعلوا لاني ما قلت لهم وانا في لحظة غضب وقهر قلت لهم انتوا دايم تتكلمون في الناس يمكن تتكلمون فيني بس ياليت إذا حسيتوا اني مقصرة في شيء او غلطانه تقولونها لي في وجهي مو من وراي
وحطوا السالفه فيني وصرت انا الي غلطت عليهم الحين
وانا والله ماعمري غلطت عليهم واستحمل منهم اشياء كثيرة لاني احبهم وعلشان زوجي ما ابي اضايقه واخليه يشيل هم او يصير بين نارين
بس هم الله يهديهم رضاهم صعب ما ادري كيف اتعامل معاهم
وانا معهم في نفس البيت والله اني اسوي اشياء ماكنت اسويها في بيت اهلي وعلى كذا موب عاجبهم
وانا عارفه ان رضا الناس غاية لاتدرك بس هذولي اهلي ما ابي بيننا حزازيات وقلق انا احب اللي اعيش معهم قلبي على قلبهم والله اني احبهم علشان كذا ابي شي يرضيني ويرضيهم
لاني بديت اتعب وما ارتاح في البيت ما اصدق اطلع اي مشوار او اروح عند اهلي او يكونون خارج البيت احس بهدوء وراحه
والمشكله الثانية ان ظروف زوجي ما تسمح اننا نطلع في بيت ونرتاح يعني كل واحد بغلاه بعيد بس الله يفرجها

والله انا حبيت افضفض لكم وابي مشورتكم لا تبخلو ا علي فيها
ومشكورين اللي استحملتوا قرقتي الكثيرة بس وش اسوي من اللي فيني