|
ادخلو بسرعه راح الراتب
[السلام عليكم اموت في هالمنتدى المهم مشكلتي زوجي يموت في اهله وانا بصراحه موزعلانه من هذا الشي لكن اي يشتريه للشقه يشتري لهم حتى لو مو محتاجينه واذا شرى غدا منبره يشتري لهم حتى لومتغدين واذا شريت لعيالي حلويات وشيبس يشتري لهم اذا اخذت كرتون كاكاو ياخذ مثله لخواته كل شي النص بالنص وتزيد الفلوس كل شي دبل طبعا هو المسؤول عنهم والولد الوحيد واربع بنات مع امهم وابوهم متوفي وانا ساكنه معاهم ونفس المدخل في شقه ايش رايكم في اللي يسويه زوجي احس انه يبالغ اااااااااااااااااااااااااااااااااااارجكم ردوا علي لان مايبقى شي من راتبه:( :29:
|
دام أبوهم متوفي و ماهم متزوجات ، فليه تحرميهم ..؟؟؟؟؟
و دام إنه بيصرف من راتبه ، مو من راتبك فليييييييه تزعلي ..؟؟؟؟؟ أختي .. أبعدي الشيطان من راسك و حطي نفسك مكان أمه و أخواته و الله ثم و الله إنه ربي راح يبارك لكم بفلوسكم و عيالكم بإذن الله بسبب حنانه عليهم فمالهم غير الله ثم أخوهم هذا و المفروض تحمدي ربك إنه رزقك زوج مثله |
يا أختي عين العقل
حطي نفسك مكان إخواته هذا أخوهم الله يخليه لهم ولك والله يا أختي ما ضاع شئ فيه خير المفروض تفرحي زوج بار بأمه فيه خير كمان لك |
إذا أخوهم ماعمل كذة ، فهل ترضي إنك تكوني السبب في إنحراف البنات لاسمح الله ؟؟؟
لازم يحن عليهم و يحسسهم إنه قلبه عليهم و بعدين الفلوس تروح و تجي |
في مشكله ثانيه زوجي مايحب يسافر الا مع اهله وانا بصراحه ابي ارتاح واستانس السفر مايصلح الا الواحد مع زوجته وعياله بس المشكله ابوهم متوفي وانا حابه نسافر ونغير جو براحتنا وبصراحه جربت السفر معاهم وما ارتحت ومشكلته الثانيه يتضايق اذاقفلت الشقه عادي المفروض شقتي وحره فيها بس هو يتحسس يحسب اني اقفلها عن خواته ابي اخذ راحتي البس بكيفي بذمتكم ردو بببببببببببببببببببببببببسسسسسسسسسسسسسسرعه على جميع الجوانب جزاكم الله الف خير
|
زوجكِ رجلٌ ( ميّارٌ ونبيل ) ووالله لن يضيع شيء ممّا أنفقه .. بل تحلّ البركة على ماله ونفسه وأولاده .. أسأل الكريم جلّ في علاه أن يوفّقه لكلّ خير وأن يجزيه خيراً .. لكن إياكِ أن تقفي في طريق الخير .. ربما لأنني في مثل وضع أخواته .. لكن إخوتي ليسوا كزوجك وإن كانوا ليسوا بالسيئين _ ولله الحمد _ لكن كم كنتُ سأكونُ ممتنّة .. وكم كنتُ سأدعو لو أنني في وضع أخواته ! الله يسعده ياااارب ،، |
ونعم الرجل زوجك حبيبتي فكري لبعيد بكره عيالك بيتزوجون وبسوون لكم نفس الشي الدنيا سلف ودين وبعدين البنات بتزوجون بكره فلا تتحسسين من أهله وتسوين مشاكل أنت بغنى عنها والمرأه الذكية تعرف من أي طريق تكسب زوجها وزوجك أكيد إذا بتكسبينه فعن طريق أهله وبعدين أكيد كنت عارفة وضع اهله قبل الزواج وأنه مسؤول عنهم وبعدين نصيحة أخت لاتتكلمين عن تعامل زوجك مع أهله أمام بعض النساء ولو من باب الفضفضه لان بعض الحريم للأسف تحسب نفسها توجه وتنصح وهي تقوم حروب!!! وبالنسبه لشقتك وترك الباب مفتوح إذا الموضوع من تزوجتي أظن صعب تجين هالحين وتقولين بسكر الباب صدقيني بتصير حساسيه بس إذا كنت عندهم مثلا لاتدخلين غرفهم الا لما تطقين الباب يمكن ينتبهون لهذه النقطة ويسوون مثلك لما يدخلون شقتك وبنسبة للسفر برضوا عادي بالله فيه أحلى من الجمعه حبيبتي وسعي صدرك والله بيسخر زوجك ويسهل أمورك
|
ماشاء الله زوجك له اجرين عظيمين ان شاء الله صله الرحم وكفاله يتامى
احمدي ربك على مثل هدا الزوج الله وفقك |
^
و بره بوالدته إن شاء الله |
عليكم السلام ورحمة الله وبركاته
والله ياأختي إنك في نعمة وماأنت حاسه فيها تدرين إنه أخواته يعتبرون أيتــــــــام ؟ وتدرين إنه اللي يعطي ويعطف على الأيتام وش فضله عند رب العالمين ؟ هذا والله لو كان زوجي لاأحطه فوق راســــــــي ( الله يخليه لك ) إنسان مؤمن مراعي الله في أخواته وأمه ومانساهم كوني عــــــــون لزوجك أكثر وأكثر ولا تكونين سبب في مضايقته والزعل منه لهذا العمل الخيّر وخلي عنك سالفة يروح راتبــــــــه بالعكس هذا بيزيد بركة في أموال زوجك وفي حياتكم بعد نصيحتــــــــي ياأختي لاتحرمين نفسك من الخير وتأكدي بأن الله هو اللي راح يتفضل عليكم بكل خير . وفقك الله ويسر أمرك |
| الساعة الآن 09:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©