معاملة اهل الزوجه فترة الملكه
 

السلام عليكم ورحمة من الله وبركاته
أخواني في الله الشباب المقبلين على الزواج يعني اللي عقدو,,
أسأل الله تعالى لي ولكم الثبات على الحق...
موضوع بخاطري ودي أقوله لكم وضروري تنتبهون والله مو أسوي نفسي أفهم أكثر منكم
لا أبدا لكن الاحظ أغلب الشباب ومنهم زوجي {حفظه الله} لاينتبه له نسيان فقط مافيه غير كذا
الموضوع هو ((معاملة أهل الزوجه وقت الملكه))
ممكن بعضكم ماينتبه او يحس مالها داعي ويقول يكفي أواصل زوجتي!!!
بالعكس والله لو أعتبرتهم كأهلك وعاملتهم بتقدير وإحترام لكبرت في نظر
زوجتك أولا وأهلها ثانيا..ولكتب لك أجر بأذن الله مو الإبتسامه في وجه
المسلم صدقه مابالك بأهل الزوجه الله يكتب الأجر
بعدين وش رح تخسر لو زرتهم أو أتصلت فيهم للسؤال عن الحال
بالعكس ياحليلهم مساكين والله يحبونك..ويعزونك أمدحهم مع زوجتك وتواصل مع أخوانها
ولو بمسجات مو أقول سويها عشان يمدحونك لا أبدا بس تأكد انهم بيحسبونك مثل ولدهم وبيوصون
بنتهم عليك أعتبرها صلة رحم..وربي بيدعون لك حتى لو مثلا كانت ظروفك الماديه صعبه بيوقفون معك ويساعدونك ولايكلفون عليك وتأكد كل اللي بتسويه ينفعك دنيا وآخره
في الدنيا محبتهم ولايذكرونك إلا بالخير وفي الأخره ربكم مايضيع شي
وترى حتى زوجتك تحبك أكثر وتدري من غلاتها أغليت اهلها
’’’’’أهلي والله يحبون زوج وحده من أخواتي حيل’’’’’’بالعكس يفقدونه لوماأتصل ويكلمون عليه
تدرون ليه داايم يواصلهم وإذا جا يسولف مع الوالد الله يطول لي بعمره ومع أمي الله لايخليني منها
وينكت يتمنون لو مشى أنه ماراح....
بس المهههههههم ماتنسى أهلك ورضاهم قبل كللل شي فرضى الله من رضى الوالدين
ومن أسباب التوفيق أيضابالحياه ..يعني انتبه تكحلها من جهه وتعميها من جهه
أخيرا الله يوفقكم واعذروني لو قصرت ولا أحد يفهمني غلط حبيت وربي الشاهد بس أذكركم
ويمكن لأني مقهوره من خطيبي انه أغلب الأحيان ينسى وتجي بخاطر أهلي عليه.....
ادعوا لي بالتوفيق مع خطيبي وأن الله يجمعنا قريب ويبعد عنا المشاكل
.................................................. .................................................. .........................

الإشراف:
تم تعديل العنوان لمناسبة للموضوع

روح الغالي
عااجزه عن شكرك على مرورك والدعوات الرائعه

كلامك والله صحيح

وتعتمد على الازواج بعضهم ذربين ومقبولين عند الناس كلهم وبعضهم في حاله [لالي ولا ليه]

مشكور على موضوعك وياليت الخليقه تفهم

تهانينا

ألف شكر ايتها الغالية


نصيحة من ذهب

تحيتي

انا بالنسبة لزوجي

ها نحن لنا عشر سنوات معا

احمد الله على حب زوجي واحترامه لاهلي لدرجة انني اعجز عن شكره

لدرجة انه يستشير اهلي في امور عمله وياخذ بنصيحة والدي

واهلي لا يعتبروه زوج ابنتهم بل ابنهم واكثر

اما اهله والحمد لله لا يقصر معهم نهائيا من جميع النواحي

واللي مافيه خير لاهله ما فيه خير لاحد حتى لزوجته

بارك الله فيك على الموضوع ..صحيح التواصل مع اهل الزوجة مهم جدا ..لانه يكبر بنظرهم زيعزونه اكثر ..شكرا على الفائدة.

صح لسانك اختي الكريمة ولكي مني كل الاحتارم والتقدير وتمنياتي لك بالتوفيق والسعادة

مشكورين اله يحفظكم على مروركم وتعليقكم