|
الهجر او الطلاق او الصبر؟؟
بصراحه مدري من وين ابتدي كتبت ومسحت كم مرة نفسيا متحطمه لاقصى درجة تتخيلونها
انامتزوجه من ثلاث سنوات عندي كتكوته وحامل زوجي مطلق زوجته الاولى وكان بمشاكل مع زوجته بس الكل كان يعتقد ان زوجته عصبيه ومجنونه وهو حبوب وطيب المهم تزوجته واكتشفت ان زوجته كانت على حق بس الفرق ان زوجته كانت تفضحه عنداهله وعندالناس وانا سكتت وسترت طبعا اول المشاكل كانت انه عيونه طويله بصباص لدرجه فظيعه مع اي وحده حتى لو حريم اخوانه حتى لو خواتي حتى لو كانوا عندي بالبيت يعني عيني عينك ولايهمه اي جرح لي عااااااااادي وكنه حق من حقوقه المهم صفاته الثانيه قااااااااااااااااااااااااسي علي وعلى بنتي يعني حتى لو كنا في اوقات الرضا مايسال حتى لوتعبت انا او بنتي عادي يسافرويتركنا واحيانا ولاحتى يتصل جبت خادمه اندونوسيه وشوفوا الضحك والمسخرةوقلةالحيا وياويلي لوشكيت اذا شفتها رافعه ملابسها الى فوق الركبه لوجيت اشتكيت له يهاوشني يقول مالك دخل فيها بس هو له دخل يدخل ويطلع بغرفتها ويتفرج المهم مشاكل طويله وسفرتها بعد فترة التزم وصار مايسمع اغاني ويحافظ على الصلاة وماشاء الله لحيه ارتحت وانبسطت الى قبل يومين عزم واحد من ربعه بالمجلس وكان يدخل ويطلع يتاكد انا نايمه والا لا المهم سويت نفسي نايمه طبعا اخذ اللاب توب وراح للمجلس وكان مصر انه يسافر للمدينه اللي صديقه جا منها قبل يوم ومصر ان صديقه يروح معاه استغربت وقلت في شي بصراحه رحت عند النافذة وفتحتها وصرت اتسمع وطبعاالصوت واضح لانه شتا وبدون مكيفات المهم اسمعوا المحاورة زوجي: انا بسافر بسافر صديقه: والله يابن الحلال برد موت حتى التصوير ماامداني اصورها ما صورت الا ............... طبعا من العورة المهم وطبعا اسمع صوت موسيقى بدا يشوفون المقطع بالجوال زوجي : من بنته صديقه: بنت فلان زوجي : انا رايح رايح المهم رجعوا يدخلون مواقع قذرة واغاني وبلاوي ومسخره انا انصدمت دخل للبيت تقريبا 4الفجر وعلى طولت انفجرت بوجهه وعادي ما حاول يبرر قالت انتي تفهمين خطا وناااااااااااااام المهم من بكره تكلمت عليه وقلت حرام اللحيه والنفاق وانت تزني وتسمع اغاني قال خلاص ماني مسافر قلت لا رووووووووووووووووووح سافر ولاعلي منك وسافر المهم اذا جا مدري كيف اعاقبه مدري اكلم اخوه الكبير عشان يضع حد للمهزلة او اطلب الطلاق وارتاااااااااااااح لان احس مافي فايده او اهجره وازعل مااكلمه لاني ماجربت الزعل بس اتكلم وارضى بسرعه وبدون مايراضيني بس الحين ودي ازعل وازيدكم من الشعر بيت دخل على الماسنجر حقي وصار يكتب لوحده من صديقاتي وعرفت الاختلاف بالاسلوب وقالت انت منت فلانه قال اوكي خذي الايميل حقي وخلينا نتعارف تخيلوا حتى صديقاتي ماسلموا منه وش اقول وش اخلي الحيا معدوم ودايما يحب يستعرض قدام الشغالات اما يطلع وهو بوضع؟؟ او يطلع يتمشى بالصاله وماعليه الا الفنيله بس بس وتحت ولااااااااااااااااااشي الحيا معدوم والحل اظن معدوم اعذروني بس منبطه كبدي |
خييتي الغاليه
ريمية نجد هل جربت الدعاء الصادق في جوف الليل اصبري وادعي ولن يخيب المولى رجائك ومن ناحيته الزمي الصمت ولا تواجههيه باي من افعاله لانه مع مرور الوقت سيرتكب المنكرات امامك دون حياء الله ييسر امرك |
أستغفر الله العظيم
يالطيف الطف أنا اسفة اذا كان كلامي غلط لكن كلامك نرفزني واستفزني وخلى عقلي يطير نصيحتي لك بالطلاق اللي ما يخاف من الله ينخاف منه واذا منت خايفه على نفسك خافي على بناتك الله يستر عليك وعليهم أيش تتوقعي اخلاقهم وتربيتهم اذا عاشو في بيئة مثل هذه ؟ وهل حيسلمو من شر ابوهم اذا كبرو ؟ لانه يالطيف باين عليه ما يعرف حلال ولا حرام ولا يحشمك ولا يحشم اهله واخوانه ومحارمه الله يعينك يا رب ويخترلك الخير انت وبنتك اسفة مرة ثانية اذا غلطت عليك او كلامي يكون خطأ |
اقتباس:
الله المستعان |
اقتباس:
كلامك على الجرح والله ماغلطتي واشكر لك صراحتك انا كنت اشك انها مكالمات بس لكن بعداللي سمعت وتاكدت انه زنا ماظن بخليه يقربني وقرار الطلاق هو اقرب الحلول واااااااااااااااااااه اللي قلت لكم غيض من فيض وماخفي اعلم حسبي الله ونعم الوكيل |
بجد الله يصبرك ويعينك على ما ابتلاك ... صراحه طليقته كانت على حق لما تركته .. الله الستعان
زوجك يحتاج واحده شخصيها قوية عشان يصحى من الغفله والغيبوية اللي هو عايش فيها .. الله يحي قلبه على الإيمان كل المصايب سببها اصدقاء السوء أختي طالما عندك طفلين ما شاء الله ( الله يحميهم ) فاجعلي الطلاق آخر حل .. طيب إنت ليه سكتي على أفعاله من البدايه !!! انصحيه .. ذكريه بالله .. وعقابه .. خوفيه بالموت .. القبر .. الحساب .. قولي له تخيل لو نزل ملك الموت وإنت بحاله مزرية بأي حال تقابل ربك ! ذكريه بأن الدنيا سلف ودين .. احكي له قصص .. ربما يتأثر فيها .. إذا كنت مضطره جدا للشغالات فالأفضل تأخذي من الموجودات في نفس البلد تشتغل 3 أو 4 ساعات وتمشي زوجك ما اتجرأ في أفعاله إلا لانه يعرف إنك من النوع اللي يزعل ويرضى بسرعه .. لازم تأخذين موقف من افعاله .. عشان يعمل لك حساب .. لو زاد حاله لازم تدخلين اهله ( إمساك بمعروف أو تسريح بإحسان ) ادعي له بالهداية .. كثير كانوا مثل حال زوجك وبكثرة الدعاء لهم رجعوا لصوابهم والله هداهم سبحان اللهم وبحمدك أشهد أن لا إله إلا أنت استغفرك وأتوب إليك |
اقتباس:
بالنسبه للشغالات مااقدر استغني لاني معلمه احتاج شغاله دائمه وبالنسبه للنصح والتذكير تعبت وصديت عنه لانه يسمع اشرطه ويدخل مواقع اسلاميه بس اعرف زوجي الدين شي والحريم شي وبالنسبه لعدم زعلي فعلا مالي موقف مه نهائيا اعصب وثاني يوم ولا كن شي حصل لكن المشكله هذي احس انها مختلفه ويبي لها موقف وبالنسبه للدعاء الله يغفر لي بصراحه ماعاد اقدر ادعي له من كثر مابقلبي عليه بصراحه طاااااااااااااب خاطري وفعلا انا كلمت المديرةوطلبت نقل وبكره بكمل اوراقي وانقل للمنطقه اللي فيها اهلي والنقل طبعا يجي مع السنه الجايه على خير وطبعا نقلي بيكون اخر شي بيني وبينه |
اقتباس:
قولي له .. صراحه أنا أخاف على نفسي .. حراااام عندي أطفال ابغى اربيهم على الصح .. روووح لأقرب مختبر وأعمل تحليل .. وبعد ما اشوفه اقرر .. نكمل حياتنا مع بعض او لا .. اختي اتجنبي هذا الكلام لو إنه ممكن يسبب لك مشاكل لكن بجد لازم تخافين على نفسك .. في ناس الله المستعان ينسون انفسهم وقت المعصية ........... اعوذ بالله من الخذلان ... الله يهديه وينور قلبه |
و الله يا اختي لا ادري ما اقول لك لقد استصعبت ان امر مرور الكرام على موضوعك دون تعليق و لو بالدعاء لك باصلاح الحال و ايضا استصعبت ان ادلك على حل من وجهه نظري لأني حلولي على اختلافها و تنوعها بها من المعاناه و تجرع المراره ما يجعلني غير قادره على الكلام و لكني لا استطيع ان اقول لك سوى اما الصبر و تحمل كل ما يرافق ذلك من آلام نفسيه و جسديه عليك و على اطفالك و اما ابغض الحلال مع ما فيه من آلام نفسيه و جسديه عليك و على اطفالك و لكنك وحدك من تستطيعين اتخاذ القرار في اخف الأمرين و اقلهما مراره اعانك الله على ما انت فيه و يسر لك امورك و وفقك لما يحبه و يرضاه |
اقتباس:
الله يجزاك الف خير ومشكورة على الدعاء والله المستعان الله يكتب الخيره لفظ الجلالة ( الله ) تكتب هكذا دون النقطتين على حرف الهاء كي لا تصبح تاء |
| الساعة الآن 10:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©