|
قد ترى زوجتي الموضوع .. لكن احتاج الى مشورتكم في الزواج من اخرى
بسم الله الرحمن الرحيم
اخوتي لاتخفى عليكم المشاكل اللتي مررت بها وذكرتها لكم قبل شهرين تقريبا وموضعي عن طردي لزوجتي من المنزل والموجود في قسم المواضيع المحلوله ... وزبدة الكلام انا ابلغ 24 عاما ... ومتزوج من زوجه ذات مايعيبها شي ماشاء الله .. ومحافظه على دينها ... لكن تكمن المشكله في انها لاتراعيني ابدا ولم يحصل بيننا توافق فكري لكن مشكلتنا ان عندنا طفله ولهذا لم نفكر بلانفصال المهم كلنا عيوب ولانخلى من العيوب وماافكر فيه حاليا زواجي بمسيار او بأخرى ... وحتى لو كانت مطلقه لكن يكون زوجها السابق هو المتسبب يعني مظلومه ... ومنها اكسب امرين .. 1. كسب الاجر في المطلقه 2. حصولي على زوجه اخرى فهل تنصحوني يااخوتي ... وبلنسبه للمسيار فأفكر حاليا به لكن بشرط اشهار العقد واذا حصل بيننا توافق اكملنا الزواج وان لم يحدث انفصلنا هل تؤيدوني ..؟؟؟؟؟ |
لا ما أيدك ...
تبغى تتزوج زواج ثاني خلك قده والا لا تورط بنات الناس معك يعني المطلقه هاذي الي تبغى تتزوجها حقل تجارب لك .. اذا نفعت والا مشيتها ؟؟؟؟؟؟؟؟؟؟ اذا تبغى تكسب الاجر على كلامك ... تقدم لبنات الناس وانت قد المسؤليه وقد الزواج الثاني والا رتباط الابدي .. مو تحط في بالك قبل الزواج فكرة ( تعجبني اكمل معها ما تعجبني لحقتها بيت اهلها ) خافووو الله .. هاذا وانت مسأله بسيطه وبتتزوج على زوجتك اجل مسكينه بنت الناس الجديده الي من قبل ما تخطبها وانت حاط في بالك فكرة انك بتسرحهااا ترى المطلقه انسانه باحساس ومشاعر مو حقل تجارب:29: |
اقتباس:
لا تعليق بعد كلام : يا ربي لا تحرمني إلا إني انصحك بشيء واحد دام الأمور بسيطة وزوجتك زيما قلت ما يعيبها شي فحل الأمور البسيطة أسهل من تجربة الزواج الثانية وانصحك بالصبر اخوي وما راح تلاقي زوجة تتطابق معك 100% مهما بحثت وربنا يوفقك |
|
اقتباس:
يا اختي انا ماقلت انها حقل تجارب ... الزواج قسمه ونصيب لكن برضه اختلاف مستويات التفكير له دور كبير جدا .... طيب لو تزوجت وحده ثانيه وطلعت فيها عيوب اكبر او انها برضه ماناسبتني وش اسوي .. اتزوج الثالثه :11: بصراحه ماهو منطق ابدا ... وصدقيني اختي نحنا نعرف ان المطلقه انسانه لها مشاعر والمقصد الاجر والله يشهد على مااقوله ... اختي صدقيني تفكيري ولله الحمد اكبر من الطريقه اللي فهمتيني فيها ... |
اخي فاغر ...
لنا الان 3 سنوات من زواجنا ووالله يااخي اني اشحت زوجتي انها تتزين لي الى يومك هذا .. وتستجيب يومين ثلاثه وبعدين كانك يازيد ماغزيت .. يا اخي الدين ماهو كل شي في المرأه ... وش فايدة المرأه اذا تصلي وتصوم وتخاف الله وهي ماتتزين لزوجها وريحة فمها كريهه كرمكم الله .. هدفي من الموضوع الاستشاره يااخوتي .. واجو اننا مانتطرق لأمور نحن في غنى عنها .. |
عزيزي واحد متفائل ..
اشكر لك نصائحك الجميله عزيزي ... وصدقني كلمتها الف مره لكن لاحياة لمن تنادي ... |
اخي العزيز ان الامور ما تنحل بهذا الشكل والكمال لله وحده خليك مع اسرتك وشيل الافكار هذه من بالك وبعدين انت وزوجتك لسه في اول حياتكم فانصحك اقترب من زوجتك اكثر ويا كثر اللي تندموا عندما تزوجوا الثانيه والله يهدي بالكم
|
سؤال مابال رجال المنتدى كل مادخلت المنتدى أرى فلان سيتزوج بأخرى وفلانه سيتزوج عليها زوجها والجميع
يطلب المشوره ... هداكم الله لأنفسكم وأصلح شأنكم أيها المتزوجون.... المشكله ان المشاكل تكون بسيطه بل في قمه التفاهه لكن ماعساي أن أقول غير انها موضه سادت على الناس أو الصبر نفذ من البشر لاحول ولاقوه الا بالله العلي العظيم... نصيحتي لك حل مشاكلك أنت وزوجك قدر ماتسطيع وليحاول كل منكما فهم الآخر وتذكر هناك من مر بمشاكل أكبر بكثير مما تمرون به وبمحن أصعب مما تتخيل ومع ذلك تجاوزوا كل الخلافات بحلها بالعقل والمنطق والحكمه والصبر وعاشوا سعداء بعدها مازلت صغيرا أنت وزوجتك وبينكم ابنه حفظها الله لكم بحاجتكم انتما الأثنين معا دوما وليس يوما هنا ويوما هناك القناعه كنز لايفنى ولاتوجد مشكله من دون حل واختصر على نفسك وجع الرأس لأنك بالزواج بأخرى ستفتح على نفسك الحرب من جبهتين وستزيد أمورك سوءا وتصبح أكثر تعقيدا واعتقد أ،ت في غنى عن هذا كله واحده تكفي بكل مافيها من محاسن ومساوئ .... كان الله معك انت وزوجتك ودمتما بخير وبسعاده مطلقه دائما وأبدا... |
اقتباس:
بارك الله فيك عزيزي على الكلمات الجميله لكن تذكر ان الشرع لم يحلل 4 الا لأمر فطري ... وبصراحه اعرف الكثير ممن تزوجوا اثنتين قد تحسنت حياتهم واصبحت كل واحده تسعى لأن تنال رضى زوجها .. |
| الساعة الآن 12:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©