|
الزوجات: ومشية الحمامه
:d ،سلام الله عليكم جميعاً:d كان فيه غراب :25: شاف حمامه :d طبعاً تعرفون ان الغراب ما يعرف يمشي عدل وعشان كذا تلقونه ينط نط برجيلاته الثنتين :d بعكس الحمامة اللي تمشي مشية جمييييلة جداً حتى لدرجة أنه يتهيأ للواحد انها عارضة ازياء:d المهم الغراب هذا حقد على الحمامه وصمم يتعلم يمشي مشية حلوه زي الحمامه وأخذ يتدرب يوم ورى يوم وشرى كتب لتعليم المشي الحمامي :25: وأخذ كورس في مركز متخصص بعنوان (خلاصة الكلام لتعليم الغربان المشي كالحمام):d وبعد ضيع فلوسه وتعب من الكورسات اكتشف انه ما راح يقدر يمشي زي الحمامه لسبب بسيط والسبب هوه: إن الغراب غراب والحمامه حمامه فقال يا ولد بلاها الخساير وخليني امشي زيما كنت امشي (قصده ينط):d ولما حاول يمشي مشيته اكتشف انه من كثر التدريب نسي كيف كان ينط:23: هنا تورط اخونا الغراب لاهو قادر يمشي زي الحمامه ولا قادر ينط زي ما كان ينطنط وهذي قصة المثل المشهور: (ضيع مشيته ومشية الحمامة) مشكلة بعض الزوجات هي تحوير حياتها حول زوجها ومحاولة ارضاءه بكل السبل:25: فالزوج يريد منها أن تكون بهذه الصفة فتحاول قدر المستطاع أن تكون كما يريد حتى لو بدى شكلها ::::::: > :23: :d مشكلة هاؤلاء الزوجات أنها تتلون كل يوم بلون عشان ترضي زوجها وفي الأخير تلقى نفسها فاقده للشخصية من كثر ما تلونت طبعاً لا اقصد التجمل للزوج فهذا واجب كل زوجه ولكن اقصد تغيير الاهتمامات والسلوكيات (الغير خاطئة) لمجرد ان الزوج لا يريدها :18: الزوج والزوجة لكل منهما اهتمامات وهوايات لا يجب عليهما ان تتوحد اهتماماتهما وهواياتهما بل يجب ان يقدر كل واحد منهما اهتمامات وهوايات الآخر ويحترمها ليشعرا بالسعادة دون ملل:rolleyes: والله من وراء القصد ودمتم بخير ، ، ، |
اهنئك يافاغر على الأسلوب الجميل .. وحبيت اسألك بما أنك طرحت هذا الموضوع عن الحل مع الزوج الذي يجبر زوجته على هذا التغير الذي قصدته وإن وضحت له وجهت نظرها لم يقتنع بحجة أنت
زوجة ولابد أن تتغيري كما اريد فقط لأنك زوجة ... وهو في المقابل قد يتمسك بأراء أوتصرفات فعلا خاطئه لكنه يرفض التغير بحجة أنه هو الزوج ... يعني عنده فكرة التابع والمتبوع .... |
اقتباس:
الله يستر:25: انا لما احد يستشريني اخبص :25: بس بحاول شوفي يا ملاك هذا الزوج إما إنه من النوع اللي يفهم أو إنه من النوع اللي ما يفهم فإذا كان يفهم فالتفاهم معاه يكون بأسلوب هادي وتوضيح وجهة نظرك (بأنك قبل ان تتزوجيه كنتي إنسانه لك عاداتك وهواياتك وسلوكياتك) فمو معقول (يا زوجي العزيز) تبغاني انسى كل شي تعودت عليه وكل الهوايات اللي نميتها وكل الأهتمامات اللي نشأت عليها فقط لأنها لا تروق لك مع إنها ليست محرمه شرعاً ولا معيبة اجتماعياً ثم فرضاً غيرت سلوكياتي وهواياتي وجميع ما تريد ليصبح كما تريد فماذا سأكون سأكون نسخة منك وسينتهي بكل تأكيد الحوار بيننا لأننا بكل بساطه صرنا نسخة واحدة ولا يوجد ما نتحاور بخصوصه أما إذا كان ما يفهم فليس لك إلا الصبر:( |
موضـــووع راااااااااائع واسلوبك اروووووووع اخي الكريم...ما شاء الله عليك..
انا أؤيــد كلامك 1000%...بالنسبة لي مستحييييييييييل اغير اي من اهتماماتي او سلوكياتي ( الغير خاطئة ) طبعا....علشان بس ارضي زوجي مهما كان عمق محبتي له...فمثل ما انا اقدر اهتماماته وهواياته اللي يجد فيها سعادته ومتعته واشجعه عليها...نفس الشي زوجي يقدر اهتماماتي وهواياتي ويشاركني فيها لانه يعرف اني مستحيييييل اتنازل عنها لمجرد ان ارضيه... و برأيي ان هذا الاختلاف بين الزوجين في الاهتمامات والسلوكيات والشخصيات يبعد الملل في الحياة الزوجية ويساعد على التجديد الذي بدوره ينعش العلاقة الجميلة بين الزوجين... اما اذا بتلون وبغير من شكلي فكل هذا في سبيل اسعاد زوجي وقتل الروتين بشرط ان لا اتخلى عن اي من اهتماماتي وشخصيتي........ اشكرك اخوي على الموضوع الجميل....وربي يحفظك ويسعدك.. اختك.........لمني بشوق |
كلامك جميل يافاغر
وقصتك هذه فيها كثير من العظة .. ولكن عذرا.. أنت قلتي ((ولكن اقصد تغيير الاهتمامات والسلوكيات (الغير خاطئة) لمجرد ان الزوج لا يريدها)) صدقتي عزيزتي.. ولكن إذاغيرت بعضا من سلوكياتي عشان زوجي فهذا لاأعتبره تلون .. طبيعي جدا أن تتغير سلوكياتنا وإهتماماتنا.. ولا شعوريا ستشاركين زوجك إهتماماته .. تحياتي وتقديري |
اقتباس:
حياك أختي طبعاً وجهة نظري هذي تطبق في حالة كون الزوج إنسان متفهم أو يمكن أن يتفهم لو حاولت الزوجه افهامه لكن لو كان متربس فلا مانع من تقديم بعض التنازلات حتى لو كانت (صورية) لتسير سفينة الحياة فلو فرضنا مثلا ان الزوج يحب برنامج معين فلا يمنع من الزوجه ان تشاهده معه وتبدي اعجابها بالبرنامج (حتى لو مجاملة) فبالنسبة لي مثلاً احياناً اتابع مسرحيات قدييييييييمة تجي ام العيال الله يحفظها تغير القناة وهي ساكته لأنها شافت هالمسرحية عشرين مره يعني احياناً ودي اسوي مشكلة :d قال ودي :d بس لما افكر فالمسألة مجرد مسرحية وقديمة بعد يعني احسن لي اسكت وابلع العافية بدل ما يتفقع وجهي:d |
اقتباس:
أختي مشاركة الزوج اهتماماته شيء وإلغاء اهتماماتك شيء آخر ما قلنا لا تشاركيه لكن لازم تكون لك اهتمامات مستقلة ولا تلغين شخصيتك مع خالص تحياتي وتقديري |
موضوع رااااااااااائع،،تسلم اخوي
|
كلامك جي على الجرح يا أخ فاغر ،،،
تعبت من كثر ما زوجي عاوزني أتغير و أغير كل شئ جوايه علشان يناسبه و يناسب رغباته و احنا ما بين شد و جذب بسبب إني رافضه أغير كل شئ علشان يناسبه عاوزة يكون لي أرائي الخاصة بيه و هو يقول لأ لازم تكون أرائط موافقه لأرائي ،، ما دام بتثقي فيه و اتجوزتيني يبقى لازم تكوني موافقه على كل آرائي ياريت يعرف الكلام اللي انت كتبته |
الموضوع مرة مهم والاسلوب مرة لزيز
مرة كنت عند الكوافيرة وكانت وحدة من الزبونات بتتخاصم معاها وتبغاها تعيد الصبغة ولما خلصت وخرجت جلست الكرافيرة ( صاحبتي اصلا ) تقوللي ان هذي الزبونة كانت موجودة عندها امس وكانت تبغى تصبغ شعرها زي نوال الزغبي ( لما جات فترة سوت شعرها نصه اللي فوق اشقر مرة والنص التاني بني في اغنية اللي اتمنيتو :) ) لكن الكوافيرة اقنعتها انو مو حلو عليها لأنها سمرا وفي الوان ثانية ممكن تجي حلوة عليها لكن هي اصرت علشان زوجها يبغى زي نوال ورجعت اليوم التاني ومرة مو عاجبها وشكلو ما عجب الزوج وتبغى تغيرو فين راح رأي الزوجة وفين راحت شخصيتها الله اعلم وهذا فيما يخص الشكل فما بالك بالاشياء الاعمق |
| الساعة الآن 03:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©