|
زوجي وعدم الصراحه
السلام عليكم ورحمه الله وبركاته
رجعت لكم بمشكله جديده زوجي من النوع الي مايحب يتكلم كثير حتى معي ممكن يسولف سواليف عاديه يمزح ينكت بس اذا في شي مضايقه مايسولف لي من حوال اسبوع اخته تطلقت بعد عشره كبيره من الزواج ولا سمعنا بينهم اي خلاف بصراحه الطلاق فاجئني فلما سئلته ماجاوبني قال ما ادري هذا شي خاص فيها وما احب اتدخل انا حسيت انه يخبي علي قلت مو مشكله الموضوع مايهمني بس كانت مستغربه الطلاق المهم اليوم بعد اكتشفت انه متسلف من زوج اختي فلوس ولا علمني لما قلت له قالت له ليه متسلف الفلوس وش كنت محتاجها فيها ضحك وسكت قلت له اكيد مستغرب كيف عرفت لانك ماشاء الله ماتعلمني بشي بس زوج اختي مايخبي عن زوجته شي وعلمها وهي علمتني قالي انا كنت محتاجها وخذيت منه قلت له طيب ليه محتاجها في ايش ولا قال لي شي بصراحه انقهرت ليه يخبي عني االاشياء الي تخصه تخصني والا انا غير وهو غير انا ما احب اخبي عنه اي شي بس اهومايحب يقولي طيب وش فيها لما الزوج يفضفض لزوجته ويقول انا احتجتها في شغل او اي شي انا الي قاهرني مو اني ملقوفه مثل مايقول انا الي قاهرني ليه يخبي عني شي تافه مثل هذا؟ قولولي وشلون افهمه انه غلطان ولازم تكون فيه صراحه بينا انا موضوع اخته ماهمني قلت زوجي مايحب يتكلم في احد واحترمت الشيء هذا بس موضوع الفلوس خاص فيه اهو بس وليه مايقولي حتى في اشياء كثيره اسمعها من برا على لسانه وانا اكون اخر من يعلم ولما اواجهه واقوله ليه ماقلت لي الموضوع الفلاني معقوله انا زوجتك اخر من يعلم لا وبعد اعرف من الناس مو منك؟ ساعدوني وانصحوني وشلون اتعامل معاه وافهمه ان الي يسويه غلط تحياتي للجميع |
الله يعينك اختي...........
بترك المجال للمتزوجين لاني ما متزوج للحين |
انا انفصلت عن زوجي لهذا السبب
|
السلام عليكم
أنا فى الحقيقه مش عارف أبدأ منين بس ممكن فى كلمات موجزه نقول برغم خصوصيه العلاقه بين المتزوجين إلا أن هناك نوعا من الناس يفضل الإحتفاظ بجزء من أسراره لنفسه و لا يبشترط أن تكون الأسرار هذه مهمه ام لا ولكنه يفضل ان يشعر بشئ من الإنفراد بجزء من حياته حتى ولو عن زوجته ولا أكتمك سرا هذه ظاهره مرضيه ولكنى أنصحك أنت أن توسعى له المجال ولا تتدخلى فى كل شئ ودعيه وشأنه فما يريده أن يخبرك به فليفعل وإلا فلا ولا تفتشين وراءه أبدا فهذا يفسد أى علاقه وليست الزوجيه فقط إفتحى له قلبك و أعلميه أنت بكل خصوصياتك ومع الوقت سيعتادك ويألفك أكثر وهكذا كما انى احتمل وجود مشكله أسريه فى عائلته لا يريد أن يدخلك فيها فلا تفرضى نفسك عيه من هذا الجانب الله يتمم سعادتك أختنا عروس المنتدى والف الف الف مبروك أخوك حامل النور |
اقولك شئ اختي لاااااااااااا تزعلين ابدآ..................
الرجااااااااال معظمهم كذا وانا مثلك تقريبآ انا الحين متعوده عليه خلااااااااااااااااااااااااص بس هذه نوعيتهم هم كذا والله يعينك ولااااااااااتنقهرين عااااااااااااااااااااااااااااااااااااااااادي بتشوفين كثيييييييييييييييير الله يكون في عونك...........................ز |
أختي يؤسفني أن أقول لك وأنا كذالك واقعه في نفس المشكله والأدهى والأمر أنه يخبي علي حتى سفرنا معاً لقضاء الصيفيه تصوري جو أهله يقولون لي أنتي بكره بتسافرين تمشين صراحه أنصدمت لكن بدأت أتأقلم وبعدين صرت أعطيه خصوصياتي وأبين له قد أيش أنا مهتمه فيه وأصارحه بكل شي إلى أن بدأ يتغير بعض الشي ونصيحتي لك ولكل أخت تعاني من مشكله مع زوجها أن تتجه لله بالدعاء ولا تنسى أن الله لن يضيع عبده أبدا ويهيء له أسباب السعاده في الدنيا والأخرة
|
ظلم الناس
المازون شكرا لمروركم حامل النور انا لا اتدخل في خصوصياته ابدا ولكن هناك امور تجي صدفه مثل سالفه الفلوس عشان كذا اتضايق ليه مايقولي وانا زوجته وهو دايما يقولي اهم شي عندي سعادتك ومالي غيرك في الدنيا واخرتها يخبي على اشياء بسيطه |
اختي يمكن مايبي يحسسك انه محتاج او منحرج يقولك انه تسلف من احد وسالفه اخته طبيعي مايقولك هذي خصوصيات اخته اذا جت منه والا انتي لا تساليه بالتوفيق
|
اختي عطر الليل
بصراحه انا ما اشوف ان كل الرجال كذا بالعكس الرجل الي يحب زوجته ومتفاهم معاها ممكن انه يلاقي راحته لما يتكلم ويسولف معاها انا اشوف اخواتي وصديقاتي ازواجهم يحكون لهم كل شي وما يخبون عنهم اشياء تافهه مثل هذي الحين انا صرت اتردد اذا جيت بستفسر عن اي موضوع اقول يمكن مايجاوبني او يمكن يتضايق اختي سهم الحب فعلا الله يعننا على هذي النوعيه من الرجال بس يمكن زوجك انتي يخبي عليك السفر يبي يسوي لك مفاجئه اختي محرومه انا خلاص عرفت عن سالفه الفلوس المفروض انه يقولي ليه تسلفها هو اكيد ماتسلفها الا لانه محتاج وبعدين هو طبعه كذا في اشياء كثيره يخبيها علي مع انها اشياء بسيطه وتخصنا سوا مو هو لحاله |
|
| الساعة الآن 03:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©