|
آآآآه...وش ذنبي تكفون ساعدوني
ماني عارفه كيف ابدأ ووش اكتب الرعشه جمدت اصابعي و شلت لساني
والله اكتب لكم ودموعي تسيل على وجهي آه ياحسرتي ليتني سمعت وصية اخواتي آه ليه يجرحني وأنا احبه وأعشقه وش ذنبي لماوثقت فيه واستجبت لطلباته ورغباته اليكم ماحصل بيني وبين أمل عمري....... أنامملكه من 3 سنين وكنت اقرأبالمنتدى ويحكون لي صديقاتي عن حدود علاقتهم مع ازواجهم كنت اغبطهم كنت اتمنى لوقبله وحده أوحتى حضنه اريح فيها قلبي من ألم البعد والفراق صحيح أن طبعي إني استحي بس أظل انثى عاطفيه احلم برومنسيات فارس احلامي خاصه وإن عواطفي جياشه آه حدودي معه كانت مصافحه تخيلوا خلال السنين الماضيه يغيب شهور ولما أشوفه يصافحني وأنا بزاويه وهو بزاويه وحتى عيني ما ارفعها بعينه والله إني كنت اجهل ملامحه كنت اتمنى انه يساعدني واتخلص من هالخجل اللي ماله داعي بس اللي يصبرني إن البيئه اللي عاش فيها ناشفه وكنت أقول إن شاء الله أغيره حتى اختي كانت تقول لي كنت أحن عليك وأقول سبحان الله خطيبها عكسهاوكنت أكابر واقولها ماتدري ربما هو رومانسي بس تعرفيني أقدس الأسرار الشاهد جاء الفرج واستبشرت بالصيفيه اجتمعنا احنا وأهله "هوولدعمي" فكانت زيارته بكثره لأنه البيوت متجاوره فكانت كل اسبوع ثم مرتين إلى 3 بالأسبوع بعدما كانت زيارتين في السنه وفي احد زياراته قبلني على جبيني بكل عفويه انا استحيت وقعدت ارتجف وفجأه اسمع صوت احد يبكي رفعت راسي لقيته أمل عمري انفجعت ونسيت الخجل وراحت الرعشه وقمت بجنبه أهدي فيه إلا وانفجر يشتكي من الكبت والحرمان وإن فترة الملكه طولت واحنا نتعذب وقعدت ابكي معاه وحطيت يدي بيده وفجاه إلا انهالت علي قبلات واحضان وانا حاسه بخجل ودي اصرخ بس كبت نفسي عشان خاطره صحيح كنت قاسيه ولاتفاعلت معاه بس غصبا عني حتى قالي بعد الزياره كنت مثل الأطفال احاول امسك وجهك وتلفين يمين وشمال بعدهالزياره بدأ يطلب مني إني اتفاعل معاه وإنه زوجي فترددت لأسباب: اخواتي كانوا يقولون لي إنه بعدين يسبك وبيقولك إنك كنت جريئه فكنت اقولهم انا اشوف صديقاتي واقرأبالمنتديات الناس تغيرت وبعدين هو يطلبني هالشئ والله إنها قالت اختي بالحرف الواحد حتى لوطلبك الحين وتوددلك لاتأمنينه بعدين يسبك وإنت وراحتك والله إني كنت عايشه قلق أحن عليه وعلى رسايله حتى لازالت عندي بالحارس الذكي وكيف يتعذب ويتخيل وانه يحبني بس مايعجبه حياءي الزايد..........الخ واستشرت احد المشايخ فقالي هو زوجك وافعلي ماشئتي لكن اقلها اتركي الباب مفتوح حتى ما يصير شئ أكبر"اكيد فهمتوا" وقتها تطيح الزوجه من عين زوجهافتحمست وحسيت إني بدأت اتقبل الفكره وآخر اسبوعين بالصيفيه تخللتها6زيارات بدأت اتعاطف معاه وحدودنا بوسات وأحضان وكانت وربي من أروع ايام حياتي الآن بدأنا نسترجع ذكرياتناوكلما استرجعناها يقول لي كنت جريئه وكذا مره يردد هالكلمه وكنت أكابر وأقوله الحمدلله اهم شئ ارضيت أمل عمري وحبيب قلبي المصيبه قبل شوي قال كلمه ........................ خلاص انصدمت بس اضاف عليها "كنت جريئه مقارنه بحياء البنات وشكاويهم من جرئة ازواجهم " إيش هالتناقض خلاص شبع آآآآآآآآآآآآآآه ياناس تكفون أنا بانجن بأمووووت كأنه كان حاس بالشئ اللي كنت متخوفه منه ياناس كبت بقلبي أنوثتي وحبي للأحضان والدلال منه طووول ال3 سنوات 3 سنوات مو هينه ياما عرفت بنات انخطبوا وملكوا وخلفوا خلالها"ماشاء الله ,الله يوفقهم"وأنا لازلت مخطوبه ياناس أنا أحبه وهو يحبني طيب ليه يقولي كذا والله لازالت رسايله عندي وترجيه لي والله حتى البوسه كان يطلبها مني وكنت اتمنع كنت احس بالذنب تجاهه ولازلت لأني مافجرت الحب اللي بقلبي طيب وش اسوي معه ليش يقارن "كنت جريئه مقارنه بحياء البنات وشكاويهم من جرئة ازواجهم " تكفون ابي مساعدتكم اكيدكلامي مو مرتب بس خلاص بانفجر من الصداع والألم وأذن الفجر ولاحتى نمت ووراي جامعه ابي منكم حل وش أقوله كيف اتصرف مستحيل اصبر هو يكرر هالكلمه علي |
الحل برايي إنك تمتنعين حتى عن اللقاء به ..
وإذا كلمتيه في التلفون مجرد السلام والسؤال عن الحال من غير ماتطولينها .. خليه يحس بالذنب .. وإنه غلط في حقك .. أختي لا تسكتين .. المرأة لازم تاخذ حقها في حال الزوج غلط عليها .. وضحي له سبب زعلك .. قولي له انا ثلاث سنين ماسويت شي .. وهذه مرة وحدة فقط .. قلت عني جريئة .. لو أنا بالفعل جريئة كنت عملتها من أول شهر .. الله يعينك .. والله دايما يقولون في المنتدى الرياييل مايعجبهم العجب .. إذا البنت خجولة .. قالوا ملينا منها وماتتفاعل ونبغي رومانسية .. وإذا تجرأت .. قالوا هذي جريئة كثير .. لا وبعضهم يقولون أكيد كانت عندها تجربة سابقة .. |
المفروض من البدايه ماتسلمي نفسك له ... بس الحين وش الحل ...
صدق انه الرجال مابهم امان حتى بالكلمه يرموها ولا يحسو ابدا ... انا ابغى اعرف دام هاذي كانت امنيته انك تبادليه ليه الحين يقول كذا .... الله يعينك هموووم |
أخت بحرينية معاها حق ،
فعلاً الرجال طمعوا و حيرونا معاهم طمعانين بالخجل و بحياء البنت العربية المسلمة و كمان طمعانين بالجريئة اللي تحسسهم بأنوثتها و بحبها و أي رجل مهما قال إنه بيفضل واحده منهم فهو بالعكس عاوز برضه الاتنين إعملي زي ما أخت بحرينية نصحتك و بعد كده يبقى كل شئ بالقطااااااااااارة و إذا يوم قلت كلمة حلوة أقعدي عليها شهر كلامك معاه عادي مرة تشدي و مرة ترخي مش كل ما يكون محتاجلك تديله اللي هو عاوزة يمكن تكون طريقة قاسية عكس طبيعتك كفتاة رومانسية و حساسة لكن مش هينفع معاه غير كده و ربنا يصلحلك الحال إن شاء الله |
لاتشغلين بالك شوفي تبغين الحل وإلا لا أذا تكلم بكلام من هذا النوع حسسيه باللصد منك وفي طريقة أسهل نمي عنده شي أسمه إحترام بأي طريقة بتلميح بكلام ولو برسالة يكون أسهل وأسرع يعني حسسيه أن يكون محترم ولو أستلزم الأمر أنك تكشرين له عن أنيابك أنا أشوف انه مافي حل غير كذا والله يوفقك ويهدي زوجك
|
عزيزتي صبر جميل وبالله المستعان
ربما قال هذا الكلام عن طريق المدح أو كشيء يقال وبس أنا برأيي أن توصلي له معلومة معينة ومهمة جدا بأن حبك له وخوفك عليه وخوفك من الله كان أكبر دافع لكي تتجاوزي خجلك وأن هذا الحب وتلك المشاعر الدافئة المكنونة بداخلك المخبئة له هو فقط هي المحرض الأول والأخير لأن تتجاوزي الخجل وأنك لم تتخلي عن حجلك ولم يتخلى عنك إنما تغلبتي عليه لشيء أكبر واعظم وهو حبك لشريكك وحاولي أن تتغلي عليه قليلا دون ان تزيدي أو تزايدي فنكون بشيء ونصبح بشيء آخر هذا والله الموفق أختك سيدرااا |
انا مع اختي البحرينيه
|
ان قالها على سبيل الانتقاد فكفي عن مجاراته ، يبدو انه لم يقدر تجاوبك الذي هو من الاصل الذي طالبكِ به وشجعكِ عليه ، وان سألكِ عن سبب التغير في موقفك صارحيه بأنه هو السبب ، وانكِ تصرفتِ معه على سجيتك ولم تتوقعي ان ينتقدكِ ، بل ظننتِ انه سيسعد بتجاوبك .
اما ان قالها على سبيل المدح والسرور فلا داعي لكل تلك الحساسية من جانبك . |
انا مع البتول وسيدرا وبحرينيه
وبعدين شي معروف الرجال ماينعطى وجه ايام الملكه بالأخير يقول جريئه مع إنه هو الطالب وبعدين مهما كانت شخصية الرجال يحب الخجوله والجرائه تكون بعد الزواج |
مساء الخير
لا يا بنات زوجها بحكم بيئته حكم عليها ((كما تقول ناشفة)) وكلنا يعلم حدود القرى قد تربوا وكبروا وكل شي عندهم عيب همسة حب هو جلف يعني ماراح يفهمك اللا بعد الزواج ..... حتى لو طلب.......... طلب وهو متمنع بس احمدي ربك هالانواع من الرجال يكون بريء ما جرب غيرك يعني تثقين إنك الإولى والاخيرة مالعب من وراك أتمنى لك التوفيق دمتي كما تحبين |
| الساعة الآن 10:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©