,,,,البرياني,,,,
 

صباح الخير لكل الموجودين:17:

ابغى منكم طريقة عمل البرياني:22:

وياليت يكون بسرعه عشاني مره محتاجته:30: ولكم جزيل الشكر,,,,,,,,,,,,

إختي أنا بقولج عن برياني الربيان المجفف ...

حشوة البرياني...المقادير حسب عدد الأفراد

ربيان منقوع لمده نصف ساعه ومنظف، بصل، كوسه مسلوقه، فليفله خضرا، ثوم مدقوق مع الزنجبيل، بازلا، بطاطس مسلوه، طماطم بدون البذر، أي أنواع الصوس (حسب الرغبه)

الطريقه:-

قطعي البطل نصف دائره (جوانح) وطبعاً كل ما كانت كمية البصل أكثر كل ما كانت الحشوه ألذ. حطي البصل والفليفله المقطعه مثل الأصابع في المقلاه مع شوية زيت نباتي وعلى طول حطي الربيان وإخلطيه مع بعض ورشي شوية هيل ناعم مع كمن قرنفل مع كمن ورق غار (علشان الزنخه تروح).
لما يذبل البصل والفليفله حطي الثوم المدقوق مع الزنجبيل وإخلطي المقادير. قطعي الطماطم على شكل جوانح وشيلي البذر منها وضعيها مع خليط الربيان والكوسه المسلوقه والبطاطس المسلوقه.
إذا ابخليط كان ناشف وإبتدي يحترق مافي مانه تحطين شوية مويه عليه وبعدها تضيفي البهارات ومكعب ماجي. تذوقي الحشوه قبل ما تحطين الملح- لأن الربيان يكون مملح!

إسلقي الرز مع البازلا وبعد ما يجهز صفيه. في القدر إللي سلقتي فيه الرز حطي في القاع طبقه رقيقه من الرز بعدها حطي الحشوه كلها على طبقة الرز. رشي شوية زعفران على وجه الرز ولفي وجه القدر بقصدير وبعدها حطي الغطا على القصدير وخلي القدر على نار هاااااااااديه لمده 10 دقائق.

التقديم:-
لتقديم البرياني (فن)........حطي طبقة الرز البيضا المحمره بالرزعفران أول شي وبعدها جطي الحشوه ورشي على على الوجه بقدونش وبالهنا والشفى

جزاك الله خيرا

تسلمين والله يعطيك العافيه,,,,
بس ياليت طريقته بالدجاج او اللحم كيف تكون:25:

إسلقى الدجاج أو اللحم زيييييييييييييييييييين لحد ما يستوي وحضري الحشوه مثل حشوة الربيان........

وعلى فكره تقدرين تسوين برياني الدجاج واللحم مع بعض بس تكون القطع نوعاً ما صغيره