|
كيف أتخلص من الكرش ؟
أنا شاب متزوج عمري 30 سنة
طولي174 وزني 72____73 تقريبا المشكلة في بروز كرش بسيط كيف أخلي البطن مستقيم (أشيل الكرش) المشكلة الثانية عندي الكتفين والصدر ودي أخليهم عريضين شوي ومشكورييييييييييييييييييييييييين مقدما |
لاتقول تكفى شف ياطويل العمر طولك 174 وزنك72 جسمك يعتبر مثاااااااااااااااااااااالي بس جسمك أكيد يبيله شد بالنسبه لازالت الكرش اول شي ابعد عن المشروبات الغازيه نهائياً وسوا تمارين بطن .. يومياً أكثر من المشي يومياً لاتاكل وتنام على طول أجلس 4 ساعات او 3 ثلاث ساعات بالقليل قبل النوم وانا من رايي تدخل نادي رياضي لان كل شي بالنادي متوفر تمراين لياقه وحديد وتمارين سويديه خاصة الجاكوزي الحار والبارد المتخصص بشد الجسم حتى اللياقه مفيده لكم يالمتزوجين بالنسبه للكتفين والصدر مالك الا تدخل صالة حديد هي اللي راح تخلي منطقة الصدر والكتوف عرضيه اي ستفسار انا حاضر ولي عوده للموضوع يمكن احصلك صور تمارين بطن تفيدك تحيتي لك |
ألف مليون شكر
سبق وأشتركت في نادي (حديد) ومن بعده والبطن بدا يبرز والمدرب يقول طبيعي حق اللي يتدرب حديد أنا مليت من تمارين البطن لأنها ماتعطي نتايج على طول أما بخصوص النصائح هذي مستمر عليها |
اقتباس:
يعني الحديد يسبب الكرش ؟؟؟ والله معلومة تفجع أجل أوقف لعب احسن لي يا ليت الاخوة يفيدونا اكثر عن صحة المعلومة هذه |
اقتباس:
غريبه والله الحديد معروف انه يزيل الكرش ويخلي الصدر والمتون عريضه طيب اشترك بنادي متكامل يعني لياقه وسباحه وجاكوزي وسونا وترك الحديد على جنب صدقني الجاكوزي الحار والبارد راح يشد جسمك بفتره قريبه على العموم مثل ماقلت لك ابعد عن الغازيات .. ولاتأكل وتنام على طول وأكثر من المشي .. بعد الاكل بساعه او ساعتين واترك الكبسااااااااااااااااااااااات تحيتي لك |
لأن الحديد يتطلب أكل زيادة أقل شيء خمس وجبات رئيسية في اليوم وتمارين كمال الآجسام ما تركز على البطن
بشكل مباشر مثل ما تركز على الصدر والأكتاف والظهر والتركيز القوي على البطن يسبب ضخامة لعضلة البطن |
عن تجربه اترك اوقلل الارز مره في الاسبوع واشرب شاهي اخضر بدون سكر بعد الاكل مباشره واترك الخبز الابيض وامشي يوميا 3كلم والسباحه 3 مرات اسبوعيا لمدة ساعه وراح تدعيلي وانا عن نفسي سويت هذا البرنامج مع عدم اكل المقليات وقاطعت مطاعم الوجبات السريعه نقصت 20 كلم في سنه
|
rozem222
مشكور على نصايحك لكن أنا ما أبي أنحف أبي اشيل شوي من الكرش والاكتاف مع الصدر أبيهم يزيدون |
نصيحة دائما شد بطنك على داخل وانت جالس وانت تمشي
ولا تاكل عيش ( رز ) لأنه يكبر البطن وكثر من شرب الماء وكل تفاحة كل يوم الصبح على الريق بعد فترة فطور خفيف وان شاء الله بتروح الكرش . |
اقتباس:
اقتباس:
فيه تمارين للبطن تنفخ عضلة البطن بس طبعا تكون عضله مو كرش اقتباس:
وجبات لاعب كمال الأجسام او لاعب الحديد ( اي مسمى ) وجبة فطوره تتكون بروتين غالبا اما فول او بيض او كبده والبعض يستعمل المكملات الغذائيه وطبعا افضلها الواي بروتين وبعدها وجبة كربوهيدرات عاليه جدا جدا ( رز أبيض مسلوق + ساندويش + عصير ) وبعدها بساعتين يخش على التمرين وبعد التمرين 3 وجبات بروتين عالي مدعومه بكربوهيدرات يعني نسبة الدهون شبه معدومه في النظام اما التركيز على البطن فهو مهم للاعبي الحديد مثل ما هو مهم للأكتاف والصدر والتكرار الكثير للبطن يحرق الدهون والشحوم واما تمارين نفخ العضله فهاذي لها تمارين معينه نصايحي كمل في النادي الرياضي والغي اشياء في حياتك في هاذي الفتره ( كبسه و لبن و شحوم و مقليات ونوم بعد الاكل مباشره و مشروبات غازيه ) وحافظ على المشي على السير او المشي الحر على الاقل نص ساعه يوميا واحرص كثير على تمارين البطن وتكرارات البطن لازم ما تقل عن 200 تكرار وتذكر ان عضلات البطن في جانبيه ولها تمارينها وفيه سفليه ولها تمارينها لكن شرحها يطول واتمنى مدربك يشرحها لك |
| الساعة الآن 06:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©