|
أريد أفكار رائعه لتغليف الهديه
ودي اخذ رأيكم بسالفة الهديه ويليت الرجال يدلون بدلوهم لأني سأهدي هديه لزوجي وهو رجل وهم رجال يفهمون بعض....هههههه احب اتفلسف,,, المهم انا خلاص اشتريت الهديه بس هي كبيره شوي يعني بحجم كرتون الجزمه......اصلا هي جزمه{{{الله يكرمكم والملائكه}}؟؟؟؟ هههههههههههههههه احب انكت:23: ’’’’’
لا لا والله جد اتكلم اشتريت له جزمه كان نفسه فيها بس خلصت من المعرض اللي عنده اقصد بمنطقته وقالت لي اخته مات من القهر{بعيد عنه يارب} روحي ولا روحه................ وانا كنت مسافره ومن حظي لقيتها وكلمت اخته قالت هي مواصفاتها وخليت صاحب المحل يتصل على الفرع الرئيسي قال انتهت شفتو الجنان:17: .....يارب تكون نفسها...... الزبده ودي بنفسي اغلفها بس وشلوووون؟ ابي افكار رائعه لأن الهديه رائعه وغالييييه..................كلفتني كثير بس تفداه وابي تغليف اروع لأن الهدايا اللي اعطيه قبل تقريبا نفس الأفكار ابي اغير هالمره لأني ان شاء الله ابشوفه قريييييب قولوا يارب................... وربي ولهانه موت الله لايحرمني قربه ولو أنه قطوعي بس احاول اعذره لأن الدنيا يوم لك و 29عليك لازم نصبر... ماعلينا ودعت فيه اللي خلقه................................بس تكفون ابي افكار رائعه من الجنسين الله يوفقكم:D :d :d :d :d |
اممممم ما عندي خبره بس ان شاء الله افيدج.. ممكن اتحطين ف كرتون الجزمه الاوراق الصغيره المقطعه بالطول( مادري اذا قد شفتيها اتكون للهدايا اصلا) والاحسن اتكون ملونه وطبعا ورقة الجزمه الاصليه شيليها وجيه بتكون الجزمه غايصه فالاوراق الملونه.. وحطي فالكرتون بطاقه.. وغلفي الكرتون بشكل حلو واتكون ورقة التغليف بلون البطاقه عشان التناسق.. ان شاء الله افدتج .. |
من يوم قريت الموضوع فكرت اقولك على طريقه اختنا ضايعه في الدنيا
ترى والله فكرتها مرررة حلوة ممكن تحطينها ثلاث علب او اكثر كل عليه تكتبين فيها عباره مثلا الكرتون الاول<<<<< هديه لاغلى انسان بالدنيا الكرتون الثاني>>>>>>>>> شوي شوي الظاهر اول مره تجيك هديه الكرتون الثالث فاضي <<<<<< وتكتبين فيها هههههههههههههههه ما في هديه بس يمكن تلاقي شي مثلا تحت الطاوله او ورى الباب او اي مكان او ممكن بالكيس وتكون فيها الهديه الله يوفقك بس ياليت تقولين لنا وش بتزينين لو قررت حكينا على الموقف الله يسهل عليك |
أنا أحب في التغليف تحطين ورد طبيعي ..
المحلات يسوونها لك بطريقة تجنن .. مثلا تغلفينها بورق تغليف راقي لونه بيج .. ووردتين ثلاث لون فاتح يلصقونها على جنب مع شرايط ستن او اللي نصها شفافة ناعمة وحلوة .. |
اظن التفنن فى تقديم الهداياخاص بالنساء
|
يمكن أكون تأخرت بس بقولك طريقة حلوة للتغليف أحضري جريدة أجنبية ويحبذ أن تكون الصفحة التي بها رسم كاريكاتيري ملون يكون شكل التغليف أجمل ثم قومي بتغليفها كما تغلف الهدايا بعد ذلك أحضري شريط من الخيش لون بيج يباع في محلات الزهور أو الهديا وأحضري ثلاث وردات حمراء اللون واربطي الورود والهدية بالشريط
|
انا بقولك اختي
محل الي يبيع ازهار ووروود يغلفها لك احسن تغليف وفيها رساله وورده ويا حبذا لو تشترين بعد عطر وتغلفينه وياه |
اختي الله يخليكم لبعض ويوفقكم دووووووم شوفي سوي كل اللى قالته لك اختي ضايعه فالدنيا بس على شرط انك ماتحطين فيها الهدية بس حطي فيه كرت حلو ان هذي هديه لاغلى انسان بالكون خلية يفتح الكرتون وهو فرحان وخليه يدوخ وهو يقلب فيه وانتي خلي الهديه في مكان الجزم"اعزكم الله" وخلاص لاتسوين شي انتظري يشوفها وهو طالع بالحاله هذا انتي كسبتية مرتين مرة يوم فتح الكرتون وقراء الكرت الحلو ومرة يوم حصل الهدية :22: :22: :22: يارب انك تفرحين فيه وبعيالك طول عمرك دمتي سالمة اخوك هلال العالم |
ماقصرتو مشكوووووووووورين بس يارب اشوفه قريب وان شاء الله اعطيكم اخبار الهديه إذا انتهيت منها
|
لا لا لا وأنا والله مادري بس بقول رأيي كرجل أنا إلي عرفته أن الهدية جزمة - الله يكرمكم - بالله تحطين جزمة في علبة وتغلفينها أنا لو زوجتي أهدتلي هدية مغلفة وأخرتها جزمة لا لا لا ماأتصور ماخشت مخي أساسا الرجال كان يبيها خلاص عطيه في كيس والأ إذا جا حطيها في الباب أذا جا يطلع ويحصلها في الأرض مثلا وإلا قولي هذي جزمة مين ويجي يشوفها والأ أرمي عليه فردة وقولي أن كان فيك خير أكتشف الثانية وين !!هههههههه والله الأسلوب بعد المهم تغليف ماخش مخي وجزمة بعد هذا مجرد رأي والله يوفقك ويكتب لكم السعادة الأبدية
|
| الساعة الآن 09:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©