|
شوربة الدجاج بالكريمة
زوجي يحب شوربه الدجاج بالكريمه وكم مره يلمح لي يبيني أصلحها له وأنا ماأعرف طريقتها :29: ففكرت وقلت مالي إلا طباخات المنتدى بعد الله :17: فياليت تعلموني طريقتها باأسرع وقت
ويعطيكم ألللللللللللللللللف عافيه................... |
بقولك على طريقتي وهي لها عده طرق بس بشهاده الي حولي أأني أضبطها والله أعلم.....
ندخل على طول على الطريقه: تحمسين بصل واذ حمستيه تضعين فوقه دجاج مقطع أقصد صدور دجاج وضعي بعدها ملح وفلفل أسود ومكعب ماجي وخليه دقيقتين على النار وبعدين صبي عليه ماء وخليه يطبخ مده خمس دقايق وبعدها ضعي في الخلاط 2ملعقه قشطه خفق و ملعقه دقيق أبيض و2ملعقه حليب بودره مع القليل من الماء وبعدين ضعيه على الي في القدر وخليه يطبخ مده عشر دقايق وبعدين قطعي فلفل رومي أربع قطع حجم كبير للنكهه....وبعدين قدميها مع توست محمص وبالهنا والعافيه... تراها سهله ولذيذه....وأي سؤال أنا حاضره...المقادير حسب عدد الأشخاص لأني أنا أسويها لي أنا وزوجي بس يعني كميه قليله أنتي بأمكانك مضاعفه المقدار... |
نسيت لأقول لك أذا بغيتي الشوربه تكون قوامها غليظ زي المطاعم زيدي شوي كميه الدقيق الى أن يعجبك قوامها...والناس أذواق أحد يحبها ثقيله وأحد يحبها خفيفه....ولاتنسين تعصرين عليها ليمون بعد الغرف أقصد كل واحد ورغبته...ولاتنسيني من خالص دعائك...
|
الله يوفقك ويجزاك ألف خير حبيبتي
سويت لها طباااااااااااعه......... |
أتمنى أنك تضبطينها وتعجب زوجك...وبالعافيه على قلوبكم...
|
شكلها حلو تسلمين
|
| الساعة الآن 09:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©