الدراسة والحمل
 

السلام عليكم
انا متزوجة من اربعة شهور وادرس بالكلية ماودي اجيب اطفال الين اخلص دراستي ان شاء الله بعد سنة بس احس انه حرام احرم زوجي وبنفس الوقت خايفه من اللي اسمعه عن الحمل والدراسه والتعب 0
وش اسوي محتاره مين عاشت هالتجربة ؟
سااااااعدوني :15:

هلا اختي ممكن تتفقين انتي وزوجك على هلشي ونصيحة اختي لا تفكرين تحملين قبل لا تخلصين دراسة ترى بتتعبين حيل

اتمنى لج التوفيق

تحيتي

دموع حبيبتي... صدقيني أنا بعد أحاتي مثل الشي.. أنا ليما الحين ما تزوجنا زواجنا إن شاء الله بعد 4 شهور.. وباقي لي سنه ونص على ما أخلص الجامعة..

وخايفة حدي من الحمال، بروحي ما أتحمل تعب الدراسة .. بعدين إذا الله كتب تعب بيت وتعب زوجي والدراسة والأولاد.. بستخف ياربي..

والمشكلة إنه من الحين إقول عادي تحملين وأدرسين ناس وايد مثلج..

الله إساعدنا :(

اهم شي اذا فكرتي ما تحملين الا بعد الدراسه
لاتستخدمين حبوب
لانها مضرررررررررره بدية الزواج
واعرف ناس كثيررررررر يوم بطلوها يبون الحمل
صاروا يعالجون لفتره طويله

ماشاء الله زوجة أخوي تدرس وهي حامل وحملها الأول وكانت رافضه تأجل الحمل علشان الدراسه
ممكن تنسقين مع زوجك مثلا اول ماتطلعين وانت تعبانه يكون الغداء بعد العصر يكون معك وقت ترتاحين
أو تجهزين اغراض الغداء من الليل وما تضغطين على نفسك في شغل البيت
وإذا تعبتي في حملك ممكن تحذفين ترم
بس ماانصحك تأجلين الحمل
ويهونها الله عليك ان شاء الله
والله يوفق الجميع

من رأيي انك تحملي عادي ولكن حاولي ان يكون موعد الولادة بعد الامتحانات

لكي تتفرغي لرعاية الطفل وهو الاهم

يعني لو بقي لكي عام حاولي تاجيل الحمل فقط ثلاثة اشهر او اربعة

وادرسي وانت حامل ولا مشاكل..... كثيرين فعلوها دامها آخر سنة

والله يوفقك