|
واقعه بمشكله ومحتاجه لكم تكفووووون
السلام عليكم ورحمة الله وبركاته ياجماعه ابي منكم مساعدة تكفون لااتردوني او تتجاهلوني انا عندي مشكله يمكن تكون في نظركم صغيرة بس والله ماتتخيلون شكثر متعبني هالموضوع.. أولاا بحكي لكم القصة وبعدين المشكله.. القصة. طال عمركم انا أحب ولد خالي لي 3 سنوات تقريبا وهو بعد يحبني ((يموت علي))>>>>حقك ياواثقة المهم قبل فترة جا وخطبني من اهلي ووافقوا الحمدلله وبدينا نكلم بعض وهو ماشاء الله عليه مايقصر يجينا تقريبا كل شهرين ثلااثه يزور عمته اللي هي امي وتخيلوا حالنا لما يكون مابيننا الا كم متر ومحنا قادرين نشوف بعض حنا بصراحه معد نتحمل هالوضع وندري انه طريق الغلط مافي أسهل منه و انه احنا نقدر نقابل بعض بدون ما احد يدري بس حنا مانبي نسلكه وودنا نملك عشان نرتاح .. المشكلة أمي وخواتي رافضيين فكرة الملكه للأسباب التاليه يقولون شلون تعلقين نفسك سنتين يمكن اكثر؟ ياناس انا كذا كذا معلقه وبنتظره يعني لو مو هو موغيره لوجاني مين ماجا ويقولون بعد انه الدنيا حياة وموت وانا ادري بهالشي ولو باقي بعمري يوم ماابي اعيش الاامعاه ليش يحرموني منه ويخافون نتعدا حدودنا للأسف حسسوني بعدم الثقه فينا والله انا مالي اي غرض منها غير اني ارضي ربي وابعد عن مسالك الشيطان.. اللي ابيكم تسوونه تنصحوني وتقولوا لي كيف نقنع اهلي لااتقولون اصبري للصبر حدود وانا نفذ صبري.. سامحوني على الاطاله والكلاام الملخبط أختكم سجينة الأحلام |
اختي الكريمة 00
واضح ان ماعندك صبر 000 واهلك معاهم حق يخافون انكم تتعدون حدودكم 00 وهذا حرص وليس قلة ثقة 000 طيب ليه ماتعقدون وتتزوجون على طول ؟؟ اذا لازم تصبرون سنتين فنصيحتي تصبرين هالحين بدون عقد ولا مكالمات 00 افضل حتى ماتتمادون بالعلاقة 00 اتمنى مايزعلك ردي 00 بالتوفيق |
اقتباس:
أقصد عقد نكاح |
هذا الموضوع مفروغ منه
بعدين هذا مو صاحبي ولا واحد من الشارع وانا متأكده انه واثق فيني الحمدلله عموما مشكورين كوجاك وكاره الرياضيات عالاهتمام |
لاتزعلين اختي 00
حنا ماقلنا صاحب ولا من الشارع 000 لكن هذا شرع الله 00 وعلينا الانصياع لها 00 فالكلام بينكما غير جائز حتى لو كان ابن خالك 00 صحيح ان عقد القران يجعل كل شيء مسموح 00 لكن الخوف من التمادي اكثر قبل اشهار الزواج 00 وهذا سبب رفض اهلك للعقد 00 معذرة اذا ازعجك ردي 000 صدقيني هذي نصيحة اقولها لأختي لو كانت بمكانك 00 احترامي |
الله لاايجيب الزعل اخوي كاره الرياضيات
انا عارفه هالشي ولو ماني عارفته ماطلبت مساعدتكم وما اصريت عالموضوع واذا على التمادي صدقني مافي شي يسمح لنا بذلك لا وضع المنزل ولا اظن انه ف يوم بطلع معه لاا برضاهم ولا من وراهم دمت.. |
ومالمانع من زواجكما عقب فترة خطوبة ثلاث سنوات وقد تمتد لخمس أو ست ؟
*** |
طيب ليش ماتتزوجون الحين ؟
|
عزيزتي عبير الاحلام تعالي وقولي لهلي هالكلام ومشكورة حبيبتي عالمرور
|
مشاعر مهملة الله يسامحك أقول لك مو قادرين نملك تبينا نتزوج ؟؟؟
على ايدك ياستي شاكرة لك مرورك عزيزتي |
| الساعة الآن 10:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©