|
حصل اللي ما توقعته بحياتي كلها...فيه خير لي ولا شر؟؟؟
السلام عليكم و رحمة الله و بركاته
اليوم السبت و قبل امس كان الخميس مو قادر انام كل شويه افكر بعد اللي صار وربي شيء فرح قلبي كثييييييييير والله منحرج كثير اقول ولا ما اقول ابقول لكم القصة كاملة بس الله يرضى عليكم اقروها كلها: يوم الخميس بالليل كان في عزيمة كبيرة في بيتنا رجال و حريم ابوي ارسلني و قالي انت المسؤول عن العشاء و لما رجعت والعشاء معاي دخلت على مطبخ بيتنا و كنت ابسأل امي كل شيء جاهز من سلطات و حلويات؟؟ لما دخلت لقيت عندها بنت لما شافتني اختبت ورى امي و انا هربت و طحت و عقالي و شماغي طاح و قمت صلحت نفسي و خرجت ولا كأن صار شيء.......لا احد يضحك ............................ بصراحة البنت شفتها بكامل زينتها و طاحت في قلبي والله العالم......اعجبتني من كل النواحي افكر فيها كل يوم.....ابغى اخطبها من اهلها بس اخاف يرفضوني و يقولون هذا قليل ادب دخل على بنتنا بالعزيمة و شافها سبحان الله اذا هذا سبب زواجي كل يوم ابفاتح ابوي و امي بالموضوع علشان اخطبها بس خايف و كمان خايف يقولون لي مافي نظرة شرعية لأنك شفتها بكامل زينتها بالعزيمة ....... والله انا شفتها بالغلط والله ما كان قصدي شيء ....... اكلم ابوي و امي علشان اتقدم لها؟؟؟ اخاف يرفضوني و يطردوني شر طردة ......... انصحوني افيدوني الله يجزاكم بالخير......هل بعد اللي صار لي نظرة شرعية ولا لا؟؟؟ طمنوني علشان اعزمكم على الفطور:30: و دمتم بخير |
دام الشغلة فيها فطور 0000 اقول لك 00
قول لابوك وامك ليش خايف يطردونك شر طردة 000 لايكون كل يوم طالبهم بنت شكل 00 ومادمت شفت البنت ليه تريد نظرة شرعية 00 مو لازم نظرة اهم شيء يخطبونها لك 00 والله يكتب لك اللي فيه الخير 00 هاه متى أجي على الفطور 00 تلقاني من العصر مسنتر عندكم |
الله يوووووفقك يارب :)
قللي طيب هي تقرب لك او شي من هذا القبيل؟ |
اقتباس:
ممكن بسبب اني شفتها بلحظة و توترت و ارتبكت فيها ابغى اشوفها و انا مرتاح نفسياً مو اشوفها و بعدين تكسرت مثل اللي صار اهم شيء خايف وربي خايف تكون البنت قالت لأهلها او هي ترفضني بسبب اللي صار و اذا انت بنفس المدينة اللي انا فيها و ربي ابشر بالفطور و دمت بخير |
:17: :d
اقتباس:
|
اقتباس:
ممكن تكون من بنات صديق ابوي بس والله البنت مره اعجبتني لما شافتني اختبت ورى امي من الخوف بصراحة احب البنت اللي تستحي مره:17: و دمتي بخير |
اخي توكل على الله ولاتخاف وكلم الوالد والوالده يخطبونها
مااتوقع ترفضك علشان هذي السبب انت مو متعمد تدخل وتشوفها........... صدفه........... ان شاءالله نقول لك مبروك قريبا |
ياسلااااام
واحنا كمان والله فرحنا لك بالخبر نصيحتي لك لا تستعجل .. اول شي استخير ربك .. وكرر الاستخارة .. وبعدها فاتح أهلك بالموضوع .. وإذا إنها من نصيبك ربي بيجمع بينكم إن شاء الله .. *** |
آنا راح أجاوبك عشان الفطور ترى :d
هههههههههههه ياخوي بارك الله فيك دامك تحس انك مقتدر والبنت دخلت قلبك افتح الموضووع على طووووووووووول :22: كلم الوالده وقولها فلانه شلونها ؟ شنو اخلاقها ؟ وووو حلاته الرجال مايستحي بهالسوالف وانته طالب الحلال يعني خلك واثق . وعطنا آخر الاخبار ولاتنسى الفطور :25: |
على فكرة اخوي..
البنت مسسسسسسسستحيل تقول لاحد من اهلها انه انت شفتها لانه احراج بقووووة يمكن تقول لوحدة من صديقاتها او لاخواتها بس مستحيل توصل لابوها او امها.. ((هذا من تجربتي الشخصيه)) لانه صار نفس الموقف اماااا بالنسبة لامك.. ما اتوقع انها قالت لابوك لانه بصراحه ماله داعي.. الا اذا كانت شخصية امك من النوع الي تقول كل شي على الوالد انا من رايي تفتح لهم الموضوع و تتوكل .. اذا سنك يسمح لك بالزواج و مستعد.. وبالتوفيق يارب واتمنى لك حياه سعيده باذن الله |
| الساعة الآن 04:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©