سوال لكم يا معشر المتزوجات( شكل زوجك)
 

السلام عليكم ورحمه الله وبركاته ...


عندي سؤال لكم يا ايتها المتزوجات والله ابي الصراااااااااااااااااحه لو سمحتوا .!!!!!!!!!!!!

هل شكل الزوج يهمك. على سبيل المثال شكله مو حلو بس اخلاق ودين بس ما يتمتع بالجمال والوسامه.,.
او مثلا جا واحد خطبك وشفتي انه وجه حبوب وحاله بس اخلاق ودين و و بس ما يتمتع بالشكل الحلو.. راح توافقي عليه !!

وسال ثاني. لو زوجك وجه سواد وبقع تتقرفي منه !!!! ابي الصرااااااااااااااحه رجاااااااااء لاني محتاج لهالاجابات..

مع خالص شكري لكم

اخوي عادةً الشخص العادي بيخطب له انسانه عاديه في الجمال وماراح يفكر بالجميله
ونفس الشي المرأه بسيطه الجمال بتتمنى زوج يستر عليها ومايهمها الجمال
الا في حالات يتوفق بزوجه جميله وهذا يكون في حالة اذا الشخص غني وتزوج فقيرة وجميله
راح تنسيها الفلوس شكله وترضى فيه خاصه وهي محرومه من الفلوس والمثل يقول الرجال مايعيبه الاجيبه
اما بالنسبه لراينا نحن معشر الزوجات فاحنا نفس الشي نتشرط ونطلب الجمال ونتفرج على المعرس بدون مايدري وهو داش البيت
ونعلق عليه طويل ..قصير.. متين .. نحيف .. ابيض .. اسمر .. حلو مو حلو ......الخ
واحيانا نرفض من مجرد الشكل !!
بس من كلام الناس عنه ومدحهم له و مقابلة الاهل له وتعرفهم عليه وسماعهم كلامه ومن ثم قبول الاهل له
وبعد استشارة البنت رغم انه مو عاجبها شكله بس بعد كل الكلام الطيب اللي انقال في حقه
رغم انه مو وسيم او بشع في نظرها توافق على النظره الشرعيه وبس
ومن النظره الاولى اذا في نصيب ربي يلين القلوب وتصير الواحده تشوف هالشخص اللي جاء يخطبها ملك جمال
والسبب اخلاقه الطيبه ودينه وسمعته الطيبه
ونصيحه مني لك اخطب العاقله الناضجه اللي تفهم وش معنى حسن اخلاق ودين
اما الصغيره فلانها صغيره ماارح تفهم ولا تفكر الا في الشكل وراح ترفض على طول
وهذا حال اغلب الصغيرات في السن !!

صدقني اخوي 00 الحب اعمى 00


والرجال عادة يهتمون بالشكل اكثر من المرأة 00


المرأة يهمها تعاملك معها 00 فاذا كنت لطيفاً وكريماً معها فلن تستبدلك برجال الدنيا كلهم

الاخت صريحه جدا شكرا شكرا جزيييلا لكي على المشاركه ورايك جميل ومنطقي..

ولاكن مذا عن جماااال رااائع البنت . والرجل وسييييييييم وابيض و بس البقع تضيع عليه شكله وما واجد شوي... !!!!

شو موقفكم راح يكون ؟؟؟

كاره الرياضيات تسلم على المرور وانا واحد منهم ههه بس والله بدون فايده ..

طيب انا اعرف حرمه مو رجال ركز هاه !!
هذي الحرمه متينه وجهها كله حبوب لدرجة منفره حبوب غير طبيعيه لدرجة اني كنت اتحاشا اسلم عليها
ومع هذا تزوجت من شخص ضعيف وفوق هذا وجهه صافي ووالله على مااقول شهيد
كنت استغرب وش اللي عاجبه فيها وشلون متحمل الحبوب هذي !!
بس لمن تعرفت عليها واحتكيت فيها لقيتها انسانه مرحه وحبوبه ونكتيه ودمها خفيف
وطول الوقت نضحك من سوالفها بصراحه تنحب على طول وعرفت وش اللي حبب زوجها فيها
وفي مره لقيتها شفت الحبوب خفت كثير وشوي تختفي وماتبين
قلت لها ماشاء الله راحت الحبوب اللي في ويهج شالسبب قالت لي من الحمل والولاده خفت

يعني هي بنت وما اثرت عليها البقع وتزوجت رغم ان الحبوب كانت منفره وشلون انت يالرجل !!!

وبعد الزواج لا تسال عن شي ابدا راح ترضى فيك ايا كنت
المشكله قبل الزواج اما بعد الزواج لاتهتم ابداً

واهم شي الاخلاق وجمال الروح هي اللي تدوم

انتفاضة قلب شكرا جزيلا على مرورك اختي/اختي وشكرا على رايك

شكرا جزيلا اختي قصتك فعلا غريبه . الكل وله نصيب في هالدنيا., انا كنت اخاف ان البنت ما تتقبلني لو في يوم خطبت يعني راح تتقبلني بس انا ما احب يكون شكلي ناقص ابدا . لو هي بجماااااااااااااال ووجهها صافي انا ابي اكون لو ما احسن منها على الاقل مثلها :) شذي والله ارتاااااح نفسيه اهنا بتحبني لشكلي الحسن واخلاقي وتديني والثقه راح تكون كبييييييييييييييره جدا .... :17:

كل وحده لما تفكر في خاطب توزن الصفات....المميزات تعطى بالموجب...و العيوب تعطى بالسالب
و كل وحده و تقديرها للأمور
فيه وحده أهم شي عندها يكون زوجها حلو...و فيه وحده تقول تمنيته حلو بس مو مشكله صفاته الثانيه تغطي على هالعيب...و فيه وحده تقول لك مو مهم الشكل....و وحده تبي واحد شين علشان مثلا ما يشوف نفسه عليها..أو علشان محد يطالعه.....فالموضوع نسبي يعتمد على البنت و ترتيبها لأولوياتها