|
زوجي..والصوره
انا اول مره اكتب لكم مشكلتي
انا متزوجه من 7 سنوات عمري 23 و زوجي 28 احبه موووووووووووووووووووووووووووووووووووووووت وهو كمان انا حبدأ الحكايه قبل تقريبا 3 شهور كان زوجي مواصل ولما دخلت عليه لقيته بيشاهد اشياء اباحيه انا ما زعلت ولا عصبت (كان ليه تجارب سابقه معاه) بالعكس اخدت الامور بهداوه لكنه عصب ومع اصراري اني اعرف ليش هو عصب قد كذا قال انه نفسه يتزوووووج.. عنده طاقه زايده .. وهو قااال اني ماني مقصره في حقه شي بس حسيت انه يبغى يغير..طبعا انا انصدمت وانهرت وصرت ابكييييي (هو ما يحب يتكلم لما يكون معصب و يحب ياخذ كم يوم هدوء بعدين يتفاهم..انا العكس) المهم بعدها انا سافرت لاهلي وهو راح سافر مع صاحبه اسبوع و بعدها جاني ومن يوم ما وصل على طول فتح الموضوع واعتذر انه قالي الكلام هذا وانه انا اول و اخر وحده في حياته المهم معاملته اتغيرت معايه كثييييييير وانا اشهد انه خلال شهرين نسيت الموضوع وحسيت انه ماراح يعملها وكمان عملي مفاجأه سفره لماليزيا (رحناها في شهر العسل) في العيد والمصيبه اللي صارت الان قبل 5 ايام كان زوجي في البيت (هو احيانااااااااااااا يشرب .. يعني مو كثير.. مو ادماان) المهم شرب وبعدين ناااااام فانا شلت جواله كنت ابغى احطه جنبه علشان في الصباح لو احد دق عليه من العمل لكن نغزني قلبي وفتحت الصور...وياااااااريتني فضلت على عمايا لقيته متصور مع وحده الصوره شكلها في كافيه وهو حاطط يده على الكرسي وراها وهي مقربه منه شويه طبعا اختكم انهااااااااااااااااااااااارت وما قدرت استحمل وفي الليل واجهته وهو كان شارب شويه قلتله انت ايش عملت في سفرتك قال ما في شي قلتله عن الصوره قال صحبت صاحبه (قبل ما اكمل زوجي دايما يقولي انه ما يبغى شي عن البنااااااات و محذر اصحابه انه لما يسافر ما يبغى يسمع و لا يشوف بنااااااااات معاهم...دايما يكررها) حاول يقلب الموضوع لكن ما خليته و قلتله اذا صحبت صاحبه ليش متصور معاها من الاساس فين الكلام اللي كنت تقوله وتحذير لاصحابك قالي معليش غلطت وقلتله اذا كان شي من جد بريء كان قالي و ما خبى عني المهم بعد شد و كلام جبت المصحف و حطيته في يده وخليته يحلف قام حلف انها صحبته ومتعرف عليها من 3 اشهر قبل السفر على الشات انا انهرت صرت ابكي واقوله انت من كل بين الرجال ما اتوقعتها منك وصار يبكي و يقول سامحيني ولا تكلميني شهر شهرين بس لا تتركيني المهم اليومين اللي بعدها كان مطنشني واليوم اللي بعده اهلي جو من السفر وقلت لهم بابا اتكلم معاه وقال انه يحبني وما يقدر يعيش يوم من غيري و انه اللي صار انه كانو جالسين في كافيه وكان زحمه وقت كاس العالم والطاوله اللي جنبهم كانت مرررة قريبه وجلسوا فيها بنات وبس فقلت له ليش غيرت كلامك قالي انتي اللي تبغي تسمعي انه فيه علاقه بيننا وجلس يبكي قدام اهلي المهم طلعت بيتي معاه وجلس يبكي لانه شافها كبيره مني اني قلت لاهلي وقال انه لما كانوا جالسين في الكافيه كانو جالسين يعلقوا عن المباراه وبعدين البنات صارو يتكلموا مع زوجي وصاحبه ومررره متفاجئين انه محترم واتصورت معاه وكماااااااان فوق هذا كله اتصورت من جوالها المهم انا قلت له هما ما كانو حيتكلموا لو ما شافو تجاوب منكم معاهم وكمان فين الاحتراااام اللي بتتكلم عنه لما جيت تتصور وقلتله كيف تقولي انك متعرف عليها و بعدين تغير كلامك قال انه مو فاكر الكلام اللي قاله لانه كان شارب.. لكنه فاكر اللي حصل اول ما واجهته و فاكر اللي حصل لما كان بيعتذرلي و سبحان الله مو فاكر الحكايه..يقول انه تفكيره مشوش....للاسف انا ما صدقته وقلتله سفر مع اصحابك ماااااافي خلااااااااااص...قال اني اخدت منه متعته الوحيده..قلتله انت السبب والمفروض وقتها انه اتقفل الموضوع واكدلي انه ماله علاقه فيها لكني ما صدقته وقلتله اني ماني مصدقاه لانه كلامه اتغير 3 مرات وخليته يلغي الصوره الان هو سافر لنفس المدينة عنده عمل مع الموظفين (وانا متاكده انه عمل) وقال انه لو يقدر كان لغى السفره وكمان لغى سفرة ماليزيا لانه نفسه انسدت و كمان الحاله الماديه شويه تعبانه انا الان ماني عارفه ايش اصدق كنت قايله لبابا اني ما ابغى اكمل معاه لكنه قال اعطيه فرصه انا ماعندي شغاله وشغل البيت كله عليه و صابره وساكته و ملابس و سوق ما بشتري ولا بضغط عليه لاني مقدره وضعه..انا يكفيني اني اشوفه مبسووط....ومن شغل البيت جاااني فتاق على اول السنه وعملت عمليه...انا متحمله كثييير لكني مقدررررررره والله مقدرره ظروفه..وزوجي لما يكون معاه ما بيقصر معايه في شي انا نفسيتي سيئه جداااا وماني عارفه ايش اعمل هو لما سافر كانت نفسيته زفت ومعاملته معايه مو مثل دايما وانا كمان نفس الشي ساعدوني ايش اعمل..نفسيتي منهاره..وماني واثقه فيه.. والله احبه مووت لكن ما اتوقعت انه حبيبي يعمل كذا...هو من بين كل الرجال..صحباتي كانو يقولولي اني مجنونه اخليه يسافر مع اصحابه لكني اقولهم زووووجي غييير الحمدلله اسفه على اسلووووبي وعلى الاطاله |
أختي دعي جمييييييييع تصرفات زوجك على جنب
واهتمي بموضوع الشرب فالخمر أم الكبائر وإن لم يقلع عنها فلن ينفع معه أي حل ولو اقلع عنها سيسهل عليك تغيير كل شيء والله اسأل أن يوفقك لما فيه الخير والصلاح |
الله يعينك
المفروض ما تخلينه يروح لوحده لكن خليك على أتصال مستمر معه ولا تيئسي |
الفارس 26
انا اخذه موضوع الشرب بالتدريج لاني ما ابغى امنعه فجأه و يروح يشرب من ورايه و تصير مصايب ومشكووور على النصيحه زوجتي وانا انا كنت واثقه فيه مره و اعترف الان اني غبييييه لكني ماقادر اكون على اتصاال مستممر معاه لانه هو اللي غلط وهو المفروض اللي يحاول يرضيني لو انا كنت اللي اتصورت مع واحد كان بدون تفكير رماني في بيت اهلي لاني حرمه وهو الراجل والراجل ما يعيبه شي يااارب صبرني |
حبيبتي سامحك الله كل المشكلة حلها في إيديك وليس في يد والدك أو اهلك عموماً ونصيحة لك دوما عمرك ما تدخلي أحد في مشاكلك مع زوجك كل مشكلة ولها حل المهم السترة على أخطاء الغير وبعدين المفرض يا حبيبتي تمنعي زوجك من الشرب لانه حرام وإذا كان زوجك يخاف من الله فإنه يخاف يعمل الحرام في كل شي وتنصلح أموره لما فيه الخير لكما وبعدين مثل ما يقول المثل الصاحب ساحب شوفي علاقات زوجك مع مين واصبري على زوجك فانه يمر بايام عصيبة ولا تزودي عليه وإكسبي زوجك من جديد يعنى غيري من نفسك شوي ومن ديكور بيتك ومن معاملتك له قبل كل شي أتمنى لك كل الخير
|
الله يعينج الصراحة !! قطعتي قلبي والله .. الله يهديه لج .. إختي الحبيبة : اجلسي معاه جلسة طويلة عريضة تناقشوا في كل النقـــــــــــــــــاط : من ناحية الشرب والسفر والبنات والــ ..الخ. كل شيء ..و اتفقوا على حقوق كل واحد فيكم و على الضوابط اللي راح تكون من يوم ورايح .. لأن لو ظليتي على ما إنتي عليه وما في أي تغير !! احتمال الأوضاع تزيد أو ترجع لا قدر الله .. غاليتي الكريمة : لاااااااااااااااازم وقفة ، و عتاب ، و تغير . احيكِ على صبرك و طولة بالك . دمت بخير وعافية ، اهتمي بنفسج تحياتي لج ، إختج : خلك إيجــــــــابي ! |
اقتباس:
كلام سليم اخيتي لا تستهيني بشرب الخمر وفقكم الله ويسر اموركم واراح بالكم |
هيفاء طافش
مشكوره على نصيحتك انا عمري في حياتي ما شكيت لاهلي شو ولا عمري قلت لهم عن سر من اسرار بيتي وحريصه على الشي هذا لكن الموضوع هذا انا انهرت فيه وماعرفت كيف اتصرف صاحبه اللي دائما معاه من اصحاب الطفوله .. و زوجي محذره انه ما يبغى اي شي يتعلق في البنات.. وهو محترم راي زوجي |
اختي
زوجك عنده الكثير من المشاكل... واهمها الشرب عليكي ان تذكريه بالله... فهو بعيد كل البعد عنه مهمتك صعبة اختي وتحتاج الى الصبر كان الله في عونك |
خلك ايجابي
الان المفروض انه قبل ما يسافر انه وضعنا شروط لكني بعدها قلتله اني ماني قادره اصدقه مره نفسيتي سيئه jeans شكرا على النصيحه وانا مرررررة ماني مستهينه بالموضوع ابدااا لانه كل شي في حياته طيب ماعدا الشي هذا والمشاهد الاباحيه وكمان يا اختي هيفاء انا ما قلت لاهلي عن الشرب..مستحيييييييييييييل اقولهم |
| الساعة الآن 09:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©