|
ساعدوني الله يرزقكم بالفردوس الاعلى من الجنة
السلام عليكم ورحمه الله وبركاته
انا اول مره اكتب موضوع بهالمنتدى لكن صارلي 3 سنين واقرا فيه واليوم عندي مشكله واتمنى حد يفديني انا مقبله على الزواج بعد فتره قصيره جدا بس والله خااايفه لاني مب وااثقه بعمري وسبب الخوف وهو جسمي يعني اعاني من السواد في عده منااطق ومستحيه ان زوجي يشوفني والسبب الثاني اني اخاف من الجمااع معنى اني ماجربته لاني ماتزوجت من قبل بس اسمع من كلام الناس عن ليله الدخله والمواقف الي تصير وانا بطبعي خجووله وماعرف كيف بتصرف خصوصا ان مافي احد يرشدني ساعدوني كيف اتغلب على هالمشااكل الله يخليكم وان شااء الله بدعيلكم بالفردوس الاعلى من الجنة |
هبل حبيبتي
بالنسبه لمشكلتك الاولى انصحك بزيارة دكتورة جلديه اما الثانيه فانا معاج بالمركب :) |
عزيزتي لا تكبري السالفة ولا شئ بالنسبة للسواد معظم الفتيات والرجال فيهم ... بس اشتغلي على عمرك .. سوي خلطات يمكن يخف اللون ... ودوري بهالمنتدى بتلقينها ترى كل فترة والبنات يكتبون نفس المشكلة واعرف متزوجات فيهم هالسواد ومب مأثر عليهم ابدا اما بالنسبة للعلاقة الخاصة الله يهديك بس مين من البنات مجربه قبل :d :d :d اسمحي لي خوفك طبيعي واذا ما خفتي بعتبرك وحدة غير طبيعية بالله عليك في وحدة متربية بتقولك هذي الشئ عادي وما تخاف منه بس انت لا تخلي هالمسألة تاخذ تفكيرك كله واهتمي بنفسك وشكلك ودايما فكري بأمور ايجابية والاشياء الحلوة عن الزواج وكل البنات اللي تزوجوا كانوا مثلك ومشوا الموضوع وان شاء الله ما طولت عليك ولا تنسي تدعيلي بالفردوس مثل ما وعدتينا بعنوان الموضوع وموفقة . . . اسماء |
بالنسبه للسواد بمناطق معينه بالجسم تراه شئ عادي واغلب العربيات يشتكون من هذه المشكله بس ما اعتقد ان خطيبك راح يعطيها اهتتمام كثير ولو علق قوليله هذا شئ عادي واغلب البنات هيك ...ممكن تختلف من وحدة لوحدة ..
اما خوفك من ليلة الدخله فما تخافي ابدا بس انتي قوي قلبك .. وتشجعي وما تشدين اعصابك وراح تمشي هاليله على خير باذن الله تمنياتي لك بالتوفيق |
عزيزتي
لا تخافين ولا تحاتين أكثر الرجال ما يلاحظ فلا تحاولين تلفتين نظرة لهذا الشي وثانيا أبدأي بخلطات وإن شاء الله تفيد أما عن خوفك من الجماع فهذا خوف طبيعي وكل بنت تمر فيه وإن شاء الله الأمور تعدي على خير بس الأهم تردين ثقتك بنفسك هذا أهم شي أسأل الله العظيم أن يوفقكِ وييسر لكِ جميع أموركِ ومبارك عليك الزواج مقدما دمتِ بكل خير |
اقتباس:
ويعطيج العافيه وان شاااء الله بحاول اني ازور دكتوره الجلدية في اقرب وقت وربي يرزقج بالفردوس الاعلى ان شاااء الله |
اقتباس:
الف شكر لج يالغاليه على النصاايح ومااقصرتي وكلامج ريحني والحمد الله والله يرزقج بالفردوووس لاعلى من الجنه ان شااء الله |
اقتباس:
شكرا لج حبيبتي ع المرور الي اسعدني كثير وعلى النصاايح والله يوفقج ان شااء الله ويرزقج بالفردوس الاعلى من الجنة |
اقتباس:
الف شكر لج يالغلا ع النصااايح والله يوفقج ان شااء الله ويرزقج بالفردوس الاعلى من الجنه مرورج اسعدني وايد |
| الساعة الآن 10:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©