سؤال عن تساقط الشعر الوراثي ؟
 

السلا عليكم........... كيفكم اخباركم؟

اني راح اذكر لكم سالفه شخص يبي حل الى هاالمشكله....


هذا شخص عندهم وراثه في عيلتهم ان يطيح شعره رغم ان هذا الشاب ما زال في العشرينات من عمره والحين هو

متضايق من مظهر شعره ويبي يعرف اذا في حل الى شعره يعني ايصير فيه شعر او علاج معين اذا اتعرفوه او حتى

فكر في زرع الشعر بس ما اعرف وين ايروح ولا اي دكتور ..........

مو تنسونا بالرد عليى الموضوع وخاصه اذا عندكم اي معلومه حتى لوبسيطه..................وشكرا


تم تغير العنوان تناسباً مع المحتوى/ السيف الذهبي

والله الصلع شي مزعج جدا بس انا صراحه وحده افضل الرجال اصلع

واذا على الزراعه في مصر او المغرب يزرعون شعر طبيعي حتى بس وين وشنو اسم الدكاتره مادري

و ان شاء الله أكون افدتك

اختك


كنوووف

أخي أعتقد بالنسبة للأدوية فمفعولها بطيء جداً جداً هذا وإن كان لها نتائج لأن أغلبية الأدوية لا جدوى منها أما بالنسبة لعملية زرع الشعر فنتائجها مبهرة وتجد الشعر فعلاً منظره عااااااادي وطبيعي أقول هذا الكلام لأن لدي قريب قد أجرى عملية زراعة الشعر في أمريكا في مقدمة راسه في جزئية بسيطه وهي عملية مكلفة على ما أعتقد أنها كلفته 5000 دولار

شكرا لكم بس ابي اعرف اذا موجود عمليه الزره في السعوديه او البحرين وعن المبلغ

مرة شفت عملية زرع الشعر..
والله إنها تخرع واحس مؤلمة..
ما أنصح أحد بها..
أتوقع الوراثة مالها حل من أدوية أو أعشاب أو غيرها..
اهل الوالدة من الرجال يعانون من الصلع منذ سن العشرين..
خالي خلص الجرجير اللي بالسوق .. وداوم عليه شهووور طويلة.. بدون أي فائدة تذكر..
إبن خالي.. حتى قبل سن العشرين.. أدوية وأعشاب وكريمات .. لم يصل إلى سن العشرين إلا نصف رأسه أصلع..

بس ياشباب..
خلكم طبيعيين.. وترى شكلكم عادي.. يعني اللي يشوفكم مايحس إن فيكم شي غلط..
ألحين الموضة كذا.. واللي عندهم شعر قاموا يحلقونه على الزيرو ..

والله المستعان..

مرحباااااا ..سامحوني على اللقافه بس حبيت اقول ان الصلع الوراثي ماله علاااااااج
الا الزراعه بس الرجل الاصلع مقبول لاتخاف>>>>>وحده زوجهاااا اصلع