![]() |
زوجي غضب واخذ ولدي مني بسبب تصرفاتي معه !
السلام عليكم
الله يريح اللي يريحني !!! مشكلتي مع زوجي وولدي واهلي اول زوجي كان زوجي إنطوائي مره ومايخرج من البيت الا قليل مع الايام اتغير وساير دايما بره البيت ولاهو داري عني تخيلو نتقابل زي الاغراب ما اقول انا ماني مقصره معايه يمكن مقصره والسبب بعده عننا ولدي عمره سنتين و9 اشهر ذبحته ضرب من ضيقتي وطفشي انا حامل في شهري الاخير واهلي في بلد ثانيه ابوي متوفي وامي ماهي حنونه ولاعندها عطف وحب لمن اروح زياره احس إنها تضايف مني ومن ولدي حتى اختي لمن تروح عندهم تحس نفس الاحساس زوجي ليه اسبوعين مايجي البيت الا وقت النوم وقبل يومين سافر من الظهر الين الليل جاء في الليل وقت النوم وانا في بلد مالي فيها احد والله سفره ماكان ليه داعي يقول يبغا يشتري سياره وسيارتنا والله مافيها شي بس فضاوه بعدها بيوم راح الدوام الصباح ورجع بعد ساعه قال بسافر ويرجع بعد الظهر وماجاء الافي الليلوانا وولدي في البيت والله خلقي مره ضايقوسرت حاطه حري فولدي قبل شويه ضربته كف والله انا ما تحمله ابوه كان نايم وقام شرب الشاهي وراح يلبس عشان يخرج مدري إشلون جاء عندي وكب الشاهي عليه وضربته ياليت انشليت ولا ضربته اتمنيت يديي تنكسر قبل ارفعها عليه ماله ذنب طفل بري حبوب بس الله يكافيء الشيطان وإيش ردت فعل ابوه مايقول إيش فيه راح نزل شنطه ملابسي وقال جهزي نفسك اوديكي لاهلك واخد الولد وخرج وابغا اطمن على ولدي ماني عارفه كيف لو اتصلت ماراح يرد ((كيف اتصرف قلبي يحرقني على ولدي )) بالله مين الي يقدر ويحن عليه كل إنسان في الدنيا إذا اضايق لابد يذكر ولا يلقى الصدر الحنون والله مالقيت لا اب ولا ام ولا حتى زوج مليت من عيشتي انا عصبيه ويمكن من الحمل سرت حساسه بس مافي انسان في الدنيا يقدر يعيش لحاله بدون ماينجن الله يهونه واولد والله اكتب وانا مااشوف الحروف من دموعي يااارب اهديلي ولدي وسامحني رزقتني بنعمه وياما ضربته وانا ما احس في هذي النعمه يارب ارحمني من اللي انا فيه وسهل تربية اطفالي |
معقوله 10أشخاص قروا الموضوع محد فيهم قال الله يهون عليكي
|
طيب ليه أختي ما تحاولين تبعدين عن جو البيت انتي وزوجك
وتتفاهمين معه وتحاولين تتقربين منه مو بالامور الجنسيه لأن الرجال يحتاج واحده تسأل عنه تقرب منه تحاول تفهمه تخليه يفضفض لها يعني مو بس زوجه خلك مثل أمه واخته وصاحبه وزوجته صدقيني حاولي تحسسينه انك ملاحظة عليه التغير وفهميه انه حياته مو ملك له بس الا حياتكم كلكم ملك للأربعه انتي وهو و ولدك والبيبي اللي في الطريق والله يقومك بالسلامه يارب |
غاليتي الحبيبه الله يهون عليك وانصحك اولا بالصلاه والدعاء
اختي انتي كما اشرتي عصبيه المزاج ولابد لان تلتفي لهذا الشي وتحاولي علاجه والعلاج بيدك متى ما احسست بالغضب والزعل توضأي وصلي حتى تهدءي اختي ولدك امانه في عنقك وحرام يا قلبي الجنه تحت اقدام الامهات فليش تضربينه وهو في هالعمر حاولي تجين على نفسك شوي ومتى ما شفتي نفسك زعلانه توضأي على طول واشربي زمزم اذا عندك او ماي بارد واحتضني طفلك والله انه امانه عندك ولو لا قدر الله جاء شي من ضربك ماراح تسامحي نفسك ليوم الدين وانا اعرف احدى الاخوات القريبات جدا مني كانت مثل حالتك وتفرط في ضرب ابنتها منذ الصغر الا ان ضرباها مره وجاءتها اصابه في راسها وانحولت عيون البنت واخذت سنين تعالج فيها واليوم البنت عمرها 19 سنه ودايم تقول لامها انا ليش كذا عيني شوهتها والسبب ضربها لالا يا غاليه تداركي الموضوع من اليوم واوصيك بان ترقي نفسك دوما وابداا وشغلي سوره البقره في بيتك طول اليوم وانتي تشتغلي اسمعيها والله يهدء نفسك يا اختي اما بخصوص زوجك فالتفاهم ضروري بينكم وما عليه الحياه يا غاليه مشاكل بس الصبر الصبر والدعاء والاستغفار اسال الله ان يفرج همك وكربتك يارب |
كوجاك :::أمل الحياه مشكورين والله يوفقكم ويسهل اموركم
ويبلغكم رمضان |
حبيبتي لازم تفهمي زوجك انك حاسه بالملل والضيق وانه اذا هو ماتحملك مين اللي بيتحمل؟
وقولي له اطلع بي نتمشى ودي اوسع صدري وكمان اختي عليك بالدعاء وحاولي تتقربي من امك والله يهون عليك وعلينا |
الله يهون عليك اختي الكريمة
حاولي ان تتناقشين معه بالموضوع بطريقة رائعة تحسسه بأنك مهتمة فيه وفقك الله لما يحبه و يرضى و دمتي بخير |
الله يهون عليكم
|
الأخت الفاضلة/ مارس
السلام عليكم أدعوا من الله ان يهديكِ ، ويهون عليكِ، والرجاء طول البال على طفلك وزوجك... وأهتمي بزوجك ، فأنكِ اعترفتِ انك مقصرة في حقه تقربي من الله وأدعي له ، وأستغفري كثيراً.. فأن بعد العسر يسر والله الموفق |
الله يهون عليك ويهدي زوجك ..
اخيتي حاولي انك تعملينله جو حلو في البيت جو رومنسي وكلام حلو احكيله احاسيسك بكل هدواء وبدون عصبيه ممكن يراجع نفسه ويحس بغلطه تجاهك .. حاولي تغيرين روتين البيت حتى يحبه زوجك .. خليه شعله من النشاط عطري البيت بالبخور والريحه الطيبه وتفنني في لبسك ولا يكون خلقك ضايق ولا تكونين نكديه وعصبيه لان هذه احد الاسباب اللي اطفش الازواج من البيت ربنا يساعدك |
الساعة الآن 10:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©