|
يا اعضاء ابي شوركم
السلا عليكم اعضاء المنتدى الله يمسيكم بالخير الصراحة انتم عوض الروح الواحد صار يستشيركم في كل شي عشان كذا ان اليوم راح اخذ رايكم في موضوع راح يصير لي قريب اخواني واخواتي زوجتي مسافرة مع ولدي من اسبوعين مع اهلها وانا منطق في ديرتي حمسني حرها لكن هذا الدوام وما يسوي اخواني مالكم في الطويلة وش رايكم زوجتي بتوصل بعد اسبوع تقريبا بس ما ادري وش استقبلها فيه الصراحة البيت بعد روحتها صاير فوق تحت من الحوسة يعني ارتبه ولا اتركه لما تجي هي ترتبه وغير كذا استقبلها بطريقة خاصة ولا اخلي الامور عادي اسوي لها حفلة بعد رجوعها بكم يوم ولا موب لازم نسيت في امر مهم بقوله لكم في نفس اليوم الي راح تجي فيه زوجتي انا عندي في المساء اجتماع مهم جدا يعني ممكن هي توصل العشاء وانا وقتها راح اكون خارج البيت يعني راح اتأخر عن الرجوع فأخاف انها تتضايق لما ما تشوفني منتظرها في البيت الله الله عاد بالشور الزين لا تبخلون علينا . |
والله ياخوي في البداية هاذي فكرة طيبة اتك تفكر في زوجتك ...
في رايي اولا انك اترتب البيت وتخليه منظم ومرتب وبعدين وفي حالة انك ماراح اتكون في البيت اشتري لها هديه وخليها على السرير مكان ماتنام زوجتك واخذ لها بطاقة واكتب لها انك اشتقت لها وايد وان البيت بدونها ولا شي ومن هالكلام الحلو .. وبعدين خذ كمن وردة وخليهم على السرير ادري الفكرة اشوي مكلفة بس والله انا متأكـدة انها راح تفرح واااااااايد ... وممكن بعد تغير فرش السرير وتحط شموع في الغرفة يعني تسوي جو رومانسي .. وإذا انت حاب تفرح ابنك تقدر تشتري له هدية بسيطة وتخليها له مكان ماينام |
اهم شي ترتيب البيت ونظافته وتبخيره ... هذا احسن استقبال
حط عندها خبر انك مو موجود في البيت والوحدة اذا صارت توها واصلة من السفر تكون مشغولة بنفسها .. تبي تتحمم وترتب شنطها ... |
شوري عليك ترتب غرفتك بس وتغير المفرش وتحط فيه بوكيه ورد
وعليه كرت تتحمد لها بالسلامه وبس وبعدين ليش تزعل وهي جايه مبسوطه ومغيره جو وأنت منطق لا رحت ولا جيت بالعكس هي بتستحي أذا شافتك محيوس في البيت لاأنيس ولا جليس وفرصه تنظف الحوسه ألين تجي أنت من شغلك والوقت يروح عليها بسرعه |
لازم الإستقبال يكون حار وساخن , حتى تعرف زوجتك قدرها عندك ,,,
|
طبعا ترتبه..
عيل ترجع من السفر تلاقي الدنيا مقلوبة مثل مايسوي لي بو الشباب.. وتستقبلها بكل الحب والترحيب وأحلى شي باقة ورد روز وردي وبيج وبطاقة فيها كلمة حلوة.. ولا تنتظر إنها تعمل لك العشا.. أخذمن برع يكفي هي جاية تعبانة وعليها ترتب أغراضها وتفرغ شنطتها.. الله يردهم لك بالسلامة.. |
ما شاء الله عليك حلو انك فكرت في الموضوع....
اقولك ايش تسوي.... 1-رتب البيت وبخره 2-غير شوي ترتيب البيت .. 3-في غرفه النوم...غير المفرش ....حط ورود على السرير وفي اماكن مختلفه من الغرفه ....اشتر هديه لو بسيط همع كرت انك مشتاق لها .... الشموووع ....ممكن تجهز لها الحمام وتختار قميص نوم وكون ان عندك اجتماع خلها فرصه لين ينام الولد علشان تجي وتلقاها مستعده لك وعطها خبر انك عندك اجتماع وانك بتجيب عشاء جاهز معك والله يوفقكم ان شاء الله |
السلام عليكم اممم انا بنصحك انت ترتب البيت شوي و بتعمل اللي بتقدر عليه شو رأيك تشتري بطاقة و تكتب فيها كلمات حب و شعر و إعجاب و انت فاهمني يعني لا تقصر و اتركها فوق السرير فوق مخدة زوجتك ،،، حاول تزين غرفة النوم خصوصاً و تحط فيها شموع حلوه بس هي تكون وصلت بالليل و تكون انت مضويهم و هيك لتحس انو مشتاقلها و الجو كتير رومانسي و اكيد ما رح تاخد على خاطرها منك و الله يوفقكم يا رب و يفتحلكم ابواب السعاده لانو بصراحه بحب اشوف في رجال بأيامنا يفكروا بزوجاتهم و كيف يفرحوهم و يبسطوهم حورية لبنان |
دمعة الماسة عهووووود um soso رادع بحرينية ولكن مشكلتي خجوله حورية لبنان والله من جد اشكركم بعنف الصراحة هذي المنتديات ولا بلاش ياخي ناس تفكر فيك اكثر من ما تفكر في نفسها الصراحة كل الاعضاء الي علقوا على راسي افكار ولا اروع والله ولا وحدة من ذا الافكار كنت ناوي اسويها الا يمكن بس قولت تعديل المكان الي اجلس فيه لكن الحين بعد افكاركم الله العالم اني كلها راح اسويها ياناس انتم كذا :22: بس الله يعطيكم العافية اذا فيه احد عنده عبارة تصلح اني اكتبها يا ليت يتحفنا بها وأكون له من الشاكرين دمتم بخير العابر555 |
ماشاء الله تبارك الرحمن
كذا الازواج والا بلاش |
| الساعة الآن 06:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©