|
كيف ستقضون الاجازة؟ دعونا نستفيد من تجاربكم
.
. . . . . . . بعد التحية و السلام والقهوة و الشاي وكان يمكن يكون فيه عشاء لولا كلمتي الاثيرة ( والله ما يقسم لنا شي عندك غير القهوة و الشاي ) و في منزله دار بيني و بين احد الزملاء هذا الحديث صديقي: كيف الدوام انا : فكنا من الحديث عن الدوام و همه صديقي: صدقت و لكن ياخي نطلع من هم الدوام الى هم الاجازة انا : هم الاجازة!!! صديقي : يافهد لما تكون الاجازة شهرين ايش اسوي فيها , ياخي تعودنا على الدوام. والا تبغانا نسوي زي هالشباب اما في كوفي او كازينو والا رايح جاي مع شارع يعاكس او يفحط طوال اليوم بدون هدف او فائدة يضيع وقته و اذا كلمته قالك انا ماني فاضي!! خلها على الله مشغول!!! انا : افا انت تقول هذا الكلام وانت معلم؟؟ ياخي ادخل دوره في مجال عملك او في الحاسب الالي او اللغة الانجليزية فهما لغتا العصر ( والمغرب كمان :d :d ) و ستحتاجهما في حياتك العامه و الخاصة. او خلها اجازة داخلية صديقي : داخلية ليه مليونير !! و بعدين يرددون الكلمة المأثورة : ممنوع دخول العزاب!! انا : طيب خلها خارجية صديقي: خارجية ماتحمل المناظر اللي انت خابر!! بعدين ابغى شي مافيه دفع فلوس فانا مفلس انا : عندي الحل و بدون ولا ريال صديقي: هاته انا: اعمل برنامج رياضي بسيط نص ساعه او ساعة مشي او ركض كل يوم. او غيرها من الرياضات ففيها فوائد بدنية و راحه نفسية. صديقي: غيره. انا: اقرأ عندك كتب كثيرة لم تقرئاها ابدا بقراءتها الان ولكن ركز ليس المهم ان تقرا كثيراً بل المهم ان تفهم ماتقرا لذلك ركز وانت تقرا و دون بعض ملاحظاتك على الموضوع و لخص الكتاب بعد قراءته لكي يسهل لك الرجوع الى الموضوع فيما بعد. صديقي: يافهد ماعندي كتب و قلت لك ما عندي دراهم اشتري انا: ياخوي المكتبات العامة ملي البلد تنتظر من ياتي اليها ليستعير كتاب. صديقي: اعطني اللي بعده اذا فيه!! ( ليه في محل تميز حنا ) انا: طيب يابو فلان عندك اجازة شهرين يعني ثمانية اسابيع صديقي : يعني انا : اصبر يارجل الصير زين!! ايش رايك تعمل جدول في كل اسبوع تزور اثنين من جماعتك اللي انت من زمان مازرتهم يعني في شهرين 16 زيارة. صديقي: والله هذي زينه انا : ولكن ابدا بالأكثر حق و لا تنسى زور بعض اللي قاطعينك صديقي :ليه ميت انا عليهم خلهم لا يجوني ولأني جايهم انا : لا منت ميت و لكن الرسول صلى الله عليه و سلم يقول ( ليس الواصل بالمكافئ ، ولكن الواصل الذي إذا قطعت رحمه وصلها ) رواه البخاري بعدين انت دايم تشتكي من ضيق الحال صلة الرحم من اسباب سعة الرزق يقول المصطفى صلى الله عليه و سلم (من أحب أن يبسط له في رزقه ، وينسأ له في أثره ، فليصل رحمه)رواه البخاري صديقي : ان شاء الله بحاول اعملها ولكن ودي اسالك ؟؟ انا : تفضل صديقي: انت تسوي اللي قلته لي؟؟ انا : والله اللي قلته لك حالياً اعمل بعضه و بعضه الاخر لا ولكني ناوي اطبق اكثره ان يسر الله اخيراً: اخواني و اخواتي الاجازة وقت كبير جداً للفائدة و التغيير و اكتساب المهارات و التواصل الاجتماعي لا تضيعوها كيف ستقضون الاجازة؟؟ دعونا نستفيد من تجاربكم؟؟ آسف على الاطالة تحياتي اخوكم فـــــهـــــد |
معليش صرت انا اول الداخلين مع اني من الممنوعين
بس صراحه كلام مفيد جدا جزاك الله الف خير جعله الله في ميزان حسناتك يارب |
جزاك الله خيراً
موضوع جد جميل ومفيد |
تحية الك اخي فهد......وعقبال ما نشطب اسمك من دفتر العزوبية...اخوك العزابي alseem
|
هههههههههه انا بعد من الممنوعين :)
صراحة انا قدمت على ظيفة بالصيف و الحمدلله قبلوني دوامين.. ((اول مرة اتوظف بحياتي لاني ما زلت ادرس)) و ناوية ان شاءالله بآخر الاجازة اسوي و أحضر مشروع التخرج باذن الله عشان الترم اجاي ما يصير ضغط علي و هالسنة ماااافيه سفففففففر بالصيف هئ هئ هئ اول مرة ما اسافر :( بس ان شاءالله فيه سفر بعد الصيف :) و الله يعيييييين و يوووووووفق .. ومشكووووووووووور على الموضوع الحلووووووووو صراحة يعطيـــك العـــافيــــــــــــــــة |
انا في عالم الرجل والا لا
بعدين ما قلت ممنوع دخول النساء :( :( اقولكم ادخلوا يالله نمشيها المره هذي بس اختي لحظة وداع شكراً لمرورك الكريم الذي عطر هذا الموضوع جزاك الله خير |
راح أتسدح في البيت وأنــــــــــــــــــــــــــــــــــــــــــام ... يازين النوم بعد الدوام !!!
|
عشان ماتزعل!!>>>متابعة فقط!!:o
|
والله إجازتي شهر واحد فقط لا غير للأسف .. الله يرحم أيام الدراسة
شكلي راح أسافر أسبوعين للخارج .. يمكن أروح جمهورية مصر العربية عشان أزور أصدقائي لأني كنت عايش في مصر وأسبوعين في الطائف حتى نروق ونستمتع بالأمطار.. وبعد الإجازة نعود للدوام وراح أبدأ في تحضير رسالة الماجستير الله يسهلها هذا كله بمشيئة الله عز وجل .. وما تشاءون إلا أن يشاء الله وشكرا على الموضوع الجميل |
الاخ الفاضل اسامه
شكراً لمرورك الكريم جزاك الله خير الاخ الفاضل alseem شكراً لمرورك اولاً جزاك الله خير وان شاء الله انا و انت قريباً الاخت الفاضلة أم تاالا حياك الله في موضوعك وفقك الله في عملك الجديد و يسر امرك نصيحة لـ الاخوان و الاخوات من طلاب الجامعات: الكثير منكم يدرس في تخصصات غير مطلوبه في سوق العمل لذا وحتى لا تضيع السنين استفد من الاجازات في اخذ الدورات ( الكمبيوتر و اللغات و المهارات الاخرى ) اثناء دراستك في الجامعة فهي تساعدك في الحصول على وظيفة و تكون ميزه لك وكما يقال اتعب الان قليلاً وارتاح فيما بعد ( انا عملت ذلك و كانت ثماره جيده جداً ) |
| الساعة الآن 11:05 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©