رغم أن زوجي متفهم إلا أنني حائرة .. كيف اقنعه بالذهاب إلى الطبيبة ؟؟
 

مب عارفه شووو اقووول .. أبغي مساعدتكم يا متزوجات جزاكم الله خير


:o أنا متزوجة صار لي كم إسبوع .. يعني قبل رمضان باسبوعين تقريبا ..

و زوجي ما شاء الله عليه مو مقصر معاي بشي .. وأحس إني تأقلمت معاه والحمدلله بس في شي منغص علي حياتي

إستحيت اطرح الموضوع على أمي لأن علاقتنا إحنا البنات مع الوالده تسودها الإحترام بس عمري ما فتحت معاها موضوع يخصني كبنت .. حتى ليلة عرسي ما فتحت معاي اي موضوع يخص ليلة الدخلة وليتها فتحت هالموضوع .. كوني البنت الوحيدة اللي تزوجت ما اقدر افتح الموضوع مع خواتي لقلة خبرتهم بهذا الشي ..

وكنت اسمع دوووم عن هذا المنتدى من صديقتي في الجامعة جزاها الله خيرا ..

مشكلتي الله يسلمكم إنه في ليلة الدخلة .. :o صار كل شي وزوجي والحمدلله انسان متفهم ووراعي شعوري لابعد درجة .. بس انيي لمشكلة فض البكارة .. ما نزل شي ولا حتى نقطة .. انا انصدمت وكنت احس بخوووف والم بسيط بس هو ما قال شي .. تصورا باسني على يبهتي وقالي لا تخافي احس ان الغشاء عندك مطاطي لاني احس انه ما انفض لحد الحين .. ما عرفت شو اقوله وسكت .. عقبها قام عني وراح يغتسل ... وهذا هو حالنا من يوووم ما تزوجنا ... احس انه يحبني بس مب قادر يتقبل الموضوع .. ساعدوني هل هو مقتنع بهذا الشي ولا هووو شاك .. ابغي اروووح اكشف عند دكتورة بس ما اعرف شو اقول لها .. واخاف اقوله برايي هذا يقوم يزعل .. ما ودي اسوي شي يزعله .. خواتي جازكم الله خير شوروا علي .. شو الحل برايكم ..

صديقتي تقولي ليش انتي خايفة دامه هو قالك بنفسه هالكلام ... شو اسوي احس في حاجز بينا .. لانه لحد الان مب قادر يتم العملية كامله .. انا مرتاحه معاه وهو حساس ويراعيني وعمره ما زعلني حتى لو بكلمه كله يكتم .. أحبه و ودي اريحه من هالعذاب ..

Al Ho0or

تم تعديل العنوان ..

يا عزيزتي :

هذا شي طبيعي إذا كان غشاءك مطاطي

و للإطمئنان روحي لدكتورة و خليها تفحصك و فهمي زوجك إنه إذا كان مطاطي ولم يتم فضه ما راح يصير الحمل

الله يطمنك

مرحبا
وانا كمان راي تروحي تشوفي دكتوره بعد اذن زوجك طبعا حتي تتطمني وتريحي نفسك وزوجك والله المستعان

اذا كنت متخوفة او حاسة انه فيه ريبة مافيها شي قولي له انك حابة تروحي لطبيبة

خلها تجي منه

زوجك واعي ومتفهم لكن مثل هذه الامور قد تبقى رواسب تنفجر لاحقا
لكن اصرارك ولو حتى انك فحصتي فعليا سيسد عليه اي ريبة ومدخل للشيطان

الكلام ماقالت بحرينيه ولكن
خلي عملية الجماع تتم عادي
ويصير حمل ويتم الفض الكامل عند الولاده
لكن اذا حس انه مطاطي ومو قادر يتم الايلاج بشكل تام وكأن فيه حاجز لا اجل تروحين لدكتوره تساعدكم
الموضوع عادي عزيزتي
اعرضي عليه تروحون لطبيبه علشان يحس انك مهتممممه

يا قلبي يا حور
احس حالتج وانتي اول وحده متزوجه من خواتج مثل حالتي
وعلاقتي كانت نوعا ما رسميه ويا الوالده

بس صدقيني يوم اتوقهت مثلج ... وكنت اصيح ....زوجي قالي كلمي والدتج هي الوحيده اللي بتعطيج الراي الصحيح
كلمتها وانا ميته من الحياء بس والله ريحتني راحه !!!!!
شوفي الغلا...
اللي يستويلج طبيعي جدا
انتي بعدج كم اسبوع
والموضوع يباله وقت

وحده من صديقاتي كانت مثلج ...وفعلا زوجها كانت ردة فعله مثل زوجج... الزوج يحس بالغشاء ويحس بالمقاومه وبالتالي يكون الغشاء مطاطي

بس علشان يرتاح قلبج ...لا تروحين وتقوليله ليش ما صار شي...وتكونين انتي مصدر الشك لا

قوليله انج تبين تروحين للدكتوره لانج حاسه بالم في المنطقه
روحيلها واتأكدي واذا أكدتلج اطلبي منها تخبر زوجج بنفسها

مع اني اظن انه الزوج اذا ماخذ بنت ناس ملتزمه وعارف دينها مستحيل يشك فيها

بالتوفيق غناتي وحاضرين :17:

إن شاء الله أختي اروووح للدكتورة بس بعد ما يقتنع بالموضوع

:)

مشكورة غناتي على ردك وجزاك الله خيرا

جزاك الله خير اختي العزيزة

وإن شاء الله تنحل المشكلة لاني ابغي ارتاح واشوف زوجي مرتاح

تعرفي رغم اني زوجي ما يقول شي بس مرات احسه متوتر .. صح يلاطفني ولا يزعلني بس احس بخاطره كلام وده يقوله

هو يحبني وانا واثقة انه مب شاك فيني بس يتم الريال يحس ان هالشي يمس رجولته هو

ودي اساعده وما ودي اشوف بهذي الصورة والسبب انا

ان شاء الله اقنعه ونروح للدكتورة