|
زوجتي واهلي
السلام عليكم ورحمة الله
انا عندي مشكلة وبصراحه عجزت القى لها حل من قبل الزواج وانا اهلي كانو يعرفو زوجتي معرفه بسيطه اهلي ولله الحمد الطيبين وكانو يتعاملو مع زوجتي على اساس انها وحده منهم ويتكلمو معها عن اسرارهم والعلاقه كانت على مايرام ولله الحمد اللي صار انه سافرنا انا وزوجتي وبعدها لحقونا امي واختي لدولة بعيده عن دولتنا هذيك الفترة زوجتي حملت ومن هنا بدات الاحداث صارت بيني وبين زوجتي مشاكل كبيره جدا بعضها وصل لحد الطلاق ولكن ولله الحمد تم تجاوزها وكانت هي السبب لانها غلطت على امي صارت عدة مشاكل بين امي وزوجتي وكانت هي السبب واعتذرت بعدها امي سافرت وجلسنا انا وزوجتي واختي في شقه وحده لمدة ستة اشهر تقريبا الفتره هذي كلها مشاكل بين زوجتي واختي والاثنين كل مره احد فيهم يفتعل غلط وطول الفتره هذي تقريبا محد يكلم الثاني وانا بالنص وبعد انقضاء الستة اشهر ورجعنا للدولة الان هذا الموضوع انتهى له اكثر من سنتين ولكن الاشكاليه اللي انا فيها انه اهلي كرهو زوجتي كره مايعلم فيه غير الله رغم انه زوجتي تحاول تعدل من نفسها ولكن صرت اشوف اهلي ماعاد صاروا يتعاملو معها مثل اول وانا اشوف انه معهم حق وقاعد احاول اهدي الوضع ولكن اوقات احس انهم مغصوبين علشان هي زوجة ابنهم وانا اكتب الان تذكرت موقف صار امي بعد مارجعت من السفر قابلت ام زوجتي وخبرتها عن افعال بنتها امها قالت لها انا راح اربيها لما ترجع وكلام من هذا القبيل نرجع للموضوع الان تصير بعض المواقف اذا تقابلو اختي اللي كانت بينها وبين زوجتي مشاكل كبيره ماخذه عهد على نفسها انها ماتكلمها ابدا هل من توجيهات عذرا عالاطاله |
رد: زوجتي واهلي
امك واختك يتحملّو الجانب الاكبر من الخطأ
اجل لاحقين العروسة لآخر البلاد! سلامات لا واختك عايشة معكم 6 اشهر!!! |
رد: زوجتي واهلي
اقتباس:
ولو انا بمكان زوجتك حاولت اصلح العلاقة مع الام لانها جدة الاولاد وهي الاساس .............................................. انت تتحمل اغلب الغلط ليه تحشر العايلة كلها بشقتك ؟ بداية الزواج خلقة مشاكل وهواش بين الزوجين كيف لو صار فيه اهل بينكم يسمعون كل شيء اتمنى تتجرد من التقكير التقليدي وانك توقف بصف اهلك بكل الحالات وتمعن النظر بخطأك انت ! لا تحاول تصلح العلاقة ولاشيء صلح علاقتك مع زوجتك واهلك من نفسهم شوي شوي بيطيح الحطب |
رد: زوجتي واهلي
الحل وانا اختك تقرب من زوجتك ولاتصير بصف اهلك عليها ولاتسمح لهم يخطون عليها
لكل فعل ردة فعل عروس ولاحقينها ووحمام وضغط نفسي وهي بنت ناس ومتربيه والدليل تحاول تسوي العلاقه معاهم |
رد: زوجتي واهلي
أخي أنت لم تخبرنا عن اخلاق زوجتك هل هي هكذا دائماً ( راعية مشاكل ) أم الوضع مع اهلك فقط ..
وهل الإستفزاز يحصل من الزوجة غالباً أو منهم .. أنت الشهد على كل هذا ويبدو أنك تبحث عن حل ولايعجبك الوضع .. من كلامك أظن السبب احتكاكهم الدائم ببعض .. من خلال السكن سوية أو الزيارات فيما بعد .. وأنت مطلع على مشاكلهم عن قرب وتعرف شخصية زوجتك وفي المقابل تعرف شخصية أمك وأختك .. لذا قيم الوضع واسترجع الموااقف وفكر بعقل ومنطق ثم استنتج من المتسبب في هذة المشاكل .. انصحك تقلل من احتكاكهم ببعض قدر الإمكان وتكون الزيارات رسمية .. وأن لاتقلل من قدر زوجتك امامهم وفي نفس الوقت تطلب منها إحترام والدتك والإحسان إليها .. واختك تتجاهلها تماماً وتعاملها بشكل عادي جداً وبعيد عن الإستفزاز لتعز نفسها وتبتعد عن المشاكل .. فهذا قد يرجع المياه لمجاريها طالما أنهم لم يعودوا يسكنوا معكم .. تمنياتي لك بالتوفيق . |
رد: زوجتي واهلي
مستغربة من موقفك
ليش الزمت زوجتك وهي عروس تسكن مع اختك 6 شهور وكمان حامل يعني نفسيتها جدا صعبه والمفروض قبل سنه تكون سوا من دون الاهل بالسفر وانت شايف الوضع ليش ما منعت الاحتكاك لا كمان جلست اختك معكم 6 شهور خربتها وبالاخير كله براس زوجتك المسكينه |
رد: زوجتي واهلي
انت ماوضحت وش المشاكل الي صارت عشان نحكم ولاكن من خلال كلامك اختك ساكنه معكم 6 اشهر هذا امر مزعج ماتوقع في زوجه تقبل هذا
|
رد: زوجتي واهلي
المشكله غير واضحه ولاندري وش اساس الخلاف حتي نفيدك اخوي
|
رد: زوجتي واهلي
فعلا المشكله غير واضحه وانت ابخص بوضعك
بس جدا مستغربه من الاعضاء الي يقولون ليه تسكن اهلك معك وحرام عروسه يعني امه واخته يسكنهم بالشارع وواضح انهم مو جايين سياحه ولا مناشبينهم بسفره شهر عسل جد غريب يعني الواحد لا تزوج ماله شغل بامه واخته واذا اجبرتهم الضروف يتمون عنده يبرى منهم عشان المدام ماتزعل |
رد: زوجتي واهلي
انا برضه استغربت ردود الاعضاء وهجومهم على الاخت
تفاصيل المشكلة مو واضحة مافي شهر عسل يدوم ست شهور هو ماوضح سبب السفرة وليش امه واخته لحقوهم وليش الاخت مارجعت مع امها ولا ذكر تفاصيل البيت كبير صغير وكمان خلوا المدام حامل !!!! اتمنى الاخ يدخل ويوضح موضوعه حتى الاعضاء يقدروا يقدموا له مشورة |
| الساعة الآن 09:02 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©