|
شاكة بزواج زوجي
السلام عليكم
ولو اني عارفة المنتدى مو زي قبل بس ماعرفت استشير مين من 6 شهور شاكة بزواج زوجي ونفسي اصارحة بس خايفة من نتيجة المصارحة .. خايفة افتح على نفسي باب انا بغنى عنه كيف ممكن اتأكد من زواجة من غير مااصارحة او احسسه بشكوكي؟ |
رد: شاكة بزواج زوجي
هلا كوين وش خلاك تشكين
ياليت المنتدى يرحع مثل قبل خاصه ان الاعضاء هنا يعرفون بعض و معاصرين مشاكل بعض وهم الاقرب وافهم لحال الاعضاء |
رد: شاكة بزواج زوجي
اقتباس:
توقعت يبغاه لنا اذا سافرنا الرياض لكن قال بيخليه استثمار ويأجرة فكرة الاستثمار مو وقتها .. لان لسا ماخلصنا من بيتنا الاول ولا سكنا فيه يسافر كثير صحيح مايطول بس مو من عادته ابدا |
رد: شاكة بزواج زوجي
شفت طريقة لكن مو متأكدة من صحتها
طلعي شريحته من جهازه بعدين ركبيها بجهازك ادخلي أبشر وحطي نسيت كلمة المرور وراح يرسلون لك ع جهازك الكلمة الجديدة ووقتها تقدرين تعرفين اذا فيه زوجة ثانية . تاكدي قبل اذا شريحته برقم سري أو لا . قبل ماتسوين هالخطوة ، عندك خطة تسوينها لو عرفتِ ؟ وحتى لو صارحتي ، إيش بتستفيدين ؟ |
رد: شاكة بزواج زوجي
اقتباس:
بالرياض العقار مربح جدًا ونعم يحتاج متابعة لكن اذا أجره بشكل سنوي مايحتاج ممكن حب مجال العقار وانفتن فيه ؟ ترا يحتاج يمر محلات ويحتاج متابعة عمال ويحتاج يمر مخططات ومزادات وياخذ افكار من هنا وهناك .. بالرياض هالبزنس مرة نشط . لكن كيف تعامله معاك ؟ هل تحسين يعطي ملاحظات مثلاً ؟ تحسين يحاول يعوضك ويشتري لك ؟ يمدحك ويعبر بحبه بشكل زايد عن المعتاد ؟ وعذرًا ، نشاطه الجنسي هل اختلف ؟ هذي هي اللي توضح . |
رد: شاكة بزواج زوجي
السلام عليكم ورحمة الله وبركاته يا الف مرحبا بالاخت الطيبة Queen اسعدك الله وبارك فيك وين الغيبة سترك الله وما شاء الله الاخت غادة ايضا مشاركة حفظها الله والله نتمنى يعود الاعضاء الكرام ويرجع هذا المنتدى كما كان ولكنها سنة الحياة سبحان ربى العظيم كيف حال زوجك وكيف ابناءك وفقهم الله طبعا الرد الاخير للاخت غادة كان شامل واحب ان اضيف ان اهله فى الرياض وطبيعى يحب وجود بيت لكم بالرياض |
رد: شاكة بزواج زوجي
وعليكم السلام ورحمة الله وبركاته
شراؤه لبيت ليس دليل على زواجه احتمال كبير يكون صادق وحب يستثمر اين حدسك يا امراة ؟ الم تحسي باي تغيير في علاقته معك دخول امراة جديدة في حياة الزوج يبين اما يتحسن كثير معك عشان يريح ضميره او يهجرك عاطفيا عشانه مكتفي |
رد: شاكة بزواج زوجي
اقتباس:
بس احساس كبير انه متزوج ودايم احساسي مايخيب |
رد: شاكة بزواج زوجي
اقتباس:
فعلا مدحة ودلعة لي زايد كثييير حتى ماعليش العلاقة مبالغ فيها ويلمح اني سرت باردة |
رد: شاكة بزواج زوجي
اقتباس:
بالنسبه للبيت زي ماذكرت .. مو وقته ابدا ان يشتري بيت وبيتنا الي هنا اولى ان يخلصه ونسكن فيه |
| الساعة الآن 09:29 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©